Éxodo 19:5 - Biblia Mixe de Quetzaltepec

⁵ E paaty pën miitsëty xymyëmëtoowtëpës ets mpatuuntëp ja n'aaw n'ayukës, miits jëtu'un nëjkx nkajpn'atë ets oy miits ntsoktëty njawëtëty ma tëkokyë yë naax kajpnën, jä'ä ko tëkokyë yë naaxwiinyëtë ëjts yë xypyatääpy.

Biblia Dc en Mixe de Quetzaltepec

⁵ E paaty pën miitsëty xymyëmëtoowtëpës ets mpatuuntëp ja n'aaw n'ayukës, miits jëtu'un nëjkx nkajpn'atë ets oy miits ntsoktëty njawëtëty ma tëkokyë yë naax kajpnën, jä'ä ko tëkokyë yë naaxwiinyëtë ëjts yë xypyatääpy.

Éxodo 19:5 ပူးပေါင်းရင်းမြစ်များ

Deuteronomio 14:2

Jä'ä ko yë mWintsën Tiosëty yë'ë të y'ënä'äny, ko miits mjä'ä'ata'anëtë. Paaty kë'ëm të mtimwin'ixëtë ma wiinkëtypë ja naax kajpnën ets yë'ë mjä'ä'ata'anëtë.

Deuteronomio 7:6

Jä'ä ko miitsëty tëë yë Wintsën mëti'ipë mTios'ajtëpën mwin'ixëtë, ko yë'ë mkajpn'ata'anëtë. Kanaak yë naax kajpn jää yajpaaty, e miitsëty tëë myajwin'ixtë ets mnaxtëty Tios yë kyajpn.

Deuteronomio 26:18

Yë Wintsën tëë näjyëtu'un tnikäjpxy ko mijts Israel kajpn, mijts yë mkajpn'ajtëp, jëtu'un tä ojts mtukwinwanëtyën tëëyëp, e paaty tyam kopkpëky ko yë y'ënä'ämën tyiyajtën xypyatuunëtëty.

Malaquías 3:17

Yë Wintsën mëti'ipë maaytyääyëpën winë, jëtu'un y'ënä'äny: Yë'ëjës yam ntuknipëjktakëp yë xëëw jëmëjt jëna'a yë'ëjëty jatëkok y'awinpitëty nnaax nkajpnës. Jëtu'un tä tu'uk yë u'unkteety u'unktaak tpa'ëyoyën yë y'u'unk myääy mëti'ipë mëmëtoowëpën, jëtu'unës mpa'ëyowa'antë yë'ëjëty.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënäty xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Salmos 135:4

Yë'ë ojts twin'ixy yë Jacob mëti'ipë yajtijpën Israel, ets yë'ë jëtu'un tjawëja'any tä kyë'ëm wit kyë'ëm meenyën.

Deuteronomio 4:20

E miitsëty, Tios ojts kë'ëm mtimjyuutëtë jap Egiptë, ma ënäty myajpaatën mëj jëënjotypyën ets mkajpn niwanëtë.

Éxodo 23:22

E pën mëmëtoopy ets mtuumpy jëtu'un ijxtëm yam n'ënëëmën, ëjts nmëtsip'atëpës ja mëti'ipë mmëtsip'ajtëpën ets njëjpkuwa'akëjäämpyës ja mëti'ipë mjëjpkuwa'këyëpën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Deuteronomio 10:14

Yë'ë yajxon nijawëtë, ko yë mWintsënëty yë'ë winë jyä'ä'ajtääpy, wä'än tyë'ëjëty yë pojjotypë, tsajpkëjxmëpë, naaxwiinypë ets tëkokyë jënu'un jää winë yajpaatyën.

Éxodo 9:29

Ets ja Moisés y'ëtsooy: Je'eyës yaa mpëtsëmëty etsës yam yë Tios nmëpëjktsowa'any mëët mijtskyëjxm ets wä'än ja tëtsn tuu tnaxy, näjyëtu'un këtiipë y'ëkwëtsujknëty ets ënääw y'ëk'ënanëty. Jëtu'un'äämpy xynyijawëty ko yë naaxwiinyëtë Tios yë jyä'ä'ajtyp.

Salmos 24:1

Yë naaxwiinyëtë, Wintsën yë jyä'ä, aakyë'ë jyä'ä'ajtääpy tu'kë'ëyë jënu'un winë y'ityën naaxwiiny ets jënu'un jyuuky'ätyën ma yë'ëjën.

1 Corintios 10:26

jä'ä ko tu'kë'ëyë winë mëti'ipë jää'ajtpën naaxwiiny, yë Wintsën yë jyä'ä.

