Éxodo 18:16 - Biblia Mixe de Quetzaltepec

¹⁶ N'ëkpëjktakmëty, ko tiitsip tiikäjpxy tmëët'atë ëjts pojën xynyimiintëp etsës nipaye'ey pën ja poky myëët'ajtypyën, ëkë pën mëtëy winë tyuunpy kyäjpxypën ets jëtu'un ntuknijawëtës ja Tios ja y'ënä'ämën tyiyajtën ets ja y'aaw y'ayuk.

Biblia Dc en Mixe de Quetzaltepec

¹⁶ N'ëkpëjktakmëty, ko tiitsip tiikäjpxy tmëët'atë ëjts pojën xynyimiintëp etsës nipaye'ey pën ja poky myëët'ajtypyën, ëkë pën mëtëy winë tyuunpy kyäjpxypën ets jëtu'un ntuknijawëtës ja Dios ja y'ënä'ämën tyiyajtën ets ja y'aaw y'ayuk.

Éxodo 18:16 ပူးပေါင်းရင်းမြစ်များ

Éxodo 24:14

Ets t'ënëmaay ja mëjja'aytyëjkëty: Yaa miitsëty m'ëwxitëty, koonëmës nwinpitëty, yaa näjyëtu'un wyë'ëma'any yë Aarón ets Hur mëët miitsëty, ko jää tiijotmay xymyëët'atëty yë'ë mtuk'ëwaanëtëp.

1 Corintios 6:1

Ko miits jënaakën tiitsip xymyëët'atëty mëët ja mmëku'ukëty, ¿tii ko mnëjkxtëty jam ë'ënpë ma ja yajkutujkpën ka'apë myëpëktën, jëtu'un ijxtëm jeexyë jam m'ëëntën ma ja mëti'ipë mëpëjktëpën?

2 Samuel 15:3

tä ijty t'ëtsoy: Mëti'ipë mnikäjpxypën mëtëy yë'ë ets ja'aykyujkën yë'ë, je'eyëp ko ka'ap ma pën, pën m'ëk kutänëtëp ma ja yajkutujkpën.

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Job 31:13

Koos ijty yë ntuunpëtëjk tii xy'amëtowtë, nmoopyës ijty.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

Deuteronomio 6:1

Ya'atë ënä'ämën'ajtp tëy'ajtën'ajtp ets ja aaw ayuk mëti'ipë Wintsën të xytyuk'ëne'emyënës ets ntukni''ixëtëty ets yë'ë xypyatuntëty ko ënäty jam myajpatnëtë ma ja it naaxwiinyëtën mëti'ipë mjä'ä'atantëpën.

Números 15:35

Ënät ja Tios t'ënëmaay ja Moisés: myaj'ooktëp tääpë ja'ay, tëkokyë yë Israel ja'ayëty nëjkx tkuka'atstë tääpë ja'ay jam kajpnpë'am.

Levitico 24:15

E yë Israel ja'ayëty tyaa xy'ënëëmëtëty: Pën y'ëxëëktijpyën yë mWintsën Tiosëty. Kë'ëm jëtu'un tpoky'atëty ets nëjkxëp yajkuka'atsy. Yë naax kajpn yë'ë nëjkx kyuka'atsyë. Wä'än yë'ëjëty kunaax kukajpn ets wä'än yë'ëjëty yë jaaypyaat jaaypyo'kxy. Pën tëë yë Tios t'ëxëëktijy, kopkpëky ko nëjkx y'ooky.

Éxodo 23:7

Këtii xymyëpëkëty mëti'ipë je'eyë myëku'uk wiinkjaty nyikäjpxyp nyimëtyäkpyën. Këtii xyaj'ookëty mëti'ipë ka'ap tii poky tmëët'atyën; jä'ä ko mëti'ipë pokymyëëtën ka'apës nnikajpxa'any ko ka'ap pyokymyëëtëty.

Éxodo 2:13

Komjëpom ojts jatëkok jam nyëjkxkojnëpë ma ja myëkunaax myëkukajpnën, tä t'ijxpaty, ko nimäjtsktëm jam ja hebreo ja'ay aakyë'ë tsyiptuntë. Tä tyajtëëy ja mëti'ipë ja myëku'uk ënäty nëkoo tsyi'kpyën: ¿Tii ko nëkoo ëxëëk mnäytyunëtë, miitsëty ka'ap jëtu'un mjapaatëtë pën mtu'kmëku'uk'ajtëp miitsëty?

Éxodo 18:17

Ënät ja myë't Jetro y'ënëmaayë: Tä ya'atë yam xytyunyën ka'ap niwi'ixtsow y'oyëty.

2 Crónicas 19:10

Oy tyimmëti'ipë jotmayëty mëti'ipë ënäty myëmiintëpën ja kunaax kukajpn, oy yë'ëjëty ja'ay wiink kajpnëpë muum tsyoontën, ko myintëty yaa ets myajtëwëtëty pën tu'uk ja o'kpë mëpaat yajnipaye'ey ëkë ka'ap ets pën mëpaat jëtu'un yajtëytyuny ja pokyjyä'äy ijxtëm ja tëyajtën, ënä'ämën, kutujkën, kajpxwijën myinyën; jëtu'unpë jotmay jëyëjp xyajtëwtëty ja Wintsën, këtiipë nëjkx miits ja Wintsën mtukjoot'anpëkëtë ets këtiipë näjyëtu'un ja mëkunaax mëkukajpn yajtukjoot'anpëktëty.