Éxodo 18:7 - Biblia Mixe de Quetzaltepec

⁷ Ënät ja Moisés jap pyëtsiimy tyëkoty ets ojts tjëjpye'eyi'iky ja myë't. Tä nyaaxkooy tyajnikëxë'ëky jëtu'un ja näwyinkutsë'ëkë ets ojts tsu'kxy. Ko nyäkyajpxpo'kxtaayëtë, ënät jap tyëjkëtyë tëkoty ma ja wit tëjkën.

Biblia Dc en Mixe de Quetzaltepec

⁷ Ënet ja Moisés jap pyëtsiimy tyëkoty ets ojts tjëjpye'eyi'iky ja myë't. Tä nyaaxkooy tyajnikëxë'ëky jëtu'un ja näwyinkutsë'ëkë ets ojts tsu'kxy. Ko nyäkyajpxpo'kxtaayëtë, ënät jap tyëjkëtyë tëkoty ma ja wit tëjkën.

Éxodo 18:7 ပူးပေါင်းရင်းမြစ်များ

Génesis 29:13

Ko yë Labán tmëtooy yajnimëtyä'äky yë Jacob, yë y'uty yë y'u'unk. Ënät ojts pëyi'ikyë tnitsoony ets ojts tsu'kxy jä'ä ko jëtu'un ënäty tu'unën'atë, tä ojts twoownëjkxy ma tyëjkën. Ënät yë Jacob tukmëmëtyaktaay ja jyämy, wi'ix ënäty të jyäty të kyëpetyën.

1 Reyes 2:19

Jëtu'un ojts ja Betsabé jam jyänty nyijkxy mëtyakpë mëët ja yajkutujkpë Salomón ets t'amëtowa'any jëtu'un tä ënäty ja Adonías të y'ënë'ëmxëtyën. Tä ja yajkutujkpë wyä'ätsë'ky ma ja y'ënyääypyäjnën ko t'ijxy ja tyaak jä'ä myiny ets ni'ënä'ämëy ets tmëmintëty tu'uk ja ënyääypyäjn tääts jam ja tyaak y'u'unyëty, tä jam nyaaxwe'tsy ja Betsabé a'oytsyow,

2 Samuel 11:7

Ko ja Urías jam nyäwya'këxë'kë ma ja Davidjën, ënät y'ënëmaayë: ¿Wi'ix ja Joab jam, e wi'ix xy'ixy ja tsip?

Génesis 19:1

Tsu'ujënëp ënätynyë ko ojts nimäjtsk jya'të yë tsajpjotmëpë kukäjpxy jam Sodomë. Jam ënäty yë Lot ma kajpn yajnitëkën, ma ja'ay may yajpaatën. Ko ojts yë t'ixy ja tsajpjotmëtë kukäjpxy ënät ojts tjëjpye'eyi'iky. Tä nyäkyoxtënaaytyakë ets nyaaxkooy.

Génesis 18:2

Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

Génesis 14:17

Ko yë Abram wyimpijty ma ënäty të tmëmëtä'äkyën yë Quedorlaomer ets ja yajkutujkpëtëjk mëti'ipë näypyupäjtëtë mëët. Yë yajkutujkpë, mëti'ipë Sodomë ënä'ämpën, ojts tyu'ujëjpye'eyi'ikyë yë Abram jam ma ja joy'it txëëwatyën Save, mëti'ipë ja yajkutujkpë jyä'ä'ajtypyën.

Hechos 28:15

Tëë ënäty ëëts ja nmëku'uktëjk nijawëtë mëti'ipë jam Roma yajpatëpën. Yë'ë tso'ontë etsës ojts xyjyëjpye'eyë'ëktë ma ja kajpn txëëwatyën Foro Apio ets näjyëtu'un ma ja it txëëwatyën Tëkëëk Ja'ajtakn. Ko ja Pablo y'ijxëtë, tää jyotkujkëy ets ja Tios tkukajpxëy.

Hechos 20:37

Tääts yaxtë ets ni'ëmukë tmënääntë ets tsu'kxtë ja Pablo.

Lucas 7:45

Mijts ka'apës të xytsyu'kxy; e yë to'oxytyëjk, tim je'eyës yaa të ntëkë tampaatës xytsyu'kx'ëtë'ëtsy maas yë ntekyën.

