Éxodo 18:12 - Biblia Mixe de Quetzaltepec

¹² Ënät ja Jetro ojts tu'uk tyaj'ooky yë jëyujk ets tnino'oka'any jam Tios wyintum, tmëjjawëja'any ets tkënu'kxyjyawëja'any ja Tios, ëpëky ojts tkë'ëyäky yë näyoxë. Ënät yë Aarón ets ja mëjja'aytyëjkëty, mëti'ipë nyimëjja'ay'ajtëpën ja naax kajpn ojts jam nyëjkxtë kääpyë ukpë mëët ja Moisés ja myë't Tios wintum.

Biblia Dc en Mixe de Quetzaltepec

¹² Ënet ja Jetro ojts tu'uk tyaj'ooky yë jëyujk ets tnino'oka'any jam Dios wyintum, tmëjjawëja'any ets tkënu'kxyjyawëja'any ja Dios, ëpëky ojts tkë'ëyäky yë näyoxë. Ënet yë Aarón ets ja mëjja'aytyëjkëty, mëti'ipë nyimëjja'ay'ajtëpën ja naax kajpn ojts jam nyëjkxtë kääpyë ukpë mëët ja Moisés ja myë't Dios wintum.

Éxodo 18:12 ပူးပေါင်းရင်းမြစ်များ

Deuteronomio 12:7

Jam mkaytyëty m'uuktëty ma ja mWintsën Tiosën ets mëët ja m'u'unk m'ëna'këty ets ja mjëëky mëku'ukëty, nëjkxëp xytyukxon xytyuk'itë ja mjë'kxy mpëkyëty mëti'ipë ënäty të y'ity të wyintëyën ets ja mWintsën të tkënu'kxyën.

Génesis 31:54

Jëtu'un yë Jacob tyaj'apatëy tu'uk yë wintsë'kën jam kopkëjxm, tääts tmëkajpxmujktaay ja jyiiky myëku'uk ets mëët kyäyä'äny y'uuka'any. Ojts jam nimay kyäytyë y'uuktë ets jam jëtu'un ja tsuu tyajnajxtë kopkkëjxm.

Éxodo 24:11

Tios ka'ap ojts wi'ix tuny ya'atë ja'ayëty, mëti'ipë ënäty mëj'äämpy ijtëpën ma ja nyaax kyajpnën ja Israel, oy ënäty tëë ja Tios tja'ixtë, ojts jam kyäytyë y'uuktë ma ënäty jam yajpaatën.

Éxodo 24:5

Ënät ojts tuk'ëne'emy ja ëna'ktëjkëty ets tyaj'ooktëty ja tsajpkaa ets jä'ä tukwintsë'ëkëtëty ja Tios, jëtu'un'äämpy ja nay'ëëw'oy näykyajpx'oyë tuntëty mëët yë'ë.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Tios yajtukmëjjawëtyën.

1 Corintios 10:21

Ka'ap tjëkyepy miits xytyuk'uukëtëty ja Wintsën ja y'a'ukën ets näjyëtu'un xytyuk'uukëtë ja ku'oypyë ja jyä'ä. Ets ka'ap tjëkyepy näjyëtu'un jam myajpaatëty ma ja Wintsën ja kyääypyäjnën ets myajpaatëty näjyëtu'un ma ja ku'oypyë ja kyääypyäjnën.

1 Corintios 10:18

Ixtë ja Israel ja'ayëty: tsyu'tstëp ni'ëmukë ja jëyujk mëti'ipë të wyintsë'kën'atyën, tu'ukyë jam yajpaatë ma ja wintsë'këntyaknën.

Lucas 14:15

Ko ya'atë tmëtoowtë, tu'uk mëti'ipë ënäty jam yajpatpën t'ënëmaay ja Jesús: Akujk jotkujk ja'ay yajpaaty mëti'ipë kääpy ukpën ma Tios ja kyutujktaknën.