Job 41:11

¿Pën juuky ë'kwë'ëmëp, ko pën tmatsy? Ni pën.

Deuteronomio 5:2

Miitsëty wa'ats xynyijawëtë ko yë nWintsën'ajtëm Tios tu'uk yë käjpxytyu'unën të ojts tuny mëët ëëts'ajtëmë jam ma Horeb kopkën.

Hebreos 11:8

Mëët ko myëpëjky ja Abraham paaty ojts ja Tios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Tios ënäty ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënäty nyijkx.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.

Isaías 41:8

Mëtoow'itë ya'atë aaw ayuk, miitsëty Israel ja'ayëty, mëti'ipë Jacob nyaax'ajtyp kyajpn'ajtypyën, ja ntuunpës mëti'ipës të nwin'ixyën, ja naax kajpn ma tsyëënëtën ja nmëku'ukës Abraham ja y'u'unk y'ok.

Salmos 25:10

Yë'ë ko tii tuny, aak mëtëy winë tuny ets mëët yë tsojkën ja'awën ma ja ja'ayën mëti'ipë kuuytyu'unxëyëpën ja y'aaw y'ayuk ets ja y'ënä'ämën tyiyajtën.

1 Samuel 15:22

Ënät ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.

Josue 24:24

Ets ja mayjyä'äy y'ëtsoowtë: Ëëtsëty yë Wintsën nmëtunantëpës ets ntunantëpës mëti'ipë yë'ë nyikäjpxypën.

Isaías 1:19

Ko miitsëty xykyupëktëty ko mmëtowantëp, nëjkxëp mka'ayën m'ukën xypyaatë oyëtypë;

1 Reyes 8:53

Jä'ä ko mijts ojts xywyin'ixy ets ëpëky xyajnajxy ma ja naax kajpnëtyën, mijts ojts xyjyä'äniwa'any, jëtu'un ijxtëm ojts m'ëna'anyën ma ja Moisés xytyukkajpxnajxyën ja m'aaw m'ayuk, mëti'ipë mëtuunën ko xyajpëtsëëmy ja n'aptëjkëtyës jap Egiptë.

Deuteronomio 28:1

Pën mjantymyëmëtoopyën yë mWintsën ets mpatuunëp ja y'ënä'ämën tyiyajtën, mëti'ipë tyam të ntuk'ëne'emyën, yë Tios mëj myajnaxa'anyë ets akäjpxy nëjkx muum m'ity wiink naax wiink kajpn.

Isaías 56:4

Jä'ä ko yë Wintsën jëtu'un y'ënä'äny: Pën yë ja'ayëty mëti'ipë ixtsyaapëkyëtyën pyo'kxtëp yë po'kxënxëëw ets tyuuntëp jëtu'un winë ijxtëmës ntsokyën ets pën xëmë tja'amyätstë ja nkäjpxytyu'unënës,

Éxodo 24:7

Tä ojts tu'uk ja noky tkoonë'ëky ma jap myinyën këxja'ay ja aaw ayuk ma ja käjpxytyu'unën ojts tuntën mëët ja Tios, ojts tukwinkukajpxë ja naax kajpn ets y'ëtsoowtë. Nja'akyukëjantëp ëëtsëty mëti'ipë ja Tios të tni'ënä'ämën.

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.

Deuteronomio 11:27

Mpaatëp ja näkyënu'kxën pën mpatuuntëp mëti'ipë yë Wintsën të tni'ënä'ämën tyampë të ntuk'ëwaanëtën.

1 Corintios 10:28

Pën jamts m'ënë'ëmxëtë: Tëë ya'atë tsu'utsy nyiwintsë'kën yajpëjktä'äky, ka'ap xyjyë'kxtëty këtiipë wiink t'ixëty mëti'ipë ënäty të mtuk'ëwa'anxëtën ets këtiipë yajpokjyawëty mëti'ipë ënäty mtuuntëpën.

Deuteronomio 14:21

Yë jëyujk najts'ookë këtii xytsyu'utstë. Wa'ats mnäyaj'itëtëty, jä'ä ko miitsëty yë'ë yë Wintsën mkajpn'ajtëtëp. Pën yajpatp yë jaaypyaat jaaypyo'kxy ma miitsëtyën, yë'ë jyëkyäjptëp tsu'utstëty, nän jyëkyejpy xytyukmëtooktëty ja jaaypyaat jaaypyo'kxy mëti'ipë tu'u'am'ajtëpën. Yë tsajppax u'unk tsu'utsy këtii xyajkëëwjëtitëty mëët yë tyaak yë tyi'tsk nëë.

