Éxodo 2:22 - Biblia Mixe de Quetzaltepec

²² Yë Séfora ojts tu'uk yë u'unk maay tyajminy naaxwiiny, jä'ä ojts yë Moisés tyajxëëwpety Guersón, jä'ä ko y'ënäny: Ëjts jaaypyaat jëpyo'kxyës yaa nyajpaaty ma ya'atë wiink naax wiinkajpnën.

Biblia Dc en Mixe de Quetzaltepec

²² Yë Séfora ojts tu'uk yë u'unk maay tyajminy naaxwiiny, jä'ä ojts yë Moisés tyajxëëwpety Guersón, jä'ä ko y'ënäny: Ëjts jaaypyaat jëpyo'kxyës yaa nyajpaaty ma ya'atë wiink naax wiinkajpnën.

Éxodo 2:22 ပူးပေါင်းရင်းမြစ်များ

Hechos 7:29

Ko ja Moisés jëtu'un tmëtooy ja ayuk, ënät kyeky. Tää ojts nyijkx jam Madián. Jamts ojts tsyëënë ja't ja'ayën, ets nimäjtsk ja myaank y'ijty.

Éxodo 22:21

Këtii nëkoo ëxaty xytyimtunëty yë jaaypyo'kxyjyä'äy, yë'ë ja'amyäts ko mijts ojts mjaaypyo'kxy'äty jap Egiptë.

Salmos 119:19

Ëjts jaaypyaat jaaypyo'kxyënës yaa njuuky'äty naaxwiiny naaxkëjxy; këtiis xytyukwinkuyu'utsy yë m'ënä'ämën mtëyajtën.

1 Crónicas 29:15

Mijts mwintuuy aak jaaypyo'kxyjyä'äy ëëts nyajpaatë, nnë'ëye'ey ntu'uye'eytyës, näjyëtu'un tä jyuukyajtën ëëts ja n'aptëjkëty nän timjëtu'un ëëts ja n'ap n'okëty y'ijtë, ëëts ja njuukyajtënëty yaa naaxwiiny naaxkëjxy jëtu'un ja je'eyë nyajxkojy tu'ktsojkyë tä tii y'a'äpkën tu'ktsojkyë ko xëëw'an nyäxy, tiis n'ëkjaaktimy'ëwxitëp.

1 Crónicas 16:20

Je'eyë jyëtitë winnaax wiinkajpn ets xii yaa muum jyanäkyajpxkëxë'ëkëtë maajaty ja ënä'ämpë yajkutujkpën,

Salmos 39:12

Wintsën, mëtoow'ijtkës yë ntsajpkäjpxy, ja'akyukë tiijës ko një'ëy nyä'äxy, këtii amonyë m'itëty maas një'ëy nyä'äxyën. Ëjts jëtu'unës nnäjyawëty tä jaaypyaat jaaypyo'kxyën ma mijtsën, tä yë joon kyääkjëtityën, tääjës yë n'ap n'okën.

Éxodo 2:10

Tëë ënäty yeeky, mëj u'unk ënätynyë, ko ojts ja yajkutujkpë ja nyëëx yajmooynyë, jëtu'un'äämpy ojts t'ëxajënë ya'atë mëxu'unk ets ojts jëtu'un t'u'unkniwanë, jä'ä ojts tyajxëëwpety Moisés, jä'ä ko tyaa ojts y'ënä'äny: Nëëjotyës të njuuty.

Génesis 23:4

Oyës n'ëkjaaypyaat n'ëkjaaypyo'kxëty ma yaa miitsëty yë mnaax mkajpnëtyën, mëpaatës yë naax wäänë xytyukmëtooktë, ma tjëkyäpëtyën yë nto'oxytyëjk nyaaxtëkëtyën.

Éxodo 4:20

Ënät ja Moisés ja y'u'unk y'ëna'k ojts tyajpäjta'ay jëyujkkëjxm, näjyëtu'un ja tyo'oxytyëjk ets tsyo'ontë, nyëjkxnëtë jap Egiptë. Ojts tpakäpy ja tyajk mëti'ipë ënäty ja Tios të tyuk'ëne'emyën tpakapëty.

Levitico 25:23

Yë naax kamtëjk ka'ap mëpaat xëmëkyëjxm yajtooky. Jä'ä koos yë njä'ä ets miitsëty tu'ktsojkyë yaa naaxwiiny ja'ayë mjuuky'ajtkojtë.

Jueces 18:30

Jamts ojts ja Dan ja'ayëty tpëjkta'aktë ja kepy tsyetsy mëti'ipë ënäty nikoyën mëët ja poop pujxn ets yë'ë t'ëwtata'antë, yë'ë ojts tyajteety'atë ja Jonatán, yë myaank yë Guersón, yë y'ok'u'unk yë Moisés. Kom'ok yë Jonatán yë y'u'unk y'ëna'këty yë'ë ojts tyeety'atë ma ja Dan ja'ayëtyën, koonëm jatëkok jam yaj'ëxwojptë.

1 Samuel 1:20

Tä ja Aná ja y'u'unk myääy tyajja'ajty naaxwiiny ets txëëwmooy Samuel. Jä'ä ko ja Wintsën ënäty të tpëjktsoy.