Éxodo 17:13 - Biblia Mixe de Quetzaltepec

¹³ Yë Josué ojts tyaj'o'kta'ay yë Amalec ja'ayëty, ja maytsyiptuunpëtëjkëty, yë'ë mëët tyaj'o'ktaay yë tëypyujxn.

Biblia Dc en Mixe de Quetzaltepec

¹³ Yë Josué ojts tyaj'o'kta'ay yë Amalec ja'ayëty, ja maytsyiptuunpëtëjkëty, yë'ë mëët tyaj'o'ktaay yë tëypyujxn.

Éxodo 17:13 ပူးပေါင်းရင်းမြစ်များ

Josue 11:12

Näyjyëtu'un ja wiinkëtypë ja kajpn mëti'ipë ënäty mëët ja käjpxytyu'unën të tmëët'atyën ojts tyajkutëkooytyä'äy ets tyaj'o'ktaay ja nyiyajkutujkpë ets mëët tëkokyë ja ja'ayëty jampë tsyëënëtën, jëtu'un tä ënäty ja Moisés të tyuk'ëne'emyën ja Wintsën.

Josue 10:37

Ko tnitëjkëtyë, yajxon tim yajkutëkooytyë ja kajpn ets ja nyiyajkutujkpë tkupujxtë mëët ja tyiypyujxnëty ets tëkokyë ja ja'ayëty ets ja jëyujk tsajpkaajëty mëti'ipë ënäty jam yajpatëpën ets ma ja kajpnëtyën mëti'ipë mëët nyämyëwinkon'atëtën; näjyëtu'un o'ktëy tuuntë tä ojts tuntën ja Eglón kajpn.

Josue 10:32

E komjëpom tääts tnitëjkëtyë ja kajpn, yë Wintsën ojts kë'ëm timkyë'ëyaky ya'atë kajpn ma Israel ja'ayëtyën, e yë'ëjëty ojts wa'ats tyaj'o'kta'atë ja ja'ayëty ets ja jëyujk tsajpkaajëty mëti'ipë ënäty jam yajpatëpën.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënäty jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënäty jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënäty të yaj'akäjpxyën.

Éxodo 17:12

E yë Moisés kë'ëpa'amëp ënäty, ënät ojts tu'uk yë tsaa t'ixtë ma y'u'unyëtyën yë Moisés, tä ja Aarón ets ja Hur tmajts'ijtëtë ja kyë'ë ets këjxm tyajxajtëwtë. Tu'kpa'ajaty ojts tmajtstë ja kyë'ë, jëtu'un'äämpy ja Moisés këjxm ja kyë'ë tyaj'ity koonëm ja xëëw kyëtäky.

Éxodo 17:14

Tä ja Tios t'ënëmaay ja Moisés: Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.

Josue 8:26

Jä'ä ko yë Josué ojts tni'ënä'ämë ets tëkokyë ja'ay tyaj'o'kta'atëty.