Éxodo 17:14 - Biblia Mixe de Quetzaltepec

¹⁴ Tä ja Tios t'ënëmaay ja Moisés: Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.

Biblia Dc en Mixe de Quetzaltepec

¹⁴ Tä ja Dios t'ënëmaay ja Moisés: Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.

Éxodo 17:14 ပူးပေါင်းရင်းမြစ်များ

Éxodo 34:27

Ënät yë Tios t'ënëmaay yë Moisés: jä'ä ya'atë aaw ayuk, jä'ä ko yë'ë mëët wyintu'upëky ja käjpxytyu'unën mëti'ipës yam ntuunpyën mëët mijts ets mëët yë naax kajpn.

1 Samuel 30:17

Tä ja David tukja'ajty jam jopyëp. Tu'kxëëw mëët yajxon tsyiptuuntë koonëm tyajnaax'o'ktaaytyë, yi'iyë ojts ka'ap tyaj'ooktë mëti'ipë käktën jëyujkjëku'uxkëjxm, jä'ä y'ijtë nimajktaxk mëko'pxën.

1 Samuel 30:1

Kom tëkëëk xëëw yë David jam jyajtë Siclag, ënät tuk'ijxpäjtë ko ja Amalec ja'ayëty tëëtëm ja Négueb kajpn tniwa'kta'atë ets ja Siclag tëë tnitëkëtë ets të tno'oktë.

2 Samuel 8:12

ijxtëm ma mëti'ipë yajtso'ontën jam Edom, Moab, Amón, ma ja kyajpnëtyën ja filistejë ja'ayëty ets Amalec ja'ayëty, mëti'ipë ënäty të tpëjkëtën ja Hadad-ézer, yë myaank yë Rehob, jampë y'ëne'emyën Sobá.

Números 24:20

Ënät yë Balaam näjyëtu'un tninajts'ijxëy yë Amalec yë y'itjot ets tkajpxpëtsëëmy ya'atë aaw ayuk: Yë Amalec yë nyaax kyajpn mëj'äämpy oypyënëty jyëkyepyë, e ko xëëw jëmëjt tpaatëty tëkokyë nëjkx y'atëkooytyä'äy.

Job 18:17

Nëjkxëp y'atëkooytyä'äy mëti'ipë jeexyë yajtukja'amyäjtspën naaxwiiny naaxkëjxy ets ka'ap nëjkx ni pën tkajpxpaaty yë xyëëw.

Éxodo 24:4

Yë Moisés ojts tjaaypyäjta'ay tëkokyë mëti'ipë ënäty ja Tios të tnikäjpxyën, ko kyomjëpom'ajty, tsojk ojts myä'äypyëtë'kojy ets t'oytyuuny tu'uk yë wintsë'këntyakn jam ma kopk'ëjxën, majkmäjtsk ojts ja tsaa tkoontä'äky jëtu'un ijxtëm ënäty ja Israel ja'ayëty ja tyeety y'apetyën nimajkmäjtskpë.

Éxodo 13:9

Jëtu'un ja'amyetsy xëmë xyaj'itëty tä jeexyë jam tu'uk yë ijxpäjtën xymyëët'atën mkë'ëkëjxmëty ëkë mwinpokëjxmëty, ya'atë ijxpäjtën xëmë mtukja'amyätsëtëp ets xëmë xykyajpxtëty xymyëtya'aktë ja ënä'ämën tëyajtën mëti'ipë ja Tios të tyajwë'ëmyën, mëti'ipë ojts mjuutëtën jap Egiptë mëët ja myëk'ajtën.

Éxodo 12:14

Ya'atë xëëw yë'ë tu'uk mëj'äämpy itëp, mëti'ipë ja Tios jä'ä yajtukmëjjawëpën ets xëmë jëtu'un nëjkx ja'amyetsy xyaj'itë. Ya'atë xëëw jëtu'un xyaj'itëty tä tu'uk yë ënä'ämënën mëti'ipë xëmë ijtëwëpën. Jä'ä ko yë m'u'unk m'ëna'këty kopkpëky ko nëjkx näjyëtu'un tja'amyätstë.

Proverbios 10:7

Ja'ay mëti'ipë oy tsuj të jyuuky'ätyën, xëmë yaja'amyetsy oy të y'o'knë; e mëti'ipë ëxëëk të jyuuky'ätyën, ¿pën ëkja'amyätsanëp?

Salmos 9:6

Tëë ja mëtsip y'ooky, tëë ja nyaax kyajpn mëët y'ooky; mijts të xyaj'atëkoy ets nitii të kyawë'ëmy mëti'ipë jeexyë yajtukja'amyäjtspën.

