Éxodo 18:1 - Biblia Mixe de Quetzaltepec

¹ Yë Jetro mëti'ipë jam teety'ajtpën Madián, yë Moisés yë myë't, ojts tnijawë, wi'ix ënäty yë Tios mëj këjää winë të tuktunyën yë Moisés ma ja nyaax kyajpnën, ja Israel kajpn. Ojts näjyëtu'un tnijawë ko tëë ënäty ja Tios jap jyuutëtë Egiptë.

Biblia Dc en Mixe de Quetzaltepec

¹ Yë Jetro mëti'ipë jam teety'ajtpën Madián, yë Moisés yë myë't, ojts tnijawë, wi'ix ënety yë Dios mëj këjää winë të tuktunyën yë Moisés ma ja nyaax kyajpnën, ja Israel kajpn. Ojts näjyëtu'un tnijawë ko tëë ënety ja Dios jap jyuutëtë Egiptë.

Éxodo 18:1 ပူးပေါင်းရင်းမြစ်များ

Éxodo 3:1

Yë Moisés yë'ë ënäty kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Tios jyä'ä'ajtypyën, jä'ä txëëwaty Horeb.

Éxodo 2:16

Yë Reuel mëti'ipë ënäty jam teety'ajtpën Madián, niwëxtujk ënäty yë nyëëx, jä'ä xëëw ënäty jam näjyëtu'un të nyëjkxtëpë ma ja nëëjutën ets tyaj'utsa'antë ja nyëë a'ukënëty ets jap ja tsajppaxëty kupixynyëty nyëë'uuktëty.

Hechos 14:27

Ko jyajtë jam Antioquía, ënät ojts tyajmujkta'atë ja mëpëjkpëtëjk ets tukmëmëtyaktaaytyë wi'ix ënäty ja Tios të tyunyën ma yë'ëjëtyën ets wi'ix ja Tios ja nyë'ë tyu'u të tyaj'ëwa'atsyën ko näjyëtu'un të myëpëktë mëti'ipë ka'ap jyutiis'atën.

Zacarías 8:23

Jä'ä xëëw, majk nëjkx yë jaaypyo'kxyjyä'äy tmatsy wyitkëjxy yë jutië ja'ay ets t'ënëëmëja'antë: Jamës nëjkxa'antë ma miitsëtyën, jä'ä ko tëëjës nnijawëtë ko tam yë Tios yajpaaty ma miitsëtyën.

Salmos 106:2

¿Pën ëkmayëtëp tnimëtya'akëty wi'ix yë Wintsën të myëtä'äkyën, ¿Pën ëkmayëtëp tmëjpëjkta'akëty ijxtëm pyaat'atyën?

Salmos 105:43

Jëtu'un ojts ja Tios tyajpëtsëmy ja nyaax kyajpn akujk jotkujk,

Salmos 78:4

Ka'ap ntukwinkuyu'utsa'anëm ja n'u'unk'ajt n'ok'ajtëm. Mëët ja pi'k ëna'këty mëti'ipë juuky'atantëpnëm, yë'ë mëët ntukxoontakmëty ja Wintsën ets nikajpx nnimëtyakmëty ja kyutujkën ets myëj'ajtën.

Salmos 44:1

Mijts Tios, tëës nmëtowtë mëët yë nkë'ëmtatskëtyës, ets ojts xytyukmëmëtya'aktës yë n'ap n'okëtyës wi'ix ojts winë xytyunyën tëëyëp ko yë'ëjëty jyuuky'ajtë.

Salmos 34:2

Ëjts amëj akëjxmës nnäjyawëty ma Wintsënën; mëtoow'itë ets jotkujk itë miitsëty naaxwiinyëtë ja'ayëty ninu'un mja'ay'atën yu'unk naxym.