Lucas 14:1

Po'kxënxëëwjoty ja Jesús ojts nyijkxy kääpyë ma tu'uk ja fariseë wintsën ja tyëjkën, tam wiinkpë ja fariseë ja'ayëty je'eyë y'ixtë tyuntë.

Daniel 10:3

Ka'apës ojts një'kxy jë'kxy pëky xu'kxpë, ka'apës ntsu'ty yë tsu'utsy ets ka'apës n'uky yë tsatym nyëë ets nän ka'apës nätyuku'tsë yë tsooy mëti'ipë pa'akxu'kpën koonëm ojts y'apety tëkëëk sëmaan.

Job 42:11

Ënät ja myëkä'äxtëjk, ye'etyëjkpë to'oxytyëjkpë, myëjëën myëtëjk ets mëti'ipë mëët nyäwyin'ixy'ätyën ojts nyimiinta'ajëtë, tu'uk ja xëëw tyaj'apatëtyë jam ma ja Job ja tyëjkën. Ojts myëmëtya'akëtë ets wyinxoon wyin'ijtëtë ko ënäty o'ktëy të jyäty të kyëpety, ko ënäty ja Wintsën ja ëyo'on jotmay të tyuknikexyë, tu'ukjaty ojts tmo'otë ja wit meeny ets pu'ts pujxnkë'ëjiits.

Job 42:8

Tyam yë'ë mënëjkxtë yë tsajpkaa, wëxtujk xymyënëjkxtëty ets wëxtujk yë kupixyny ayääkë jam ma Job yajpaatyën ets jam xyaktëty nino'oky nixämy tä tu'uk wintsë'kënën mëti'ipë mnatyukunaxëtëpën. Yë ntuunpës Job yë'ë mkënu'kxta'akanëtëp, nmëtoow'itäämpyës tä ënäty y'ënä'änyën ets ka'ap wi'ix ntuntëty; oy jëtää ka'ap mjanitëkëtë myajpokmyä'kxtëty jä'ä ko miitsëty ka'apës mëtëy të xynyimëtya'aktë, jëtu'un tä yë ntuunpënës Job.

Job 1:5

Ko xyëëwtuunta'atë, tääts ja Job tmëkajpxmuky yë y'u'unk y'ëna'k, jopyëp pyëtë'kojy ets tmo'oy yë Tios yë wyintsë'kën nino'oky nixämpyë, tyajwa'atsy ja y'u'unk y'ëna'k ma ja nyëë pyokyëtyën. Yë Job xëmë ijty jëtu'un tuny, jä'ä ko yë'ë myëmääpy myëtäjpy ko muum yë y'u'unk y'ëna'k tmëkajpxtëkoytyë yë Tios ëkë muum tëkatsy myäytyë tyajtë.

2 Crónicas 30:22

Ezequías mëj këjää tkukajpxëy mëët ko ënäty ja teetytyëjkëty ets ja Leví ja'ayëty të pyutëkëty winë aaw winëjot ma Wintsënën. Tëë ënäty wëxtujk xëëw xyëëwtuntë ma të tyaktën ja wintsë'kën ma Wintsënën, ma t'ëëwkëjxy tkajpxkëjxtën ja pyoky ets ma të twin'ëw të twinya'axtën,

2 Samuel 9:7

Tä ja David y'ënäny: Këtii mtsë'ëkëty, ëjts janty'oy nmëku'ukjawë, mëëtkyëjxm ja mteety Jonatán. Ëjts tyamës mijts nmooytya'aja'any ja m'apteety Saúl ja nyaax kyamtëjk ets jam xëmë mkayëty m'uukëty maas yë nkaaypyäjnën.

Deuteronomio 27:7

Ma ya'atë potsyën jam nëjkx näjyëtu'un yajyäky ja wintsë'kën, ko ënäty ja nay'ëëw'oy näykyajpx'oyë y'ity mëët yë Tios ets nëjkx tu'uk yë mëj xëëw xytyuntë jam Tios wintum, ma nëjkx mkaytyë m'uuktën.

