Éxodo 18:21 - Biblia Mixe de Quetzaltepec

²¹ Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Tios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Biblia Dc en Mixe de Quetzaltepec

²¹ Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Dios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Éxodo 18:21 ပူးပေါင်းရင်းမြစ်များ

Hechos 6:3

Mëku'uktëjkëty, tyam ëëts yajxon nikajpxtë ko xynyikajpxpätëty niwëxtujk ja ja'ay, mëti'ipë mtukmë'a'ijxëtëpën wijy kejy yajpaatëty ets mëti'ipë ja Kënu'kxymyëkajtën mooyëpën ja mëk'ajtën ets ja winma'any ets tuntëty tkajpxtëty mëti'ipë ja Tios tsyojkpyën. Yë'ë mtuknipëktëp ets ja näypyutëkë yë'ë tyajwa'kxtëty.

Ezequiel 18:8

Ko yë meeny pën tuk'ënu'kxy ka'ap yë'ëkyëjxmëty ko tyaj'u'unk'ata'any; ka'ap pën t'ëxëëktuny; mëtëy tnipaye'ey ja nëë poky ko pën nimäjtsk tsyippaaty;

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

Zacarías 8:16

Ya'atë mëpaat xëmë xytyuntë: Mëtëy winë xynyikajpx xynyimëtya'aktëty ma miitsëtyën nixim niyam, mëtëy tii xynyipaye'eytyëty ets yë'ë xëmë mmaytyëp mtajtëp yë oyajtën jotkujk'ajtën miitsëty yajkutujkpëtëjkëty;

Zacarías 7:9

Ya'atës yam ni'ënä'ämëp: Ko miitsëty mëtëy winë xynyipaye'eytyëty ets oy mja'ay'atëty, mëët'atëp yë pa'ëyo'owën najts'ëyo'owën nixim niyam.

Ezequiel 22:12

Tam yë mëkunaax mëkukajpn mëti'ipë nyimeenypyijkpyën ets nëjkx yaja'ay ooky. Tam mëti'ipë meeny myëku'uk tyuk koontsoopyën ets may'äämpy tyaj'u'unk'aty, tam mëti'ipë je'eyë myëku'uk mëk tjanty yajtunyën ets yë'ë myeeny'äjtyp. Ëjts ka'apës pën xy'ëkja'amyäjtsnë, tëëjës xyjyä'äytyëkooynyëtë. Ëjts Wintsën, ëjts ënaanp.

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.

Eclesiastés 12:13

Jëtu'un jyëjpkëxy ja kë'ë ëma'ayën. Yë Tios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Proverbios 28:2

Ko naax kajpn ka'ap oy nyë'ëye'ey tyu'uye'ey, aak ënä'ämantëp jää ja'ay, e mëti'ipë tyukjajtypyën wi'ix tu'uwinwowëtyën yë nyaax kyajpn, nyija'ap wi'ix winë oy tyaj'itëtyën.

Salmos 15:5

mëti'ipë ja myëku'uk tyuknu'kxtsoopyën ja wit meeny, ets ka'ap t'amëtoy jënu'un tyaj'u'unk'aty, mëti'ipë ka'ap yë myëku'uk tnimeenykyonën; mëti'ipë jëtu'un juukyajtpën, ka'ap nijëna'a pokyjotm kya'aja'any.

Job 31:13

Koos ijty yë ntuunpëtëjk tii xy'amëtowtë, nmoopyës ijty.

Job 29:16

teetyën ijty xyjyawëtës ja'ay mëti'ipë winë yajmëyajtëpën, kuwaanpë ijty xyjyawëtës yë jaaypyaat jaaypyo'kxy.

