Éxodo 2:14 - Biblia Mixe de Quetzaltepec

¹⁴ Ënät tääpë nimäjtskpë ja hebreo ja'ayëty y'ëtsoowtë: ¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë? Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënäty yajnijawë, ko ja Egiptë ja'ay të tyaj'ooky.

Biblia Dc en Mixe de Quetzaltepec

¹⁴ Ënet tääpë nimäjtskpë ja hebreo ja'ayëty y'ëtsoowtë: ¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë? Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënety yajnijawë, ko ja Egiptë ja'ay të tyaj'ooky.

Éxodo 2:14 ပူးပေါင်းရင်းမြစ်များ

Lucas 12:14

Ënät ja Jesús y'ëtsooy: Mëku'uk, ka'apës pën të xypyëjktä'äky yajkutujkpë ets naaxkijpxwa'kxpë.

Mateo 21:23

Tääts ko ja Jesús tyëjkëy ma ja tsajptëjkën. Tam ënäty yaj'ixpëky ko nyimiinëtë ja teety wintsëntëjkëty mëët ja mëjja'aytyëjkëty, mëti'ipë jutiis ja'ayëtyën ets yajtëëwëtë: ¿Tiikutujkën mëët ya'atë xytyuny? ¿Pën yë kutujkën mmooyëp?

Lucas 19:14

E jam ma kyajpnën may ja ja'ay jam myëtsip'atyë, paaty tkäjxtë ja kukäjpxy ets nëëmëtëty: ka'apës ntsoktë ets ya'atë ja'ay yë'ë xy'ënä'ämtëtyës.

Génesis 19:9

E yë'ëjëty tä ojts y'ëtsowtë: Mijts ëkjëwa'akmës, ka'ap tjëkyepy tu'uk yë jaaypyo'kxyjyä'äy xy'ënä'ämtëtyës. Paaty tyam ni'ikwäänë o'ktëy, ënät yam ntuntëty, këtiinëm tääpë ye'etyëjkëty mëti'ipë të xyajja'ajtä'äkyën. Ënät ojts ja Lot ëxëëk tuntë, ojts ja tyëjk aaw t'awa'kpäjtëtë ets tjakujëpijpnaxantë.

Hechos 7:35

Oy ënäty ja Moisés të yajnëëmë: ¿Pën të mpëjktä'äkyë yajkutujkpë ets paye'epyë?, Tios yë'ë ojts kyexyë yaj'ëwaatsëpëtsëëmpë ets tu'uwinwoopë ko myëkajpxë ja tsajpjotmëtë kukäjpxy ma ja kepy ënäty wyintooypyetyën.

Proverbios 19:12

Ko tu'uk yë mëj ënä'ämpë jyoot'anpëky, jëtu'un yë'ë tä tu'uk yë mëj kaa nyiitsyën; e ko oy nyäjyawëty, jëtu'un tä yë maanik kyä'äyën ujtskëjxy.

Números 16:13

¿Wi'ix namaa natiijën xy'ixy xyjyawë, koos jap të xyajpëtsëmtë ma ja jë'kxy pëky ka'ap y'ëmaaytyä'äkyën, etsës yaa xyaj'ooka'antë të'ëts'ituuy, ma näjyëtu'un mijts wintsënën mnäyaj'ita'anyë ma ëëtsëtyënë?

Números 16:3

Ënät ojts nyäwyoowmukëtë ets tninëjkxtë ja Moisés ets ja Aarón, tääts tyëjkëtyë kajpxpë. Jä'ä ja Moisés ets ja Aarón yajxon jyänty'ojtëp ets t'ënëmaaytyë. Wi'ix ko miitsëty nimäjtsk janty'oy janty kënu'kxy mtimnyäyajnaxëtë. Pën tëkokyë yë Israel ja'ayëty tëë yë Tios kyënu'kxta'ajëtë ets Wintsën yë'ë yajpatp ma ëëtsajtëmën ni'ëmukë. ¿E paaty ëëtsëty yë'ëjës oy nkawinja'awëtyëp tiikyëjxm ko miitsëty nimäjtsk janty mëj ënä'ämpë mtimnyäyajnaxëtë ets mtimy'ënä'ämantëp ma Wintsën yë nyaax kyajpnën?

Génesis 13:8

Paaty ojts tu'kxëëw tu'kjëmëjt Abram yë tsyojkmaank Lot t'ënëëmë: Mijts ets ëjts tu'kmëku'uk'ajtëm ëtsajtëm. Paaty ka'ap y'oyëty ko nämyëjëën'ajt nämyëtsip'ajtëmëty. Yë ntuunpë'ajtëm ka'ap mëpaat nyämyëjëën'at nyamyëtsip'atëtë.

Lucas 19:27

E ja nmëtsipës mëti'ipë ka'ap të tsoktën etsës ëjts nyajkutukëty, yaa yajmintë ets xyaj'ooktëty ëjts nwintuuyës.

Proverbios 29:25

Mëti'ipë ja'ay myënaaxwiinyëtë ja'ay tsyë'këpën, kyë'ëm winma'any ëxëëk yajjajt yajkëpäjtëp; e mëti'ipë ja'ay yë Tios tyuk'ijxpejtypyën, Tios këwent'atanëp.

Hebreos 11:27

Mëët ko myëpëjky ja Moisés ojts tsyoony jap Egiptë, ka'ap tsyë'këy, oy ja yajkutujkpë jya'ekyë, tu'ukyë ja jyot wyinma'any tpëjktäky ijxtëm jeexyë tim'ixyën ja Tios, mëti'ipë ka'ap yaj'ixyën.

Génesis 34:27

Ënät ojts ja wiinkpë jyaak mintë ja Jacob ja myaankëty ma ja kajpnën, e ko nyajxtë ma o'kpëtyën, tä ojts jam tyajpëtsëmtë winë kajpnjoty, jëtu'un ja tsyip y'äkë tyajnajxtë mëët ko ënäty ja y'utyëty Dina të kyayajwintsë'ëkë.