Éxodo 2:20

Tä ojts ja Reuel y'ënë'ëmxëtë: ¿Maaxën ënät ja ja'ay? ¿Wi'ix ko të xy'ëxmatstë atu'uk? Nëjkx wowtë, wä'än tminy kääpyë.

Génesis 43:25

Tä yë'ëjëty tnipëjktakëtyë ja näynyamo'ojë ets t'a'ix tjëjp'ixtë ko ja José myina'any kujkxyëëw, tëë ënäty nijawëtë ko jam mëët kyäya'antën.

Génesis 26:25

Ënät ja Isaac jam tu'uk tya'o'oyëy yë wintsë'këntyakn, ma ja Tios t'ëwtajtyën. Jam wäänë tsyënaay ets ja tyuunpëtëjk jam tu'uk ja nëëjut tyaj'ëwatstë.

Génesis 12:7

Ënät ojts jam yë Tios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënät ojts yë Abram pojën t'oytyuny tu'uk ja wintsë'këntyakn, jä'ä ko ënäty jam yë Tios të nyänyikëxë'ëkyë.

Génesis 8:20

Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Tios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

Génesis 4:4

Näyjyëtu'un yë Abel ojts tmënëjkxy ma Wintsënën tu'uk yë kupixyny, mëti'ipë kä'äxkopkën ets oy mëk. Yë Wintsën oy ojts t'ixy ja Abel ja wyintsë'kën mëti'ipë yajkën,

Éxodo 2:16

Yë Reuel mëti'ipë ënäty jam teety'ajtpën Madián, niwëxtujk ënäty yë nyëëx, jä'ä xëëw ënäty jam näjyëtu'un të nyëjkxtëpë ma ja nëëjutën ets tyaj'utsa'antë ja nyëë a'ukënëty ets jap ja tsajppaxëty kupixynyëty nyëë'uuktëty.

Éxodo 3:1

Yë Moisés yë'ë ënäty kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Tios jyä'ä'ajtypyën, jä'ä txëëwaty Horeb.

Éxodo 18:13

Komjëpom tä ja Moisés nyaaxwe'tsy ets tpaye'eyä'äny, mëti'ipëjaty ja naax kajpn y'amay'äjtyp jyotmayäjtypyën, ja ja'ayëty mëti'ipë jam ja jyotmayëtyën tu'kxëëw jam yajxon tsyënaaytyë.

Éxodo 20:24

Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënäty ntsokyën etsës ja nxëëw mëj jaanty y'itëty.

Éxodo 33:7

Ënät ja Moisés ojts tyajpëtë'ëky ya'atë wit tëjk ets ojts jëkäm tmënëjkxy ets txëëwmooy, wit tëjk ma ja näpyaatë y'ityën mëët ja Tios. Ko ënäty tii ja ja'ayëty tnijawëja'antë ma ja Tiosën, jam poj'am nyëjkxtë ma ja wit tëjkën, jampë yajpaatyën ëpëky ma ja ja'ay jam tsyëënëtën.

Números 10:29

Ënät ojts yë Moisés tëkok yë jyiy t'ënëëmë mëti'ipë xyëëwajtypyën Hobab, yë myaank yë Reuel mëti'ipë Madián ja'ayën: Ëëtsëty jamës nëjkxtë ma it naaxwiinyëtën mëti'ipës ja Tios të xytyukwinwanëtën. Min mëët ëëtsëty ets jëëky mëku'uk myajjawëty, jëtu'un tä Tios ëëts oy xymyëët'atën, maas n'Israel ja'ay'atën.

Génesis 26:30

Ënät ja Isaac nipëjktakëy tu'uk yë xëëw ets tyajkaay tyaj'uky ja Abimélec mëët ja mëti'ipë ënäty jämyëët'ajtëpën.