Éxodo 19:10 - Biblia Mixe de Quetzaltepec

¹⁰ ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Biblia Dc en Mixe de Quetzaltepec

¹⁰ ets ojts ja Dios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Éxodo 19:10 ပူးပေါင်းရင်းမြစ်များ

Hebreos 10:22

Tsojk nmëwinko'onëm ja Tios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Levitico 11:25

Pën tääpë jëyujk'ooky tyoompy, ëxëëk wyë'ëmëty, kopkpëky ko yë wyit tpujëty yajxon ets ëxëëk wyë'ëmëty jëtu'un kootspaat.

Génesis 35:2

Ënät ja Jacob ja y'u'unk y'ëna'k t'ënëmaay ets tu'kë'ëyë jënu'un ënäty mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Tios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Tios myajwa'atsëtë, tëë mnätyukë'ëtëkëtë ja Tios. Oy të mwë'ëmtë mëët ja Tios ets mëët ja Wintsën Jesukristë.

Números 8:21

Ja Leví ja'ayëty ojts yajxon nyäpyuj nyäjyä'ätsëtë ets ojts ja wyitëty tpujtë. Ënät ja Aarón ojts twoownëjkxy ja Leví ja'ayëty Tios wintum ets tyäjky tä tu'uk yë ayajk ako'onën mëti'ipë Wintsën yajmoopyën. Jëtu'un ojts tkënu'kxy tä tyuny'ätyën ko pën ja näypyuj näjyä'ätsë tpaaty.

Levitico 15:5

Pën tyoompy ja it naaxwiinyëtë ma tääpë ja'ay të myä'äyën, nëjkxëp tpujy yë wyit ets tsyi'iwëty ets jä'ä nëjkx yajtijy ëxëëk.

Josue 3:5

Tä yë Josué y'ënëmaayëtë: Näyajwa'atsëtë Tios wintuuy ets tjëkyäpëty wi'ix xy'ixtëtyën yë Wintsën yë myëj'ajtën mëti'ipë jëpom yaj'ixanëpën.

Números 8:7

Ko ënäty ja kënu'kxynyëë yajtukujaaxtë Wintsën wyintum, ya'atë jëtu'un mëpaat xytyuntë. Mijts, yë'ë mtuknixijkxëp ja kënu'kxynyëë mëti'ipë mëët winë yajtukkënu'kxyën. E ko ënäty jëtu'un të xytyuny tääts yë'ëjëty nyäjyäpëtëty ma tëkokyë nyi'kx kyopkëtyën ets ja wyit näjyëtu'un tpujtëty tjä'ätstëty. Jëtu'un'äämpy wa'ats wyë'ëmtëty.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.

2 Crónicas 29:5

tä t'ënëmaay: Miitsëty Leví ja'ayëty, mëtoow'itë ya'atë ja aaw ayuk, paatë jëyëjp ja näypyuj näjyä'ätsë ets yajwa'atstë ja tsajptëjk ma yajpaatyën ja Wintsën mëti'ipë ja n'ap'ajt n'ok'ajtëm y'ëwtajtën. Mju'ta'atëp jap tëkokyë mëti'ipë ëxëëkën.

Números 31:24

E kom wëxtujk xëëw jää nëjkx yë mwit xypyujtë ets wa'ats mwë'ëmtëty. Täänëm mtëkëtëty kajpnjoty.

Job 1:5

Ko xyëëwtuunta'atë, tääts ja Job tmëkajpxmuky yë y'u'unk y'ëna'k, jopyëp pyëtë'kojy ets tmo'oy yë Tios yë wyintsë'kën nino'oky nixämpyë, tyajwa'atsy ja y'u'unk y'ëna'k ma ja nyëë pyokyëtyën. Yë Job xëmë ijty jëtu'un tuny, jä'ä ko yë'ë myëmääpy myëtäjpy ko muum yë y'u'unk y'ëna'k tmëkajpxtëkoytyë yë Tios ëkë muum tëkatsy myäytyë tyajtë.

2 Crónicas 29:34

Je'eyëp ko ja teetytyëjkëty ka'ap ojts y'ëkmaayënëtë tni'ääktëty ja tsajpkaa mëti'ipë yajktëpën ja ja'ayëty ets ja Wintsën yajtukwintsë'ëkëty nino'oky nixämy, paatykyëjxm ja Leví ja'ayëty tputëjkëtyë ja teetyëjk, jä'ä ko ja Leví ja'ayëty nikë tëë ënäty ja pujën jä'tsën tpaatë këtiinëm ja teetytyëjkëty.

1 Samuel 16:5

Jëtu'un, oypyës yë jot winma'any nmëmiinpy nyajmiinpy, jëtu'un y'ëtsooy yë Samuel. Yë Wintsën Tios yë'ë wyintsë'kën nmo'ojäämpyës. Paaty tyam näkyajpxkëxë'ëkëtë wa'ats ma Tiosën etsës xyjyämyëët'atëty maas ja wintsë'kën nyajka'anyën. Ënät ja Samuel ojts tkajpxkëxë'ëky ma Tiosën wa'ats ja Jesé, mëët ja y'u'unk y'ëna'k ets twoowtaay, tääts mëët ja wintsë'kën tyaka'any.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

Números 11:18

Ets xy'ënëëmëty yë Israel ja'ayëty wä'än nänyi''ixëtë ets jopy jëjp'ixy yajpaatëty, wä'än yë jyot wyinma'any tyaj'oyëtë. Jä'ä ko jopy itaanp yë tsu'utsy may ets tsyu'utstëty. Tëës nmëtoy ko y'ëjtë tyu'uktë ets y'ëna'antë: jääpëk yë tsu'utsy jeexyë n'ëkpatëmë. Jap Egiptë nikë jotkujk ijty jap nyajpatëmë. E kajts wyi'ixëty, oy, tyam tsyu'utstëty jyë'kxtëty.

Números 19:19

Ja ja'ay mëti'ipë ënäty wa'ats yajpatpën, yë'ë mëpaat tuknixijkxy ja kënu'kxynyëë, ja mëti'ipë ëxëëk yajpatpën, ko kyomtëkëëk xëëwpätëty ets ko wyëxtujkxëëwpätëty. Kom wëxtujk xëëw tëë ënäty wa'ats wyi'imy. Ënät ja ja'ay wyit tpujëty mëti'ipë ënäty ëxëëk të yajpaatyën ets näjyëtu'un tsyi'iwëty xyëtsëty, ëxëëk jyaak wë'ëmëty jëtu'un kyutsu'ujëty.

2 Samuel 19:24

Ojts näjyëtu'un jyëjpaatë'ëkyë ja Mefi-bóset, yë Saúl yë myaank, maju'unëm yë David jam tsyo'onyën kajpntum ets jatëkok jyä'äjty. Yë Mefi-bóset ka'ap ënäty të kyë'ëpujy të tyekpyujy, nän ka'ap ënäty të nyäy'awaayjepyë, ni wyit ënäty të tkapujy.

Números 31:23

tëkokyë mëti'ipë myëtënaaytyääpyën yë jëën, nëjkxëp xyajtooywya'atstë jap jëënjoty, ok xypyujtëty mëët yë kënu'kxynyëë mëti'ipë winë yajtukkënu'kxpën. E mëti'ipë ka'ap tjëkyepy tyooywya'atsëty, kopkpëky nëjkx mëët yë nëë xypyujtë.