Éxodo 16:6 - Biblia Mixe de Quetzaltepec

⁶ Ënät yë Moisés ets Aarón t'ënëmaaytyë yë Israel ja'ayëty: Tyam ko jyënäkyxyëëw'atëty jää ënät xynyijawëtëty ko yë Wintsën yë'ë ojts mjuutëtë jap Egiptë.

Biblia Dc en Mixe de Quetzaltepec

⁶ Ënet yë Moisés ets Aarón t'ënëmaaytyë yë Israel ja'ayëty: Tyam ko jyënäkyxyëëw'atëty jää ënät xynyijawëtëty ko yë Wintsën yë'ë ojts mjuutëtë jap Egiptë.

Éxodo 16:6 ပူးပေါင်းရင်းမြစ်များ

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Números 16:30

E pën yë'ë yë Wintsën tu'uk yë mëj'ajtën tyuunpy ets ya'atë naaxwiinyëtë y'ëwa'atsëty ets jap kyuka'anajxta'atëty mëët tëkokyë mëti'ipë myëët'ajtëpën. Jëtu'un xynyijawëtëty ko ya'atë ja'ayëty tëë poky tmëtëkëtë, mëët ko Tios të t'ixtijtë.

Números 16:28

Tä ja Moisés tjaaknikäjpxy ets y'ënaan'ëtëtsy: Ya'atë mëët yajnijawëty ko Tios të xytyuk'ëne'emy ets ntunëtyës tëkokyë ya'atë ets ko ka'apës kë'ëmwinma'any tii ntuny.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Éxodo 32:11

Yë Moisés ojts tjayajxäämanë mëktä'äky ja Wyintsën Tios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

Éxodo 32:7

Ënät ja Tios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Éxodo 32:1

Ko ja Israel ja'ayëty t'ijxtë ko ja Moisés nëkooyë pyoxnë jam kopkëjxm, ënät ojts jam nyämyukëtë ma ja Aaronkën ets t'ënëmaaytyë: Jotëkoy ets xy'oytyunëty tu'uk yë nwintsënëtyës mëti'ipës xytyu'uwinwowtëpën, jä'ä ko yë Moisés ka'ap y'ëkyajnija'awënë pën tii të jyätyë, mëti'ipë ojts ëëtsëty xyjyuutën jap Egiptë.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Tios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Tios jëtu'un wiinkjaty të xytyijtë.

Éxodo 16:3

Y'ënantë: Nikë oy jeexyë yë Tios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Éxodo 12:51

Jä'ä xëëw ojts ja Wintsën jap tju'tnë Egiptë ja nyaax kyajpn.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Salmos 81:11

E ja nnaax nkajpnës ka'apës ja n'aaw n'ayuk të xymyëtoow'ijtë: yë Israel ja'ay ka'apës të xymyëmëtoy.