Éxodo 20:10 - Biblia Mixe de Quetzaltepec

¹⁰ E ja mëwëxtujkxëëwpë po'kxënxëëw jäänë, mëti'ipë ja mWintsën Tios yajtukwintsë'ëkëpën. Nitituunk mëpaat xykyatuny jä'ä xëëw, näjyëtu'un yë mmaank, yë mnëëx, yë mtuunpë ye'etyëjkpë, to'oxytyëjkpë; yë mjëyujk ets jaaypyaat jaaypyo'kxy ka'ap mëpaat jää nitituunk tuntë.

Biblia Dc en Mixe de Quetzaltepec

¹⁰ E ja mëwëxtujkxëëwpë po'kxënxëëw jäänë, mëti'ipë ja mWintsën Dios yajtukwintsë'ëkëpën. Nitituunk mëpaat xykyatuny jä'ä xëëw, näjyëtu'un yë mmaank, yë mnëëx, yë mtuunpë ye'etyëjkpë, to'oxytyëjkpë; yë mjëyujk ets jaaypyaat jaaypyo'kxy ka'ap mëpaat jää nitituunk tuntë.

Éxodo 20:10 ပူးပေါင်းရင်းမြစ်များ

Éxodo 34:21

Tëtujkxëëw mtuntëty mye'eytyëty, e ko wyëxtujkxëëwpätëty mpo'kxnëtëp jää, oy jyääjëty ma ënäty tnixëëw'atyën ja nipën kojën, ëkë ma yajpëjkë'ëky yajtuunë'ëkyën ja pëjktä'äky.

Lucas 23:56

Ënät ojts nyëjkxnëtë ma tyëjkëtyën ets ja pa'akxu'kpë nëë tnipëjktakëtyë. Tääts t'ëmaay'ajtë ja po'kxënxëëw, jëtu'un ijxtëm ja ënä'ämën myinyën.

Nehemías 10:31

E ko pën jyaminëty po'kxënxëëwëtë ajuuy ato'kpë ma ëëts nnaaxëty nkajpnëtyën, nitiijës nkajuyanëtë ets nitii ëëts nkatukmëtooka'antë, oy jyääjëty ma oytiixëëw ntuntësën; näjyëtu'un ko wyëxtujkjëmëjtpätëty ka'ap ëëts nyu'uja'an ntuna'antë ets ja naaxwiinyëtë pyo'kxëty ets nän nimä'kxantëp ëëts ja nyu'kxyëty mëti'ipë ënäty të xymyëjuy të xymyënu'kxtësën.

Éxodo 31:13

Mijts kë'ëm timmëëtmëtya'ak yë Israel ja'ayëty ets xy'ënëëmëty: Kopkpëky ko xymyëjjawëtëty ëjts yë npo'kxënxëëwës, jä'ä ko yë'ë yajtuk'ijxp koos ëjts nyajpaaty ma miitsëtyën xëmëkyëjxm, jëtu'un yajnijawë ko ëjts mëti'ipë Wintsën'ajtpën, ëjts jëtu'un miitsëty të nwin'ixtë.

Éxodo 16:26

Jyëkyäpëp xypyëjkmuktëty yë mjë'kxyëty mpëkyëty tëtujk xëëw jëtu'un y'itëty, e ma wyëxtujkxëëw'ajnën po'kxënxëëw jäänë, ka'ap jää tii y'ita'any.

Éxodo 35:2

Jyëkyejpy tëtujk xëëw mtuntëty mye'eytyëty e kom wëxtujk xëëw po'kxënxëëw jäänë, wa'ats mëpaat ya'atë xëëw y'ity, jää mpo'kxtëty ets yi'iyë yë Tios jää yaj'ëwtatëp. Pën jää tiituunk tyuunpy, kopkpëky ko y'ookëty.

Levitico 23:3

Tëtujkxëëw mtunëty, kom wëxtujk xëëw nitii mëpaat xykyatuny, jä'ä ko po'kxënxëëw jä'ä. Ets jää mëpaat yë nyänyiye'eypyätë y'ity ma ja Tios yi'iyë yaj'ëwtatëtyën. Oyëtën ënäty ma mtimyajpaatë tääpë xëëw mpo'kxtëp jëtu'un ets jëtu'un'äämpy ja Tios xymyëjjawëtëty.

Ezequiel 14:7

Ko tu'uk yë Israel ja'ay ëkë jaaypyaat jaaypyo'kxy mëti'ipë tsënääpyën ma Israel kajpnën xy'ëxmatsëtyës ets wiink tios tpanëjkxtëkëty ka'apë tyiosëtyën ets jam ja jyot wyinma'any tpëjkta'akëty ma t'ëwtatyën ja wiink tios ets yi'iyë tuk'ijxpätëty ja mëti'ipë yajpokytyuunëpën ets ok tninëjkxëty ja käjpxynyajxpë ets winë tyajtëwëty, ëjts kë'ëm nmo'ojäämpy ja ëtsoowinpijtën.