Éxodo 17:2 - Biblia Mixe de Quetzaltepec

² Paaty ojts ja Moisés jä'ä tukmëkajpxtë ets t'ënëmaaytyë: Mooytyëkës yë nëë mëti'ipës n'uuktëpën. ¿Wi'ix koos yë nëë xy'amëtowtë? ¿Wi'ix ko je'eyë Tios nëkoo xyajjotkëxtë, xyjyänty nyä'ämtë je'eyë tii y'ëkyäjkpy? Jëtu'un ja Moisés y'ëtsoowëtë.

Biblia Dc en Mixe de Quetzaltepec

² Paaty ojts ja Moisés jä'ä tukmëkajpxtë ets t'ënëmaaytyë: Mooytyëkës yë nëë mëti'ipës n'uuktëpën. ¿Wi'ix koos yë nëë xy'amëtowtë? ¿Wi'ix ko je'eyë Dios nëkoo xyajjotkëxtë, xyjyänty nyä'ämtë je'eyë tii y'ëkyäjkpy? Jëtu'un ja Moisés y'ëtsoowëtë.

Éxodo 17:2 ပူးပေါင်းရင်းမြစ်များ

1 Corintios 10:9

Ka'ap ja Wintsën nwinma'any'ijxmëty, ijxtëm yë'ë ojts jënaakën y'ëtë'ëtstën mëti'ipëty ojts ja tsa'any kyutsu'utsëtën.

Salmos 78:41

E ka'ap wyinjekyëty ijty ja Tios tyajjotkëxtë, ets jëtu'un tyajmon tyajtuktë ja Wa'atspë jampë yajpaatyën Israel.

Salmos 78:18

Ojts ja Tios tjawinma'any'ixa'antë ko ja jyi'kxy pyiky tsoktë jëtu'un tä ja tyimjot tyimwinma'anyëtyën.

Deuteronomio 6:16

Këtii nëkoo Wintsën je'eyë xywyinma'any'ixtëty tä ojts xytyuntën jam Masá.

Hebreos 3:9

Jam ojts xywyinma'any'ixtës miits ja m'aptëjkëty oy ënäty të tja'ixtë ja ntuunkës wëxtyikxy jëmëjt.

Isaías 7:12

Ënät ja Ahaz y'ëtsooy: Ëjts nitiijës yë Wintsën nka''amëtowa'any ets ka'ap tjëkyepy nwinma'any'ixëtyës.

Mateo 4:7

Tääts ja Jesús y'ëtsooy: Näyjyëtu'un ja Tios ja y'aaw y'ayuk kyëxja'ayëty: ka'ap ja Wintsën xywyinma'any'ixëty pën oy ka'oy tii ntuna'any.

Salmos 95:9

ko ojts yë m'ap m'okëty je'eyë xywyinma'any'ixtës, etsës winë ntunëty, oy ënäty të tja'ixtë koos winë mëj këjää ntuny nkäjpxy.

Números 21:5

Ënät tyëjkëtyë kajpxpë, jä'ä ja Tios nyi'ojëtyëp ets ja Moisés, jëtu'un y'ëna'antë: ¿Tiijën koos të xy'ëkyajpëtsëëmtëpë jap Egiptë? ¿Jä'äkyëjxm të xyjyuutës ets yaa të'ëts'ituuy n'ooktëtyësë? Ni kääky ni uuky yaa kya'ity, ya'atë jë'kxy tëëjës xynyatsyijpnëtë.

Hechos 15:10

E tyam, ¿tii ko ja Tios xyjyënaxa'antë ko xytyuktuna'antë ya'atë mëpëjkpëtëjk mëti'ipë ja n'ap'ajt n'ok'ajtëmë ka'ap tpatuuntën ets näjyëtu'un ëëts'ajtëmë ka'ap npatu'unëmë?

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

Lucas 4:12

Tääts ja Jesús y'ëtsooy: Näjyëtu'un ja Tios ja y'aaw y'ayuk y'ënä'äny: Këtii ja Wintsën xywyinma'any'ixëty.

