Éxodo 2:24 - Biblia Mixe de Quetzaltepec

²⁴ Ets ojts tmëmay tmëtajy, ko ënäty y'ëjtë tyu'uktë ets tja'amyejtsy wi'ix ënäty të tunyën ja käjpxytyu'unën mëët ja Abraham, Isaac ets Jacob.

Biblia Dc en Mixe de Quetzaltepec

²⁴ Ets ojts tmëmay tmëtajy, ko ënety y'ëjtë tyu'uktë ets tja'amyejtsy wi'ix ënety të tunyën ja käjpxytyu'unën mëët ja Abraham, Isaac ets Jacob.

Éxodo 2:24 ပူးပေါင်းရင်းမြစ်များ

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Salmos 105:42

Jä'ä ko jyä'ämyäjts ja wyaantakën wa'atspë, mëti'ipë mëët tuunyën ja Abraham, mëti'ipë tyuunpë'ajtypyën.

Éxodo 6:5

E tyam maas të nijawën wi'ix yë Israel ja'ayëty y'ëyowtën ets wi'ix yë Egiptë ja'ayëty tyiytyunëtën mëët yë tuunk mëkëtypë, paatyës tyam nja'amyetsy ja nkäjpxytyu'unënës, mëti'ipës ojts nyajwë'ëmyën.

Salmos 106:45

ënäty ojts tja'amyetsy ja käjpxytyu'unën mëti'ipë ënäty mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

Salmos 102:20

ets tmëtoowkukëja'any yë jyi'iyënëty yaxënëty ja tsumjyä'äytyëjk, ets tyajtso'oka'any ja ja'ay mëti'ipë yi'iyë y'ëwxijnëp ja o'kën;

Salmos 22:24

Jä'ä ko yë'ë ka'ap tii jëtu'unyë tna'ixy ets ka'ap jëtu'unyë tyajninaxy ko ëyoopëja'ay ëxëëk jyäty kyëpety, ka'ap je'eyë nyäyu'tsënë. Yë'ë myëtoopy ko y'amëtoyë näypyutëkë.

Salmos 138:3

Ko të nmëkäjpxy, tëës xy'ëtsoy ets tëës yë njot nmëjaaw xyajmëj xyajkëjääjë.

Génesis 26:24

E jä'ä tsu'um ja Tios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.

Salmos 22:5

Ojts t'amëtowtë ja näypyutëkë ma mijtsën, ets ojts xyajtso'oky. Ojts mtukjotkujk'atyë, paaty ojts ka'ap tsëtyu'unmëët wyë'ëmtë.

Jueces 2:18

Xëmë ko ënäty ja Wintsën twin'ixy tu'uk ja ja'ay mëti'ipë tsip'ixyën ets twinye'eyëty ja naax kajpn, pyutëjkëp ijty ets ja Israel ja'ayëty yajnitsiptuntë këtiipë o'ktëy ja myëtsip tyunëtëty. Jä'ä ko ja Wintsën myëtoopy ënäty ko ja Israel ja'ayëty jyë'ëtë ya'axtë ko ja myëtsiptëjkëty o'ktëy yajjat yajkëtpäjtëtë.

Génesis 18:18

Jä'ä ko teety'ataanp yë'ë ma ja mëjpë ets mëkpë ja naax kajpnën. Yë'ëjës të ntukmëkënu'kxë ja'ayëty ma tu'kë'ëyë naax kajpn ets ma naaxwiinyëtë y'ëwtityën.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Salmos 79:11

Mëtoow'it yë y'ëjën tyu'kën yë tsumjyä'äytyëjk, ets yajnitso'ok mëët yë mmëkajtën yë ja'ayëty mëti'ipë jyëjp'ijxtëpën ja o'kën tëko'oyën.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Tios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Hechos 7:34

Tëës n'ixy ja nkajpnës ko yajtëytyun yajtsaatsytyuntë jam Egiptë; tëëjës nmëtoy ko jyë'ëtë ya'axtë, ko ëxëëk jyatë kyëpätë. Paatyës nkëtä'äky ets nyaj'ëwa'atspëtsëma'antës. Tsojk min, mijts nkäxäämpy ets mnëjkxëty jatëkok jam Egiptë.

