Éxodo 2:25 - Biblia Mixe de Quetzaltepec

²⁵ Yë Tios ojts y'ixëtë, ojts tnijawë ets ojts näjyëtu'un tja'akyukë ko ënäty jap mon tuk yajpaatë.

Biblia Dc en Mixe de Quetzaltepec

²⁵ Yë Dios ojts y'ixëtë, ojts tnijawë ets ojts näjyëtu'un tja'akyukë ko ënety jap mon tuk yajpaatë.

Éxodo 2:25 ပူးပေါင်းရင်းမြစ်များ

Éxodo 4:31

Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënäty ja Tios myëmay myëtajëtë ets ko ënäty tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Tios t'ëwtatën.

Salmos 55:22

Pëjkta'ak tëkokyë yë mma'ayën mtajën ma Wintsënën, yë'ë xëmë myaj'itanëp amëk jotmëk; yë'ë ka'ap tmajtstu'uty yë ja'ay mëti'ipë mëmëtoowëpën ets ëxëëk jyatëty.

Salmos 1:6

Yë Tios Kyëwent'ajtyp yë wa'ats ja'aytyëjk yë nyë'ë tyu'u; e ja ëxëëkja'aytyëjk ja nyë'ë tyu'ujëty jam ja nitëyë nyijkxy ëyo'onjotm.

Lucas 1:25

Paatyës ja Wintsën të xypya'ëyoy etsës ja ja'ay ka'ap xypyäxëty.

Mateo 7:23

Ënätës n'ëtsowa'any: Nijëna'a miits të nka'ixy'atë. Winwa'ktutëkës miits pokyjä'äytyëjkëty.

2 Samuel 16:12

Pën xypya'ëyoopës jëna'a Wintsën ets pën jam tkëwentëtuny maas yam ëxëëk njaty nkëpetyën, wä'änxyëp ja ni'ikyë nëjkx xy'ëkënu'kxnës ets nëjkx jëëmpit winë y'ëktuun y'ëkjajtënë oyës ënäty të njayajpoky jëtu'un tääjës tyam nmëtoyën.

Job 33:27

Ets y'ëna'ana'any: Tiijës ko të n'ëktuunpë ja ka'apë myëtëyëtyën, e Tios ka'ap të xytyiytyunyës;

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënäty mijts të ntukmëyoxy.

Éxodo 1:8

Komjeky ojts wiinkpë tyëkë yë mëj'ënä'ämpë, mëti'ipë ënäty ka'ap të t'ixy'ätyën yë José, ënät ja nyaax kyajpn t'ënëmaay:

Hechos 7:34

Tëës n'ixy ja nkajpnës ko yajtëytyun yajtsaatsytyuntë jam Egiptë; tëëjës nmëtoy ko jyë'ëtë ya'axtë, ko ëxëëk jyatë kyëpätë. Paatyës nkëtä'äky ets nyaj'ëwa'atspëtsëma'antës. Tsojk min, mijts nkäxäämpy ets mnëjkxëty jatëkok jam Egiptë.

Éxodo 3:9

Ëk'ix tëëjës nmëtoy wi'ix yë Israel ja'ayëty y'ëjtën tyu'uktën ets tëës näjyëtu'un n'ixy ko ëxëëk tyunëtë yë Egiptë ja'ayëty.

Éxodo 18:8

Tä ja Moisés jap ja myë't tukmëmëtyaktaay, wi'ix ënäty ja Wintsën të tunyën ja Egiptë mëj'ënä'ämpë, näjyëtu'un tëkokyë ja Egiptë ja'ayëty ets wi'ix ënäty të yajputëkëtën ja Israel ja'ayëty, ma ja y'amay jyotmayëtyën kanaakpë ets wi'ix ja Tios të yajtso'okëtën.

Deuteronomio 26:7

Ënät ojts ntuk'ëwaanëtës ja Wintsën mëti'ipës ja n'ap n'ok Tyios'ajtëpën ets xypyutëkëtëtyës, yë'ë ojts tjanty'ixy ëëts ja n'ëyo'on njotmayëty, ja një'ëyënëtyës nyaxënëtyës ets ja nmonyë ntukyëtyës.

Salmos 10:14

Tëë mijts kë'ëm xy'ixy wi'ix ëxëëk y'ëtë'ëtstën y'ëna'antën. Tëë kë'ëm xy'ixy ets mijts ënät mpatëp wi'ix xytyukkumëtoy. Jam ma mijtsën myintë ka'apë tjëkyepy nyäkyuwa'anëtëtyën; mijts mputëjkëp yë ku'ooky u'unk.

Salmos 31:8

Ka'apës të xykyë'ëyäky maas ja nmëtsiptëjkën; jamës të xyajnaaxwä'äky maas jotkujk ntänëtyën.