Jueces 11:34

Ko yë Jefté wyimpijty ets jyä'äjty ma tyëjkën jam Mizpá, ënät ja nyëëx tu'kpajkpë pyëtsiimy pëyi'ikyë äjtspë mëët yë panderë. Yi'iyë ijty tu'uk nyëëx'ajtyp ka'ap wiinkpë y'ëna'k

Números 22:36

Ko ja Balac tnija'awëy ko tää ja Balaam wyinkony, ënät ojts tnitsoony. Ets tjëjpye'eyë'ëka'any, jam ma tu'uk ja kajpnën mëti'ipë yajpatpën Moab naaxjoty. Winkon ma ja mëjnëë jyënäkyën mëti'ipë xyëëwajtypyën Arnón, ma ja tsëpa'an nyäxyën.

Génesis 46:29

Ënät ja José ni'ënä'ämëy ets ja kepy wintëkäämpë tni''ixëtëty ets nëjkx ja tyeety tjëjpaatë'ëky. Ko ja tyeety twinkuwa'këy, ënät tmëneeny ets tyëjkëy yaxpë, jeky ojts yä'äxy ma ja tyeety ja kyejkyën.

Génesis 45:15

Ënät yë José tmajtstaay tmënääntaay yë myëkä'äxtëjk ets ojts tsu'kxy nitu'ukjaty, tääts tyëjkëy yaxpë, ko jëtu'un y'ëknajxy, tää ojts ja myëkä'äxtëjk myëkajpxëtënëm.

Génesis 31:28

Ni yë'ëjës wäänë yë nnëëx etsës yë n'ok'u'unk n'ok'ëna'k të xykyatuk'ixy etsës jeexyë të ntsu'kxy, täänëm jeexyë akujk jotkujk të näy'ëxmajtsënë. Jëtu'un mijts të m'ëtëtsnë tä tsuuja'ayën.

Génesis 43:26

Ko ojts ja José jyä'ty ma ja tyëjkën, tä ojts tmo'otë ja näynyamo'ojë, mëti'ipë ënäty të tyajmintën ets nyaaxkoowtë, tä jëtu'un ja José yajwintsë'ëkë.

Éxodo 4:27

E yë Tios tëë ënäty t'ënëëmë yë Aarón: Nëjkx jam të'ëts'itum mnäpyäätyë mëët yë Moisés. Tä ja Aarón ojts tsyoony ets mëët ja Moisés nyäpyatë jam ma ja Tios ja tyun kyopkën. Jam ojts tkajpxpo'kxy ets tsu'kxy.

Éxodo 18:6

Tä ja Jetro t'ënëmaay ja Moisés: Ëjts Jetro, mëti'ipë mijts më't'ajtypyën, tyaajës të nminy etsës mijts mpaata'any n'ixa'any; tëëjës näjyëtu'un nwoowminy yë mto'oxytyëjk ets nimäjtsk yë myaank.

Éxodo 33:7

Ënät ja Moisés ojts tyajpëtë'ëky ya'atë wit tëjk ets ojts jëkäm tmënëjkxy ets txëëwmooy, wit tëjk ma ja näpyaatë y'ityën mëët ja Tios. Ko ënäty tii ja ja'ayëty tnijawëja'antë ma ja Tiosën, jam poj'am nyëjkxtë ma ja wit tëjkën, jampë yajpaatyën ëpëky ma ja ja'ay jam tsyëënëtën.

1 Samuel 17:18

Mënëjkx näjyëtu'un ya'atë kesë ets xymyo'ojëty yë tsiptuunpë Wintsën. Jam xy'ixëty yajxon wi'ix ja m'ajty yajpaatë ets mëminëp oynatii mëti'ipës ntuk'ixëpën ko oy mëk jamëty.

1 Samuel 17:22

E tëkokyë mëti'ipë ënäty ja David myënëjkxypyën, jä'ä ojts poj'am tukkë'ëtëjkëtyä'äy ja ja'ay mëti'ipë kyëwent'ajtypyën ja ku'umën, yenypyujxn ets ti'px, tëkokyë mëti'ipë ja ja'ay myëtsiptuuntëpën ets ojts nyijkxy pëyi'ikyë ma ënäty ja y'äjty yajpaatën ets t'ixa'any wi'ix jam jyatë kyëpätën.