Éxodo 17:12 - Biblia Mixe de Quetzaltepec

¹² E yë Moisés kë'ëpa'amëp ënäty, ënät ojts tu'uk yë tsaa t'ixtë ma y'u'unyëtyën yë Moisés, tä ja Aarón ets ja Hur tmajts'ijtëtë ja kyë'ë ets këjxm tyajxajtëwtë. Tu'kpa'ajaty ojts tmajtstë ja kyë'ë, jëtu'un'äämpy ja Moisés këjxm ja kyë'ë tyaj'ity koonëm ja xëëw kyëtäky.

Biblia Dc en Mixe de Quetzaltepec

¹² E yë Moisés kë'ëpa'amëp ënety, ënät ojts tu'uk yë tsaa t'ixtë ma y'u'unyëtyën yë Moisés, tä ja Aarón ets ja Hur tmajts'ijtëtë ja kyë'ë ets këjxm tyajxajtëwtë. Tu'kpa'ajaty ojts tmajtstë ja kyë'ë, jëtu'un'äämpy ja Moisés këjxm ja kyë'ë tyaj'ity koonëm ja xëëw kyëtäky.

Éxodo 17:12 ပူးပေါင်းရင်းမြစ်များ

Isaías 35:3

Yajjotmëkpëktë ja pa'amja'ay, mëjaawmo'otë ja tëëpë y'ënu'kxëtën,

Filipenses 1:19

jä'ä ko nija'apës koos npaata'any ja nitsokën, nkukajpxëpës ko tëë ja Tios xytyuknija'amyätsëtës ets tëë näjyëtu'un ja Jesukristë ja Kyënu'kxymyëk'ajtën xypyutëkës.

Hebreos 12:12

Paaty miitsëty, yajjotmëkpëktë ja mkë'ë m'aawëty tëëpë y'ënu'kxën ets ja mkë'ë mtekyëty tëëpë xyuxyën;

1 Tesalonicenses 5:25

Mëku'uktëjkëty, Tuknija'amyäjtsëtëkës ja Tios.

Efesios 6:18

Këtii xy'ëxmatstëty ja Tios ja'amyäjtsën, mënu'kxta'aktë ets amëtowtë pëjktsowtë ja Tios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Tios ja kyajpn.

2 Corintios 1:11

pën miitsëty xypyutëjkëtëpës mëët ja mjëëytyak mnu'kxtakënëty ma Tiosën. Pën nimay mëti'ipë xykyënu'kxtaktëpës, näjyëtu'un nimay tkukajpxëja'antë ja Tios ko ënäty ëëtsëty ja Tios nmëtuntës.

Santiago 1:6

Mëët yë mëpëjkën tii t'amëtowëty ets ka'ap kyumay kyutajëty; jä'ä ko pën kuma'ay kutajëp jëtu'un yë'ë ijxtëm yë nëë jyä'tsminy jyä'tsxëpyën, ko pyojminy pyojxëpy.

Salmos 35:3

kajpë'ëk yë mku'umën ets xyjyëjpkuwa'akëty mëti'ipës xy'ixjëtijtp xypyajëtijtëpën; nëmaaykyës ko mijtsës xyajnitsokp.

Colosenses 4:2

Xëmë ja Tios xyjyä'ämyätstëty. Wijy kejy mnäyaj'itëtëty ets mo'otë ja Tios ja kukajpxën.

Éxodo 17:11

Ko ja Moisés ja kyë'ë txajtëy tääts myëtä'äky ja Israel ja'ayëty ma ja tsipën. E ko ja kyë'ë tyajënäky Amalec ja'ay mëtaktëp.

Éxodo 17:13

Yë Josué ojts tyaj'o'kta'ay yë Amalec ja'ayëty, ja maytsyiptuunpëtëjkëty, yë'ë mëët tyaj'o'ktaay yë tëypyujxn.

Éxodo 24:14

Ets t'ënëmaay ja mëjja'aytyëjkëty: Yaa miitsëty m'ëwxitëty, koonëmës nwinpitëty, yaa näjyëtu'un wyë'ëma'any yë Aarón ets Hur mëët miitsëty, ko jää tiijotmay xymyëët'atëty yë'ë mtuk'ëwaanëtëp.

Josue 8:26

Jä'ä ko yë Josué ojts tni'ënä'ämë ets tëkokyë ja'ay tyaj'o'kta'atëty.