Génesis 8:1

Ënät yë Tios ojts tja'amyetsy ja Noé ets ja jëyujkëty jënu'un ënäty jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

Génesis 15:13

Tääts ja Wintsën y'ënëmaayë: Mnijawëp ko yë m'u'unk m'ok jëkäm jyuuky'ata'antë wiink naax wiink kajpn. Jam yajtëytyuna'antë ets ëxëëk jyata'antë. Majktaxk mëko'px jëmëjt yajtëytyuna'antë.

Génesis 16:11

Mijts u'unk maay mnëkëjxm'ajtyp, ko myinëty jya'tëty naaxwiiny jä'ä xyëëwmo'ojëty Ismael, jä'ä ko Tios tëë tmëtoow'ity yë mjë'ëyën myaxën.

Génesis 26:2

Jam ojts yë Wintsën nyänyikëxë'ëkyë ma Isaac ets ojts y'ënë'ëmxëty: Këtii mnëjkxëty Egiptë, jam wë'ëm ma yam ntuk'ënëëmëja'anyën.

Génesis 35:11

ënät ojts y'ënë'ëmxëty: Ëjts jëtu'un Tios, mëti'ipë mëk'ajtën mëëtën. Mëët'atäämpy yë m'ok'u'unk m'ok'ëna'k nimay. Ma mijtsën may yë ja'ay pyëtsëma'any ets maynyaax maykyajpn; ma mijts yë m'ok'u'unk m'ok'ëna'kën pëtsëmëp näjyëtu'un mëti'ipë itëpën yajkutujkpë, mëti'ipë ënä'ämëpën ma nyaax ma kyajpnën.

Génesis 35:12

Yë it naaxwiinyëtë mëti'ipë të nmo'oyënës yë Abraham ets Isaac, näjyëtu'un mijts tyam nmo'oy, e nmo'ojäämpyës näjyëtu'un yë m'ok'u'unk m'ok'ëna'k.

Números 20:16

Ënät ojts n'amëtowtës yë Wintsën yë putëjk pupäjtën. Tääts tkejxy tu'uk yë Wintsën kyukäjpxy mëti'ipës xyajpëtsëëmtën jap Egiptë. E tyam, yam ëëts nyajpaatë ma ja it naaxwiinyëtë txëëwatyën Cadés, winkon ma mtsëpa'an nyaxtën.

1 Samuel 9:16

Jëpom ntuknikäxa'any tu'uk yë ja'ay, jam tsyoony ma Benjamín yë y'itjotmën, mëti'ipë mkënu'kxëpën ets yë'ë y'ënä'ämëty maas yë nnaax nkajpnën, yë Israel kajpn. Yë'ë nëjkx tyaj'ëwaatsëpëtsëmy yë Israel kajpn ma ëxëëk jyatën kyëpätën, mëët yë filistejë ja'ayëty, jä'ä ko npa'ëyoowtëpës ko ka'ap jyotkujk'atë.

2 Reyes 13:23

E ja Wintsën ojts tpa'ëyoy ja ja'ay mëti'ipë jam ëxëëk yajtuun yaj'ënëmaaytyëpën, mëët ko tja'amyejtsy ja kyäjpxytyu'unën mëët ja Abraham, Isaac ets Jacob; ka'ap t'a'ijxëy kyutëkoytyëty ja jyä'äy ets ka'ap tjo'tsy. Tyampaat kä'äpyëm wi'ix tuny.

Salmos 102:2

Këtii yë mwiin mjëjp xyu'utsy mëët ëjts maas tyam nyajpaatyën mon tuk; tun yë mëyajtën mëtoow'ijtkës. Ëtsoowkës tsojkyë ko nmëkajpxëty.