Nehemías 7:2

Yë'ëjës ntuknipëjk yë nmëkä'äxës Hananí ets kyutuunk'atëty jam Jerusalén ets Hananías yë'ë kyutuunk'atëty jam ma ja mëj kajpnën mëti'ipë këwent'aty, ijtpën jä'ä ko yë'ë oy ënäty jyä'äy'äty ets mëk ijty ni'ik twinkutsë'ëkë ja Wintsën. Tnikutuunk'atëty ja naax kajpn jam Jerusalén.

Nehemías 5:9

Etsës ojts njaaktimy'ënëëmëtë: tääpë xytyuntën ninu'un kya'oypëtsëma'any. Ni'ikyënëm jeexyë miits xywinkutsë'ëkëtë ja mTiosëty, këtiipë nëkoo xyajxi'ik xyaj ëwë'ëktëty ja ja'ay mëti'ipë ka'ap nmëkunaax'ajt nmëkajpn'ajtëmën.

1 Samuel 8:3

E tääpë ëna'këty ka'ap ojts oy winë tuntë tä ja tyeetyën, je'eyë ijty tsoktë ja wit meeny, ko pën tii tuuntëkoy ja meeny y'ëxajëkyojtëp tääts ka'ap tii winë oy tnipaye'eytyë.

Éxodo 18:25

Ojts twin'ixy ja ja'ayëty mëti'ipë winë oy tyuuntëpën jam ma ja Israel kajpnën ets tmooy ja ënä'ämën kutujkën ma ja ja'ayëtyën tu'kmiljatypë, nimëko'pxjatypë, niwëxtyikxymyajkjatypë ets ma ja nimajkjatypyën.

Génesis 22:12

Y'ënäny ja Tios kyukajpxpë: Këtii m'u'unk jëtu'un xytyuny, tëëjës nnijawë ko mijts mtsë'këpë Tios ets ka'apës mijts të xywyin'ëënyës, koos yë m'u'unk xymyo'oja'any xytyukwintsë'ëkëja'any.

Hechos 20:33

Ka'apës nijëna'a të n'atsoky yë wit meeny, pu'ts pujxn ëkë wit xox,

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Isaías 33:15

Mëti'ipë ja'ay mëtëy tii tyuunpyën, nän mëtëy winë tkäjpxy tmëtyä'äky; mëti'ipë ja'ay ka'ap jyiiky myëku'uk tëytyunyën ets mëti'ipë ka'ap tkupëkyën ja näynyamo'ojë mëti'ipë yajktëpën ja ja'ayëty, ka'apë y'oy'atën ja jyot wyinma'anyëty; mëti'ipë ka'ap tmëtowa'anyën ko pën tnikäjpxy tnimëtyä'äky ja yajja'ay'o'kën, ets tim winpi'tsp këtiipë t'ixëty ja ëxëëktu'un ëxëëk kajpxën.

Génesis 42:18

e kom tëkëëk xëëw ojts t'ënëëmë: Ëjts ntsë'këpës yë Tios, tuntë ya'atë ets miits npokymyä'kxtëty.

Lucas 18:4

Kanaak'ok ojts ninëjkxy ja paye'epyë, je'eyëp ko ka'ap nyipaye'eyë. Ok ojts ja paye'epyë myäy tyäjy: Oyës yë Tios nkatsë'ëkë ets naaxwiinyëtë ja'ay nkatsë'ëkë,

Lucas 18:2

Ets y'ënäny: Jää ijty kajpnjoty tu'uk ja paye'epyë mëti'ipë ka'ap tsë'ëkën ja Tios ets naaxwiinyëtë ja'ay.

Isaías 16:5

Yë David yë y'u'unk y'ok yë'ë nëjkx tpaaty ja kutujktakn, mëti'ipë yajkutukaanpën mëët ja tëyajtën. Mëtëy nëjkx winë tnipaye'ey, jëtu'un tä y'ixëtyën ja poky ets mëtëy tyaj'ita'any ja ënä'ämën tëyajtën.

