Éxodo 17:8 - Biblia Mixe de Quetzaltepec

⁸ Yë Amalec ja'ayëty jamtsow ojts nyëjkxtë ma ja naax txëëwatyën Refidim ets tsyiptuna'antë mëët ja Israel ja'ayëty.

Biblia Dc en Mixe de Quetzaltepec

⁸ Yë Amalec ja'ayëty jamtsow ojts nyëjkxtë ma ja naax txëëwatyën Refidim ets tsyiptuna'antë mëët ja Israel ja'ayëty.

Éxodo 17:8 ပူးပေါင်းရင်းမြစ်များ

1 Samuel 15:2

Jëtu'un y'ënä'äny yë Wintsën, mëti'ipë maaytyääyëpën winë. Ëjts ntëytyunäämpyës yë Amalec ja'ayëty mëët ijxtëm të tuntën yë Israel ja'ayëty, ko tu'u'ëtujktë ma ënäty të y'ënu'kxëtyääynyëtën ko Egiptë tsyo'ontë.

Génesis 36:12

Yë Elifaz tam ijty wiinkpë to'oxytyëjk tmëëtëty mëti'ipë yajmëtuumpyën, jä'ä txëëwaty Timná. Ojts tu'uk yë u'unk maay tyajja'ty naaxwiiny, jä'ä txëëwmooy Amalec. Ya'atë jëtu'un y'u'unk'ajt y'ëna'k'ajt yë Ada, yë Esaú yë tyo'oxytyëjk mëtu'ukpë.

1 Samuel 30:1

Kom tëkëëk xëëw yë David jam jyajtë Siclag, ënät tuk'ijxpäjtë ko ja Amalec ja'ayëty tëëtëm ja Négueb kajpn tniwa'kta'atë ets ja Siclag tëë tnitëkëtë ets të tno'oktë.

Números 24:20

Ënät yë Balaam näjyëtu'un tninajts'ijxëy yë Amalec yë y'itjot ets tkajpxpëtsëëmy ya'atë aaw ayuk: Yë Amalec yë nyaax kyajpn mëj'äämpy oypyënëty jyëkyepyë, e ko xëëw jëmëjt tpaatëty tëkokyë nëjkx y'atëkooytyä'äy.

Salmos 83:7

näjyëtu'un yë Guebal ja'ayëty, Amón ja'ayëty, Amalec ja'ayëty, ets filistejë ja'ayëty mëti'ipë tsënaaytyëpën jam Tirë,

Génesis 36:16

Coré, Gatam ets Amalec. Ya'atë ojts y'itë ënä'ämpë ma ja Elifaz ja y'u'unk y'ëna'kën, jam ma Edom nyaaxjotmën ets ya'atë yë'ë tyaak'ajtë yë Ada.

Éxodo 17:1

Ënät nitëkokyë tsyo'ontaaytyë ja Israel ja'ayëty ma Sin të'ëts itjotmën ets tyajpuwa'atstë ja tyu'ujëty wäänjaty, jëtu'un tä ënäty ja Wintsën të tni'ënä'ämën. Ënät jam tsyënaaytyaknpëjktë, ma ja it txëëwatyën Refidim, ma tääpë it naaxwiinyëtën, kamaa ënäty jam yë nëë mëti'ipë y'uuktëpën ja Israel ja'ayëty.

1 Samuel 27:8

Xëmë ijty winjëpom tsyoontë ets nëjkx jam myäätstë Guesur, Guézer ets jam Amalec, jam tääpë ja'ay tsyëënëtë ma tsyo'ontä'äkyën Telaim nyaaxjotmën ets nyijkxy Shur ets jëtu'un tyimja'ty Egiptë.

Génesis 14:7

Ko ojts wyimpijnë ja Quedorlaomer mëët ja mayjyä'äy jënu'un ënäty të jyämyëët'atyën, ënät jyajtë jam En-mispat, mëti'ipë näjyëtu'un yajtijpën Cadés ets tyajma'taaytyë, tyajkutëkooytyääytyë jënu'un winë tpatën ma ja Amalec ja'ayëty ja nyaax kyajpnëtyën. Näyjyëtu'un ojts jam y'ëtë'ëtstë ma ja Amor ja'ayëtyën, mëti'ipë jam tsënaaytyëpën ma tu'uk ja it naaxwiinyëtë mëti'ipë yajtijyën Hazezón-tamar.

Números 13:29

Maa ja it naaxwiinyëtë txëëwatyën Négueb, yë'ë jam tsënaaytyëp yë Amalec ja'ayëty. E ma ja it naaxwiinyëtën mëti'ipë kopkjotmën, yë'ë jam tsënaaytyëp yë Hit ja'ayëty, Jebús ja'ayëty, Amor ja'ayëty, e ma mëjmejyën ets Jordán mëjnëëjën, yë'ë jam tsënaaytyëp yë Canaán ja'ayëty.

Jueces 6:3

Xëmë winjëmëjt ko ënäty yë Israel ja'ayëty muum yë pyëjktä'äky tyaj'itë ënätyë ijty myintë yë Madián ja'ayëty ets Amalec ja'ayëty jëtu'un ja pëjktä'äky yë'ë tyajnëkxta'atë.

1 Samuel 14:48

Ënät tyajmujky nimay yë tsiptuunpëtëjk, ets tsyiptuuny mëët yë Amalec ja'ayëty, ka'ap tyajmëtäky. Jëtu'un'äämpy ojts tyajtso'oky yë Israel kajpn ma ënäty ëxëëk tyunëtën yë toonpë mä'tspë.