Éxodo 18:10 - Biblia Mixe de Quetzaltepec

¹⁰ ets y'ënäny: Kënu'kxy mëjjawë yë Tios y'ity, mëti'ipë miitsëty të myaj'ëwaatsëpëtsëmëtën, mëti'ipë jyä'äy'äjtypyën yë Israel, ma ënäty ëxëëk tyunëtën yë Egiptë mëj'ënä'ämpë ets ja Egiptë ja'ayëty. Ko të mjëwowëtë ma jam ëyo'onjëjp'am të myajpaatën,

Biblia Dc en Mixe de Quetzaltepec

¹⁰ ets y'ënäny: Kënu'kxy mëjjawë yë Dios y'ity, mëti'ipë miitsëty të myaj'ëwaatsëpëtsëmëtën, mëti'ipë jyä'äy'äjtypyën yë Israel, ma ënety ëxëëk tyunëtën yë Egiptë mëj'ënä'ämpë ets ja Egiptë ja'ayëty. Ko të mjëwowëtë ma jam ëyo'onjëjp'am të myajpaatën,

Éxodo 18:10 ပူးပေါင်းရင်းမြစ်များ

2 Samuel 18:28

Ko ja Ahimaas jam jyä'äjty ma ja yajkutujkpën, ënät wyintäky nyaaxkooy, tyajnikëxë'ëky jëtu'un ja näwyinkutsë'ëkë ets t'ënëmaay: Kënu'kxy nyaxëty yë Wintsën yë myëjxëëw, mëti'ipë mijts yajkutujkpë m'ëwtajtypyën, jä'ä ko tëë tjëpëky tjëtuny ja mëti'ipë m'ixjëtijt mpajëtijtëpën.

Génesis 14:20

Tukxoontä'äky xëmë y'itëty yë Tios Ni'ik Këjxmëpë, mëti'ipë të mputëkëtyën, ko tëë yë mëtsip xymyëmëtakta'ay. Ënät yë Abram ojts majk tpupëky mëti'ipë ënäty myëët'ajtypyën.

Lucas 1:68

Kënu'kxy mëjjawë yë Wintsën nyäxy, mëti'ipë ja Israel ja'ay Tyios'ajtëpën, Jä'ä ko tëë tniminy ja nyaax kyajpn ets tyajnitso'oka'any.

1 Pedro 1:3

Tsojk nmëjja'aw njaantyjya'awëm ja Tios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

1 Tesalonicenses 3:9

¿Wi'ix ëëts ja Tios n'ëkkukajpxëtëty, mëët tu'kë'ëyë ja xoontakën mëti'ipës nmëët'ajtëpën Tios wyintuuy, miitskyëjxmëty?

Efesios 1:3

Mëjjaw jaantyjawë nyäxy ja Tios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Salmos 41:13

Kënu'kxy yë Wintsën y'itëty mëti'ipë yë Israel y'ëwtajtypyën tyam ets xëmëkyëjxm. Jëtu'un'atëp.

1 Reyes 8:15

y'ënäny: Yë Wintsën kënu'kxy yë xyëëw y'ity mëët ko të tpatuny ja y'aaw y'ayuk tä tukwinwa'anëyën ja David, yë nteetyës, ko t'ënëmaay:

Génesis 24:27

tä y'ënäny: Nmëjja'ap nkënu'kxyjya'apës yë Wintsën, mëti'ipë y'ëwtajtypyën yë nWintsënës Abraham. Yë'ë të tyaj'ixyë y'oyajtën maas yë nWintsënën, paatyës të xytyu'uwinwoy ma ja jyiiky myëku'uk ja jyëën tyëjkën.

1 Samuel 15:6

Ets t'ënëmaay ja quenitëja'ayëty: Näjyëpëkëtë miitsëty. Pëtsëmtë jam ma Amalec ja'ayëtyën, këtiipë mëët tu'ukyë m'a'okmuktëty. Jä'ä ko miitsëty oy ojts yë mjot mwinma'any xyajkëxë'ëktë mëët yë Israel ja'ayëty ko jap tsyo'ontë Egiptë. Jëtu'un yë quenitëja'ayëty jyänty tsyo'ontaaytyë jam ma Amalec ja'ayëtyën.

1 Samuel 25:32

Tä ja David y'ëtsooy: Kënu'kxy mëjjawë yë Wintsën yë xyëëw nyaxëty mëët ko tyam të mkexyë ets yaa të xynyiminyës,

1 Reyes 8:56

Kënu'kxy mëjjawë ja Wintsën y'itëty mëti'ipë ja Israel kajpn të tmo'oyën ja jotkujk'ajtën, jëtu'un tä ënäty të tnikäjpxyën. Yë'ë tëë tuunta'ay tä ojts ja Moisés tukkajpxpëtsëmyën, mëti'ipë yë'ë tyuunpëajtën.