Job 19:23

Jääpëk pën tkëxja'ay yë n'aaw n'ayukës pujxnkëjxy.

Esdras 9:14

¿wä'än tääjën ëëts jatëkok n'ëkkäjpxykyutëjtëty mijts ja m'ënä'ämën mkutujkënë ets näjyëtu'un jatëkok winë ntuntëtyës tä ja ja'ayëty mëti'ipë ëxëëktuun ëxëëkkajpxtëpënë? ¿Këtii tääjën xytyukjoot'anpëktëtyësë ets këtii tääjën nëjkx xyajkutëkoytyësë ni'ëmukë?

1 Crónicas 4:43

mëti'ipë yajkutëkooytyën ja Amalec ja'ayëty. Jëtu'un ojts jam yë'ë wyë'ëmnëtë tsënääpyë, tyaampaat yë'ë jam tsënaaytyëp.

2 Samuel 1:1

Tëë ënäty ja Saúl y'o'knë, ko ja David ojts nyijkxy jam Siglag, yë'ë ënäty mëët të tsyiptuunta'ay ja Amalec ja'ayëty, ma ka'ap tyajmëtäkyën, jam ojts y'ity mäjtsk xëëw.

1 Samuel 15:18

Yë'ë të mtuk'ëne'emyë ets xyajkutëkoyëty tääpë pokyjä'äytyëjk, yë Amalec ja'ayëty ets xynyitëkëty koonëm xy'ijxnajxta'ajëty.

Josue 4:7

Tääts xy'ëtsowtëty: Ëk'ix u'unk, ya'atë yë'ë nyikäjpxyp, ko tëëyëp ma ja Wintsën ja kyaaxë ojts yajmënaxyën ma ja Jordán mëjnëëjën ojts mäjtskpëky nyäwyä'kxyë ets jëtu'un'äämpy ojts të'ëts wa'ats yajmënaxy. E tyaapë tsaa nipiiwpetypë y'ityën yë'ë ijtp ijxpät ets yaja'amyätsëty mëti'ipë ojts tëëyëp tyunyën jyätyën.

Deuteronomio 31:9

Ënät yë Moisés tjaaypyejty ya'atë ënä'ämën ets tukë'ëtëjkëy yë Leví ja'ayëty mëti'ipë teety'ajtëpën jä'ä xëëw jëmëjt, mëti'ipë kyiiyjyëtijtëpën ja kaaxë, ma ja käjpxytyu'unën yajpaatyën mëët ja Wintsën ets näjyëtu'un tukë'ëtëjkëy ja mëjja'aytyëjkëty jampë yajpaatën ma ja Israel kajpnën.

Números 33:2

Moisés wa'ats ënäty të tkëxjaaytyä'äy ja xyëëw ja it naaxwiinyëtë maajaty nyajxtën, jëtu'un tä ja Wintsën y'ënä'ämëtën. Ya myiny këxja'ay maajaty ojts tsyënaaytyaknpëktën ma tsyo'ontën ets jyaajtën.

Éxodo 17:13

Yë Josué ojts tyaj'o'kta'ay yë Amalec ja'ayëty, ja maytsyiptuunpëtëjkëty, yë'ë mëët tyaj'o'ktaay yë tëypyujxn.

Éxodo 32:33

Ënät ojts ja Tios y'ëtsoyë: Ëjts yi'iyës yam njo'otsäämpy, mëti'ipës xymyëtuuntëkoopyën.

Jeremias 36:2

Ix tu'uk yë noky apity ma xykyëxjaaytya'ajëtyën tëkokyë mëti'ipë të ntuk'ëwaanën mëëtpë yë Israel ja'ayëty, Judá ja'ayëty ets wiinkëtypë naax kajpn, wa'ats xykyëxjaaytya'ajëty maju'unëm nikajpxtsoonyënës ets tyampaat.

1 Crónicas 4:42

Ëpëky ojts nimëkoxk mëko'px jam Seir nyëjkxtëpë, jä'ä ja Simeón ja y'u'unk y'ok, yë'ë tu'uwinwoowëtë Pelatías, Nearías, Refaías ets Uziel, myaank yë Isí, Simeón jyä'äy,

Jeremias 30:2

Yë Wintsën mëti'ipë Israel ja'ayëty Tyios'ajtëpën, jëtu'unës të xy'ënëëmë: Jam këxjaaytya'a ma tu'uk yë nokyën tu'kë'ëyë mëti'ipë të ntukmëmëtyä'äkyën,