Josue 9:9

Tää y'ëtsoowtë: Ëëtsëty jëkäm'it ntsoontës, nimintë yaa miitsëty mëët ko ja mWintsën Tios mëj'äämpy yajnikäjpxy jamtsow muum, tëëjës nijawë'atë ko ojts ja myëj'ajtën tyaj'ixyë mëjwiin këjää jap Egiptë,

Josue 2:10

Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Tios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënäty jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.

Romanos 15:18

Ka'apës nnätyuk'a'ixëty tii nimëtya'aktëty, yi'iyës nimëtyäkpy mëti'ipë ja Kristë të tunyën ëjtskyëjxm etsës nputëkëty mëti'ipë ka'ap jyutiis ja'ay'atën ets ja Tios tmëmëtowtëty. Ya'atë yë'ë mëët wyintu'upëky ja käjpxy mëtyä'äky ets ja tuunk,

Hechos 15:12

Tääts ni'ëmukë y'ëmoontaaytyë ets t'amëtoow'ijtë ko ja Pablo ets ja Bernabé nimëtyaktë wi'ix ënäty ja Tios të pyutëkëtën ko ja mëj'ajtën tyaj'ixëtë ma ja ja'ay ka'ap jyutiis'atën.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënäty tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Salmos 105:5

Yë'ë ja'amyätstë wi'ix winë mëj këjää të tuny të tkäjpxyën ets ja y'aaw y'ayuk mëti'ipë të tmëtyä'äkyën;

Jueces 4:11

Winkon ma yajpaatyën yë Quedes, najamtëkë ma xojjot txëëwatyën Saanaim, jam ënäty ja Héber ja Quenat ja'ay, tëë ënäty ja myëkukajpn tpuwa'ktu'uty, ja Quenat ja'ayëty, yë'ë ja y'ok'u'unk ja Hobab, ja Moisés ja myë't.

Números 10:29

Ënät ojts yë Moisés tëkok yë jyiy t'ënëëmë mëti'ipë xyëëwajtypyën Hobab, yë myaank yë Reuel mëti'ipë Madián ja'ayën: Ëëtsëty jamës nëjkxtë ma it naaxwiinyëtën mëti'ipës ja Tios të xytyukwinwanëtën. Min mëët ëëtsëty ets jëëky mëku'uk myajjawëty, jëtu'un tä Tios ëëts oy xymyëët'atën, maas n'Israel ja'ay'atën.

Éxodo 4:18

Ënät ja Moisés wyimpijty ma ja myë't ja tyëjkën ets t'ënëmaay: Tyam kopkpëky ko nëjkxëtyës jap Egiptë, ma jap tsyëënëtën ja njëëky nmëku'ukës. Yë'ëjës nëjkx n'ixa'antë etsës nijawëja'any, pën jap jyaak juuky'atë. Oy, ka'ap tääpë wyi'ixëty, tyam nkexy oy tsuj, jëtu'un ojts y'ëtsoyë ja Jetro.

Éxodo 2:21

Jëtu'un'äämpy ojts yë Moisés jam wyi'imy tsënääpyë ma ja Reuel yë tyëjkën, kom ok tääts yë Reuel tyajpëjky yë Moisés mëët yë nyëëx mëti'ipë xyëëwajtypyën Séfora.

Éxodo 2:18

Ko ojts ja to'oxy'ëna'këty jatëkok wyimpitë ma jam ja tyeetyëtyën, ënät y'ënëmaayëtë: ¿E wi'ix ko poj'am të mtimwyimpijnëtë?

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Jueces 1:16

Yë Hobab yë y'u'unk y'ok, ja Quenat ja'ay, yë'ë myë't yë Moisés; ojts jam tsyoontë ma ja kajpn txëëwatyën Palmeras mëët ja jyä'äy ja Judá ets ojts nyëjkxtë jam të'ëts'itjotm ma ja Judá ja jyä'äy tnitänën ëpa'tkë'ëmtsow ma Arad yajpaatyën, jamts ojts tsyënaaytyaknpëktë mëët ja ja'ayëty jampë yajpaatën näjyëtu'un.