Malaquías 3:15

Tëë n'ijxëmë ko ja'ay mëti'ipë mëj këjxm ja'ay'ajtpën nikë jotkujk jyuuky'äty, mëti'ipë ja'ay ëxëëk ëtëtsp ënaanpën nikë oy winë wyimpëtsë'ëmxëty, jyayajjoot'anpëjktëp yë Tios ets ka'ap wi'ix tyunëtë.

Salmos 106:14

Jam apaktum, të'ëts'itjotm, je'eyë ojts yë Tios twinma'any'ixtë, ets tuknä'ämtë tunëty mëti'ipë ënäty tsyojkën'ajtëpën.

Salmos 78:56

E yë'ëjëty je'eyë ojts yë Tios Ni'ik Këjxmëpë tnëxi'ik tukxi'iktë, ets ni'ikyë tkäjpxykyumëtoownajxtë ets ka'ap tpatuuntë ijxtëm ënäty ja y'ënä'ämën tyiyajtën jya'ëna'anyën.

Números 14:22

Yë ja'ayëty mëti'ipë tëë tja'ixtën yë nmëj'ajt n'oyajtënës ets mëti'ipës të nyaj'ixyën jap Egiptë ets yaa të'ëts'ituuy. Ets je'eyë janaam jatsojk xywyinma'any'ixtës ets ka'ap tuntë mëti'ipës njani'ënä'ämëpën.

Éxodo 17:7

Ets txëëwmooytyë ja jampë ja it naaxwiinyëtë Meribá, jä'äkyëjxm ko ënäty ja Moisés jëyëjp ja Israel ja'ayëty të y'ëk'ojëtë, ojts näjyëtu'un tijtë Masá, jä'ä ko je'eyë ënäty ja Tios të tjoot'ix të twinma'any'ixtë, ko y'ënantë: ¿Wi'ix jää ja Tios yajpaatyë mëët ëëts'ajtëmë ëkë ka'apë?

Lucas 15:12

Tääts ja myaank mutskpë y'ënëmaayë: Tatë, mooykyës ja nkuma'ayën mëti'ipës xypyaat'ajtpën. Tääts ja u'unkteety ojts tyajkwä'kxy ja näykyumayë ets tkumaay ja y'u'unk y'ëna'k.

Éxodo 15:24

Ënät ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?

1 Samuel 8:6

Samuel ka'ap ojts t'oyjyawë ko jëtu'un ja Israel ja'ayëty y'ëna'antë, ko t'amëtowtë ja yajkutujkpë, paaty ojts ja Wintsën t'ëwaanë,

Números 14:2

Ets tyëjkëtyë ëëpë kajpxpë. Jä'ä ja Moisés ets ja Aarón wiinkjaty nyimëtyaktëp, tyaa y'ëna'antë: Ni'ik tëë jeexyë y'oyë, ko jeexyë jap Egiptë ëkë yaa të'ëts'ituuy ntimy'o'këmë.

Éxodo 5:21

ets y'ënëmaayëtë: Yë Tios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Tios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Tios jëtu'un wiinkjaty të xytyijtë.

Salmos 95:8

Këtii yë mjot mwinma'any juun xypyëjkta'aktë, jëtu'un ijxtëm ojts jyäty kyëpetyën jam Meribá, ets jëtu'un ijxtëm ojts jam tëkok jyätyën Masá, jam të'ëts'itjotm,

Salmos 106:13

E ka'ap nëkooyë pyoxy tääts ets jatëkok tja'atyëkooytyë mëti'ipë ja Tios ënäty të tjakäjpxyën, ka'ap ojts t'ëwxitë ets jeexyë tnijawëtë mëti'ipë ënäty ja Tios tyuknipëjktakëpën.

Deuteronomio 9:22

Näyjyëtu'un jam Taberá, Masá ets Quibrot-hataavá ojts yë Wintsën jam xyajjoot'anpëktë.