Jeremias 10:16

Yë Tios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Cantares 8:12

Yë tu'kmilpë yë poop pujxn meeny mijts yë mjä'ä, Salomón, e yë mäjtsk mëko'pxpë yë'ë jyä'ä'atëp yë këwent'ajtpëtëjkëty; ëjts kë'ëmës yë ntsatsym kam nkëwent'aty.

Hebreos 8:9

Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.

1 Pedro 2:9

E miitsëty Tios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Tios jä'äniwanëpën. Ets jëtu'un tkajpxwa'kxtëty ja Tios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Génesis 17:9

Tää ojts yë Abraham yë Tios jyaak'ënë'ëmxëty: Mijts kuuytyun yë nkäjpxytyu'unënës ets näjyëtu'un yë m'u'unk m'ok tkuuytyuntëty.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Éxodo 8:22

Ko jëtu'un tyunëtëty jyatëtëty, ka'ap jam Gosen nëjkx jëtu'unpë yaj'ixy, maas yë nnaax nkajpn yajpaatyën. Jam nitu'uk yë aktsa'ak kya'ita'any, jëtu'un'äämpy xynyijawëty ko ëjts mëti'ipë Wintsën'ajtpën, ëjts jam yajpatp ma tääpë kajpnën.

Deuteronomio 28:9

Pën mtuumpy ijxtëm ja y'ënä'ämën tyiyajtën y'ënä'änyën ets mye'epy mnajxp ma ja nyëë tyu'ujën, yë mWintsën yë'ë tu'ukyë mjä'äpëkanëp jëtu'un tä të tnikäjpxyën.

1 Crónicas 17:22

jä'ä ko mijts yë Israel kajpn të xyjyä'äniwa'any xëmëkyëjxm ets mijts mWintsën'atëty.

Ezequiel 16:8

Koos jatëkok nnajxy ets n'ijxy ko tëëtëm myä'knë, jyëkyäjpnëp mye'etyëjk mëëttsënaaynyëty. Ënät ojts yë nwitës ntukniye'epy ets ja mjot mnini'kx nyu'tyës ets n'ënëmaay ko mijts nmëët tsëënëjäämpy; ojts tu'uk käjpxytyu'unën nyaj'o'oyëmë ets mijts npëjky. Ëjts Wintsën, ëjts ënaanp.

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

Amós 6:1

Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Levitico 20:24

Tyam jëtu'un ntukwinwanëtë, ko miits nëjkx xynyiwintsën'atë ja naax kajpn, mëti'ipë yë'ëjëty kyajpn'ajtëpën, ëjts jëtu'un miitsëty kë'ëm ntimmyo'ojantëp tääpë yë naax kajpn, ma ja jë'kxy pëky ka'ap y'ëmaaytyä'äkyën. Ëjts jëtu'un Wintsën mëti'ipë miits mTiosajtëpën ets mëj'äämpy miitsëty mpëjkta'aktë ma ja naax kajpnën ja wiinkëtypë.

Deuteronomio 9:29

E mijts Wintsën wa'ats xynyijawë, ko ya'atë naax kajpn, mijts mkajpn'ajtyp, mijts kë'ëm të xyjyuuty jap Egiptë mëët yë mmëjajtën ets mkutujkën.

Deuteronomio 26:19

Yë Tios mëj myaj'awinpita'anyë mëët yë mëj'ajt oyajtën, akäjpxy nimëtyä'äky, mëjpëjktä'äky, ma ja wiinkëtypë ja kajpnën ets jëtu'un mkajpn'ata'anyë tä të tnikäjpxyën, tu'uk ja kajpn mëti'ipë të yajtuknikënu'kxën ja mWintsën Tios.

Job 41:3

¿Ëkë m'ëwxijtypyën mënu'kxta'akëtëty ets xypya'ëyowëty, ëkë oy'aaw oy ayuk mtukmëkajpxëtëtyë?

Jeremias 13:11

Jëtu'un tä tu'uk ja'ay nyäwyë'ënta'atsyën, jëtu'unës yë Judá ja'ayëty ets Jerusalén ja'ayëty të nmëët'aty, wë'ënta'atsy tu'ukmukyë të yajpaatë mëët ëjts ets yë'ë nnaax'at nkajpn'atëtyës, jëtu'un yë nxëëwës tyajmëjnaxtëty, tääts yë nmëj'ajt n'oyajtënës jam nyikëxë'ëkëty ma yë'ëjëtyën. E yë'ëjëty ka'ap të xymyëmëtowtës. Ëjts Wintsën, ëjts ënaanp.