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

1 Reyes 18:3

Ja Ahab, myëjwoow ja Abdías, mëti'ipë pujëtu'unëyëpën, yë'ë y'ëwtatyp ënäty winë aaw winëjot yë Wintsën

1 Samuel 8:12

Pënëty nëjkx tpëjktä'äky ets tniwintsën'atëty nitu'kmil ja tsiptuunpë ets mëti'ipë nëjkx tniwintsën'atëty niwëxtyikxymyajk je'eyë. Nëjkxëp näjyëtu'un tpëjktä'äky mëti'ipë ja kyam tyu'u pëjktakxëtëpën ets mëti'ipë nëjkx ja pëjktä'äky tyajpëtë'ëktën; ëpëky nëjkx tpëjktä'äky pën yaj'oyëtëpën ja ti'px, ja ku'umën, ja yenypyujxn ets ja pujxnwintëkäämpë mëti'ipë myëtsiptuuntëpën.

Josue 22:14

Ojts näjyëtu'un ëpëky pyanëjkxëtë nimajk yë mëjja'aytyëjkëty mëti'ipë kyutënaaytyëpën ja myëku'uktëjk.

Números 10:4

Ko je'eyë tu'ukyë yë pujxnxuxn yajtukxu'uxëty, yi'iyë nëjkx ye'eymyuktë mëjja'aytyëjkëty.

Génesis 47:6

Yë naaxwiinyëtë mëti'ipë Egiptë jyä'ä'ajtypyën yë'ë näjyëtu'un jyä'ä'ajtëp, paaty mijts mo'o yë it naaxwiinyëtë jam Gosen, tampë it naaxwiinyëtë yë'ëjën wäänë oy mëti'ipë naax kajpn jyä'ä'ajtypyën, jamts tsyëënëtëty jyuuky'atëty. Ets pën mnija'ap ko yë mmëkä'äxtëjk oy tkëwent'atë yë jëyujk, tukëwent'atë yë njëyujk ntsajpkaajës.

Números 1:4

Ets tu'ukjaty ma ja tu'ktëjkpën,

Números 1:16

Ya'atë jëtu'un ojts yajnikajpxpätë ma Israel kajpnën ets ja myëku'uktëjk tnikopk'atëty ets yë'ë muum tkutänëtëty.

Deuteronomio 22:18

Ënät nëjkx ja ye'etyëjk tmatstë ets tëytyuntëty, mëët ko ënäty nëkoo tniwaanpety ja to'oxytyëjk.

Esdras 7:25

E mijts Esdras, mëti'ipë mjajtyp mnija'apën, mëti'ipë Wintsën të mo'oyën, tuknipëk yë ja'ay mëti'ipë yajkutukëpën ets ënä'ämëpën, mëti'ipë pyaye'eyëpën ja nëë poky ma ja naax kajpnën jam Éufrates, mëti'ipë nyija'awëtëpën ja Wintsën ja tyiyajtën; e mëti'ipë ka'ap tnijawëtën tukni''ixëtë.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Tios myëtuumpy ets nijëna'a ojts pën tkamëtëkoy.

Salmos 15:1

Wintsën, ¿pën mëpaat jam yajpaaty ma mtsajptëjkën? ¿Pën patëp jam tsyëënëty ma mtun nkopkën wa'atspë?

Éxodo 17:9

Ënät ja Moisés t'ënëmaay ja Josué: Win'ix yë ja'ay mëti'ipë m'a'ijxëpën ets mnëjkxtëty tsiptuunpë ma ja Amalec ja'ayëtyën. Ëjts jamës jopy kopkëjxm nyajpaata'any ets mpakapäämpyës yë ntajk, mëti'ipë yë Tios jyä'ä'ajtypyën.

2 Samuel 18:1

Ojts ja David t'ijxmujkta'ay ja tsyiptuunpëtëjk ets ojts tpëjkwa'kxta'ay tu'kmiljatyëty ets mëko'pxjatyëty, ma tu'kpëkyjätyën aak pyëjktaktaay ja nyiwinye'epyë.