Éxodo 2:6 - Biblia Mixe de Quetzaltepec

⁶ Ko ja katsy tku'apëjktuty, ënät t'ixy ko pi'kmëxu'unktëm jap tu'uk ko'knääpy ets janty yaxp jap. Ko ja yajkutujkpë ja nyëëx jëtu'un t'ijxy, ojts tpa'ëyoy tnajts'ëyowë ja pi'kmëxu'unk ets y'ënäny: Ya'atë mëxu'unk, hebreo ja'ay yë'ë.

Biblia Dc en Mixe de Quetzaltepec

⁶ Ko ja katsy tku'apëjktuty, ënät t'ixy ko pi'kmëxu'unktëm jap tu'uk ko'knääpy ets janty yaxp jap. Ko ja yajkutujkpë ja nyëëx jëtu'un t'ijxy, ojts tpa'ëyoy tnajts'ëyowë ja pi'kmëxu'unk ets y'ënäny: Ya'atë mëxu'unk, hebreo ja'ay yë'ë.

Éxodo 2:6 ပူးပေါင်းရင်းမြစ်များ

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

Hechos 7:21

Ënät ojts atsip yaj'ëxmajtsnë. Ja faraón ojts ja nyëëx tpaaty ja mëxu'unk mëti'ipë Moisés'ajtpën ets tyajyë'ky ijxtëm kyë'ëm u'unkën.

1 Reyes 8:50

Mpokymyä'kxëp ja mnaax nkajpn mëti'ipë të mëtëkoyën. Mä'kxëp ja y'ëxëëkjot y'ëxëëk winma'anyëty ma ënäty të mëtëkoyën, mijts mtunëp yë mëyajtën ets xypya'ëyow xynyajts'ëyowëty, pya'ëyowëtëty näjyëtu'un ja ja'ayëty mëti'ipë ënäty tsumy matsy të yajnëjkxëtën.

Salmos 106:46

Ojts tyajkutuky ets ja naax kajpn mëti'ipë ënäty të myëmëta'akëtën, oy jyëkyäpëtëty ets myëët'atëtëty.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Éxodo 2:5

Kom ok ojts ja yajkutujkpë ja nyëëx jam kyëtä'äky tsiipë nëë'ëkë'ëm, ja to'oxy'ëna'këty mëti'ipë jämyëët'ajtëpën, tam ënäty nyajxwij pyëjkwijtë ko ojts ajotkumonë t'ijxpaaty tu'uk yë katsy jap ujtsjoty, ma ja ujtsën mëti'ipë yajtijpën nëë'aweky. Ënät tu'uk ja tyuunpë tuknikejxy ets nëjkx tjuuty ja katsy.

Éxodo 2:7

Ënät ja mëxu'unk ja tsyë'ë ojts twinma'anymyo'oy ja yajkutujkpë ja nyëëx: ¿Nëjkxës n'ëkwoy tu'uk yë u'unktaak, mëti'ipë hebreo ja'ayën ets yë'ë tääpë mëxu'unk tyajtsi'itsëtyë?

Jeremias 34:9

Ja käjpxytyu'unën mëti'ipë yaj'apatëtyën, jëtu'un ja y'ënä'äny ko mëti'ipë ja'ay myëët'ajtypyën ja mëtuunpë ma jyëën tyëjkën ets ka'ap tmëjuy ets pën hebreo ja'ay, wä'än tnajtsmatsë këtiipë pën ja myëkunaax myëkukajpn twa'anëty mëtuunpë.

Éxodo 1:22

Yë yajkutujkpë ojts t'ëne'emy yë ja'ay ets t'ënëmaay: Nëjkx nëëkujëpijpta'atë yë mëxu'unktëjk, mëti'ipë yä'äy ëna'këtyën, yë'ë jëtu'un yë hebreo ja'ayëty y'u'unkëty, tu'kë'ëyë jëtu'un tyimmintën naaxwiiny, yë to'oxy ëna'k'u'unkëty myajwë'ëmtëp, wä'än tjuuky'atë.