Éxodo 2:16 - Biblia Mixe de Quetzaltepec

¹⁶ Yë Reuel mëti'ipë ënäty jam teety'ajtpën Madián, niwëxtujk ënäty yë nyëëx, jä'ä xëëw ënäty jam näjyëtu'un të nyëjkxtëpë ma ja nëëjutën ets tyaj'utsa'antë ja nyëë a'ukënëty ets jap ja tsajppaxëty kupixynyëty nyëë'uuktëty.

Biblia Dc en Mixe de Quetzaltepec

¹⁶ Yë Reuel mëti'ipë ënety jam teety'ajtpën Madián, niwëxtujk ënety yë nyëëx, jä'ä xëëw ënety jam näjyëtu'un të nyëjkxtëpë ma ja nëëjutën ets tyaj'utsa'antë ja nyëë a'ukënëty ets jap ja tsajppaxëty kupixynyëty nyëë'uuktëty.

Éxodo 2:16 ပူးပေါင်းရင်းမြစ်များ

Génesis 14:18

Näyjyëtu'un yë Melquisedec, mëti'ipë ënäty yajkutujkpën jam Salem ets teety ma ja Wintsën Ni'ik Këjxmëpë, tä tyajpëtsëëmy yë tsajpkääky ets uuky,

Génesis 24:11

Ko ja Abraham ja tyuunpë jam jyä'äjty kajpn winkon, kujk ënäty jyajmoonë, e jä'ä xëëw ënäty ja to'oxy'ëna'këty myintë nëëwijtspë nëëkoompë ja jampë kyukajpn'atën. Paaty ja tuunpë jam tyajwa'ak'o'oyëtyääy ja jëyujk jëku'ux winkon mëët ja nëëjut ets jam pyo'kxtë.

Génesis 24:13

Tyamës nwë'ëma'any winkon ma ya'atë nëëjutën ets ja to'oxy'ëna'k myintëty nëëkoompë, yaapë kyunaax'at kyukajpn'atën.

Génesis 29:2

E jam kamjotm t'ijxy tu'uk yë nëëjut ets jam näjyëtu'un myäykyo'knëtë tëkëëkpëky yë tsajppaxëty kupixynyëty, nëë'uktëp ënäty jam, ma ja nëëjut'aawën janty mëj ja tsaa mëti'ipë y'akë'ë'ajtypyën.

Génesis 41:45

Yë yajkutujkpë ojts yë José yë xyëëw tyajtëkajtsë, jä'ä txëëwmooy Safenat-panéah, jëtu'un ijxtëm ënäty jap Egiptë kyajpxtën ets tyajpëjky mëët tu'uk ja to'oxytyëjk jä'ä xyëëwajtyp Asenat, yë'ë nyëëx yë Potifera, mëti'ipë ënäty tuunpën teety ma tsajptëjkën, jam ma ja kajpn txëëwatyën On. Jëtu'un'äämpy yë José ojts ja naax kajpn tmëwë'ëmy ets t'ënä'ämëty jap Egiptë.

Éxodo 18:1

Yë Jetro mëti'ipë jam teety'ajtpën Madián, yë Moisés yë myë't, ojts tnijawë, wi'ix ënäty yë Tios mëj këjää winë të tuktunyën yë Moisés ma ja nyaax kyajpnën, ja Israel kajpn. Ojts näjyëtu'un tnijawë ko tëë ënäty ja Tios jap jyuutëtë Egiptë.

Éxodo 18:12

Ënät ja Jetro ojts tu'uk tyaj'ooky yë jëyujk ets tnino'oka'any jam Tios wyintum, tmëjjawëja'any ets tkënu'kxyjyawëja'any ja Tios, ëpëky ojts tkë'ëyäky yë näyoxë. Ënät yë Aarón ets ja mëjja'aytyëjkëty, mëti'ipë nyimëjja'ay'ajtëpën ja naax kajpn ojts jam nyëjkxtë kääpyë ukpë mëët ja Moisés ja myë't Tios wintum.

Éxodo 3:1

Yë Moisés yë'ë ënäty kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Tios jyä'ä'ajtypyën, jä'ä txëëwaty Horeb.

1 Samuel 9:11

e jam ma tu'u jam wyimpetyën mëti'ipë ja'ajtpën jam kajpntum, jam tpatë ja to'oxy'ëna'këty mëti'ipë nëëkoompë nëjkxtëpën ets tyajtëëwtë: ¿Yaa ja kajpn ma yajpaatyën mëti'ipë nyajtsja'apën winë?