Éxodo 18:23 - Biblia Mixe de Quetzaltepec

²³ Ko ya'atë jëtu'un xytyunëty ets pën Tios yë'ë ënaanp, jyëkyäpëp wi'ix xymyëmëta'akëtyën. E yë ja'ayëty nän akujk jotkujk nëjkx wyimpijnëtë, ma ja jyëën tyëjkëtyën.

Biblia Dc en Mixe de Quetzaltepec

²³ Ko ya'atë jëtu'un xytyunëty ets pën Dios yë'ë ënaanp, jyëkyäpëp wi'ix xymyëmëta'akëtyën. E yë ja'ayëty nän akujk jotkujk nëjkx wyimpijnëtë, ma ja jyëën tyëjkëtyën.

Éxodo 18:23 ပူးပေါင်းရင်းမြစ်များ

Éxodo 18:18

Jä'ä ko mijts nëkoo je'eyë mnäyaj'ënu'kxëty ets ja'ayëty mëti'ipë jam tu'kxëëwpaaty mnatënaayëpën. Ya'atë tuunk mëti'ipë mtuunpyën mëk oynyë ets mijts atu'uk xytyuunk'aty, ko jëtu'un tyu'uye'eyëty ka'ap mëta'akëty.

1 Samuel 8:22

Tä ja Wintsën y'ëtsoowtë: Mëmëtow ijxtëm y'ëna'antën, nikajpxpäjtë tu'uk yë yajkutujkpë. Tä ja Samuel ja Israel ja'ayëty t'ënëmaay ets wyimpijta'atëty jatëkok ets nyëjkxtëty ma nyaax kyajpnëtyën.

2 Samuel 18:3

E yë'ëjëty tyaa y'ëtsoowtë: Ka'ap, ka'ap y'oy'atëty ets ënä'ämpë kë'ëm tsyoonëty, jä'ä ko yë mëtsip jëtu'un yë wyinmay ko ëëtsëty oyës nkä'äktëty, ëkë n'ooktëty ntëkoytyëtyës ka'ap nëkooyë mëj tjawëja'any; tii tëy ko tyaj'ookëty ja mëti'ipë ënä'ämpën jëtu'un tsyoowpaata'any tä jeexyë ëëts nimëkoxk mil ëkë nimajk mil n'ooktën. Paaty nikë oy ko mijts Wintsën mwë'ëmëty ets jää je'eyë xykyäxëty yë ja'ay ko ënäty jam jyaaktsokyë.

Génesis 18:33

Ko ojts ja Tios jëtu'un myëtyakta'ay mëët ja Abraham, ënät ojts nyäy'ëxmajtsënëtë. E yë Abraham ojts wyimpijnë ets nyëjkxnë jatëkok ma tyëjkën.

Gálatas 2:2

Paatyës ojts jam nnëjkxy jä'ä ko tëëjës ënäty ja Tiosën xytyuk'ixyës etsës jam nëjkxtë. Jamës ojts ntuk'ëwaanëtë ja naax kajpn ja oy aaw oy ayuk mëti'ipës nkajpxwä'kxypyën ma ja ja'ayëtyën ka'apë jyutiis ja'ay'atën. Ets ojts näjyëtu'un ntukmëmëtya'aktës ëpëky ja kutuunktëjkëty ets ja mëjja'aytyëjkëty jampë yajpaatën ets nijawëtëty yajxon ko ja ntuunkës mëti'ipës ntuunk'ajtypyën ka'ap nëkoo nyatëkë'aty.

Hechos 15:2

Ënät ja Pablo ets ja Bernabé ojts tyajkäjpxykyojtë jëtu'unpë ja winma'any. Ok ja Pablo, Bernabé ets wiinkpë ja mëpëjkpëtëjkëty yajnikajpxpäjtë ets nyëjkxtëty jam Jerusalén ets tkajpx'oyëtëty mëët ja ijxpëjkpëtëjk ets ja mëjja'aytyëjkëty ja jampë yajpaatën.

2 Samuel 21:17

E ja Abisai Seruiá myaank, ënätyë tnimiiny ja David ets niwaantuty, koonëm ja Abisai tyaj'o'ky ja ja'aypyajkyeny filistejë ja'ay. Tääts ja David ja jyä'äy y'ënantë ko ka'ap mëpaat yë David y'ëknëjkxnë tsiptuunpë, këtiipë ja Israel ja kyutujkën y'atëkoyëty.

2 Samuel 19:39

Tëkokyë ja ja'ayëty ojts ja Jordán mëjnëë tuknajxta'atë. E ko ja yajkutujkpë ojts tuknajxtaaynyë ja mëjnëë, ënät ojts mëët ja Barzilai nyäjyëkajpxënë. Jëtu'un'äämpy ja Barzilai ojts jam nyëjkxnë ma kyajpnën.

Génesis 30:25

Tëë ënäty yë Raquel yë y'u'unk myääy tyajmëxu'unk'aty, mëti'ipë pyëjktaktën yë xyëëw José, ko ja Jacob t'ënëmaay yë Labán: Ëxmajtskës, tyam wä'änës n'ëknëjkxy maas ja nnaax nkajpnën.

Éxodo 16:29

Yë'ë yajxon mtimyjä'äymyätstëp, ko ëjts, mëti'ipë Wintsën'ajtpën, tëëjës tu'uk nnikäjpxy yë xëëw, mëti'ipë mpo'kxtëpën. Paatykyëjxm ma tyëtujkxëëwpetyën nmo'otë miits yë mjë'kxy mpëkëty mëti'ipë naje'eyë mni''itëpën mäjtsk xëëw. Ko ënät wyëxtujkxëëwpety, jam myajpaatëty ma mjëën mtëjkëtyën ets ni pën kyatsoonëty.

Éxodo 18:22

Yë'ë nëjkx winë tnipaye'eytyë oy tyimjëna'ajëty ma ja naax kajpnën; e ja jotmay mëti'ipë timkëjääjën yë'ë mtukniminëtëp, e mëti'ipë nayiin nawäänën yë'ë kë'ëm yajwintu'upëktëp. Ko jëtu'un xytyunëty mëj këjää ënäty ja tuunk mnätyuknipëjktu'utyë. Tääpë ja'ayëty yë'ë nëjkx mputëkëty ets oy ja mtuunk wyimpëtsëm jyëjpëtsëmëty.

Éxodo 18:24

Moisés ojts tkäjpxymyëmëtoy ja myë't ets jëtu'un tuuny, tä ënäty të y'ënë'ëmxëtyën: