Éxodo 19:12 - Biblia Mixe de Quetzaltepec

¹² Pëjkta'ak yë tsëpa'an jam na'ëwtityë ma kopk ëjxën këtiipë ja'ay nëkoo nyaxtëty ets xy'ënëëmëtëty ko këtii nëkooyë jam pyätëty ets ka'ap winkon myintëty, jä'ä ko pën nëkooyë wyinkontë tsojk y'ooktëty.

Biblia Dc en Mixe de Quetzaltepec

¹² Pëjkta'ak yë tsëpa'an jam na'ëwtityë ma kopk ëjxën këtiipë ja'ay nëkoo nyaxtëty ets xy'ënëëmëtëty ko këtii nëkooyë jam pyätëty ets ka'ap winkon myintëty, jä'ä ko pën nëkooyë wyinkontë tsojk y'ooktëty.

Éxodo 19:12 ပူးပေါင်းရင်းမြစ်များ

Josue 3:4

Jëtu'un'äämpy xynyijawëtëty mëti'ipë tu'u mëpaat xypyanëjkxtë, jä'ä ko ma tääpë it naaxwiinyëtën, ni pën jää kyatëkënëm. Tii tëy, ka'ap nëkoo xymyëwinkontëty yë kaaxë mëti'ipë käjpxytyu'unën myë'ijtypyën, jëkäm xypyaye'eytyëty, jä'ä xymyëjëkäm'atëty tëtujk mëko'px ja tëkë'px tëtujk xajpk ja mäjtsk kë'ënuxën.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 2:4

Jëtu'un xy'ënëëmëty ja naax kajpn: Tyam yë'ë ënät mtuknaxtëp yë nyaaxjotëty yë Esaú yë y'u'unk y'ok, jampë tsyëënëtën Seir, miits yë mjëëky mëku'ukëty. Yë'ëjëty nyija'awëtyëp wa'ats, ko miitsëty mjotmëkjatyëty ets myajtsë'këtyëp. Jä'ä tëy këtii nëkoo xymyëmayëtëty ets miits kë'ëm näkyëwent'atëtë.

Éxodo 34:12

Nitii aaw nitii ayuk mëët tääpë ja'ayëty xykyamëët'atëty mëti'ipë jam tsënaaytyëpën ma mnëjkxtën, këtiipë ëxëëktum myajka'ajëtëty.

Éxodo 19:23

Ënät ojts ja Moisés t'ëtsoy ja Tios: Yë naax kajpn ka'ap yë pyätëty kë'ëmwinma'any ma ya'atë kopkën mëti'ipë xyëëwajtypyën Sinaí. Jä'ä ko mijts tëë xynyikäjpxy ko yajpëjkta'akëty tu'uk yë akeetsyajtën mëti'ipë ka'ap yajwinnaxëtyën, jä'ä ko ya'atë kopk wa'ats yë nyäxy.

Éxodo 19:21

ets ja Tios y'ënëmaayë: Jënak tyam ets xy'ënëëmëty yë naax kajpn, ko këtii tninaxtëty ja tsëpa'an ets xy'ixa'antëtyës, këtiipë nimay y'ëk'o'knëtëty.

Éxodo 10:28

Ja mëj'ënä'ämpë tyaa ojts ja Moisés t'ënëëmë: Nëjkx, winwa'ktutkës yaa ets ijxkëm ko jatëkok yaa miny, pën jääjës jatëkok yaa xynyiminy, ka'ap m'ëk näjyëjp'ijxënëty juuky mwinpitëty.

Hebreos 12:18

Miitsëty ka'ap ojts tii xymyëwinkontë, ijxtëm ja Israel ja'ayëtyën, mëti'ipë yajtoonpën ets mëti'ipë toopyën jëënjoty, ma ënäty kyootsëtyën ets ma ënäty myëkpojyën;

Éxodo 34:3

Ka'ap pën jam mëët mpätëty ets ma kopkën ka'ap pën mëpaat jam yajpaaty, ni jëyujk tsajpkaa, ni tsajppax ets kupixyny.

Éxodo 24:2

Je'eyëp ko mijtsyë atu'uk xymyëwinkonëpës, mëti'ipë mjämyëët'ajtëpën, këtii nëkooyë wyinkontëty, yë wiink ja'ay ka'ap mëpaat pyety mëët mijts.