Éxodo 2:5 - Biblia Mixe de Quetzaltepec

⁵ Kom ok ojts ja yajkutujkpë ja nyëëx jam kyëtä'äky tsiipë nëë'ëkë'ëm, ja to'oxy'ëna'këty mëti'ipë jämyëët'ajtëpën, tam ënäty nyajxwij pyëjkwijtë ko ojts ajotkumonë t'ijxpaaty tu'uk yë katsy jap ujtsjoty, ma ja ujtsën mëti'ipë yajtijpën nëë'aweky. Ënät tu'uk ja tyuunpë tuknikejxy ets nëjkx tjuuty ja katsy.

Biblia Dc en Mixe de Quetzaltepec

⁵ Kom ok ojts ja yajkutujkpë ja nyëëx jam kyëtä'äky tsiipë nëë'ëkë'ëm, ja to'oxy'ëna'këty mëti'ipë jämyëët'ajtëpën, tam ënety nyajxwij pyëjkwijtë ko ojts ajotkumonë t'ijxpaaty tu'uk yë katsy jap ujtsjoty, ma ja ujtsën mëti'ipë yajtijpën nëë'aweky. Ënet tu'uk ja tyuunpë tuknikejxy ets nëjkx tjuuty ja katsy.

Éxodo 2:5 ပူးပေါင်းရင်းမြစ်များ

Hechos 7:21

Ënät ojts atsip yaj'ëxmajtsnë. Ja faraón ojts ja nyëëx tpaaty ja mëxu'unk mëti'ipë Moisés'ajtpën ets tyajyë'ky ijxtëm kyë'ëm u'unkën.

Salmos 12:5

Yë Wintsën jëtu'un të y'ënä'äny: Yë ëyoopëja'aytyëjk ets paki'ixtëjk; o'ktëypyë jyatën kyëpätën, mëti'ipë jëëytyëp yaxtëpën. Yë'ëjës yam mputëkëjantëp etsës nkuwa'ana'antë, ijxtëm yë'ë tsojkën'atën.

Salmos 9:9

Yë Wintsën y'akëëytyujkpy y'axajtujkpy yë ja'ay mëti'ipë ëxëëk yajtuunpën, myajts'ijtyp Kyëwent'ajtyp ko mon tuk yajpaaty.

Salmos 46:1

Tios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Éxodo 8:20

Tä ja Tios t'ënëmaay ja Moisés: Yë mëj'ënä'ämpë jap jopy tsojk nyëjkxa'any nëë ëkë'p paaty mijts tsojk jopy mpëtë'kojëty ets nëjkx xy'ënëëmë: Jëtu'un yë Tios të y'ënä'äny: Ëxmajtskës yë nkajpn, wä'änës min xy'ëwtaty.

Éxodo 7:15

E jopy tsojk nëjkx xy'ijxkojy, ko nyëjkxëty nëë ëkë'p, jap nëjkx xy'ëwxity, mënëjkxëp ja mtajk mëti'ipë ojts y'awinpityën tsa'any.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Salmos 76:10

Ko yë naaxwiinyëtë ja'ay jyoot'anpëky, mijts ni'ikyë mxoontä'äky, oyxyëp janty tu'k nu'unën jyoot'anpëky, mijts jëtu'un xyjyawë tä jeexyë tu'uk yë kujän myajtukujenyën.

1 Reyes 17:6

Ja jooky jä'ä myënëjkxtëp ja kyääky y'uuky jopyëp ets jënäkyxyëëw. Ets jä'ä ja nëë y'ukpy mëti'ipë japën wokjoty.

Jonás 1:17

E yë Wintsën tëë ënäty jap nëëjoty tnipëjktaakë tu'uk mëjnëë jëyujk ets ja Jonás jyëënëtëty. E ja Jonás tëkëëk xëëw tëkëëk tsu'um jap y'ijty nëë jëyujk jootjoty.

Jonás 2:10

Ënät ja Wintsën ojts ja nëë jëyujk tyajnëjkxy jam nëëpë'am ets ja Jonás yaj'ix'ë'tsy.

Éxodo 2:6

Ko ja katsy tku'apëjktuty, ënät t'ixy ko pi'kmëxu'unktëm jap tu'uk ko'knääpy ets janty yaxp jap. Ko ja yajkutujkpë ja nyëëx jëtu'un t'ijxy, ojts tpa'ëyoy tnajts'ëyowë ja pi'kmëxu'unk ets y'ënäny: Ya'atë mëxu'unk, hebreo ja'ay yë'ë.