Éxodo 16:3 - Biblia Mixe de Quetzaltepec

³ Y'ënantë: Nikë oy jeexyë yë Tios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Biblia Dc en Mixe de Quetzaltepec

³ Y'ënantë: Nikë oy jeexyë yë Dios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Éxodo 16:3 ပူးပေါင်းရင်းမြစ်များ

2 Samuel 18:33

Ënät ja yajkutujkpë ojts jyoot'amutskë ets pya'tëjkëy jap këjxy ma ja tëjkën mëti'ipë yajpatpën jap ma ja tëjk akajkopkën ets tyëjkëy jëëpyë yaxpë. Jëtu'un jap nyäxy tyëkë ets y'ënä'äny: Absalón, u'unk maay. Absalón, u'unk maay. Nikë oyës jeexyë ëjts të n'ooky ets ka'ap myijtsëty. U'unk maay, Absalón, u'unk maay.

Job 3:1

Tëë ënäty kanaak xëëw amonyë y'ënyääynyëtë ko ja Job ojts tpoky ja xëëw ma myiinyën naaxwiiny.

Job 3:10

Npojkpyës yam tääpë kootsajtën mëti'ipë ojts t'ëwa'atsyën etsës nmëxu'unk'atëty, mëti'ipë ojts t'ëwa'atsyën etsës yi'iyë n'ixëty ëyo'on jotmay.

Job 3:20

¿Wi'ix ko Tios t'a'ixë ets ja'ay jyuuky'atëty mëët yë ëyo'on jotmay? ¿Wi'ix ko ni'ikyë tyajjuuky'ajt'ëtë'ëtsy mëti'ipë pëjkëpën ijxëpën,

Salmos 107:5

yuu'o'këtyëp ets tëtsëtyëp ënäty oynyë, oo'kanëtëp ënätynyë.

Salmos 78:19

Tä ojts tnikäjpxy tnimëtya'aktë tëkatsyjyäty ets y'ënantë: ¿Wä'än jëtää Tios tu'uk yë kaaypyäjn tkëëytyëwëty yaa të'ëts itjotyë ets ënät xyajka'ay xyaj'ukmëtyë?

Salmos 78:25

Yë'ë ojts ja naaxwiinyëtë ja'ay tkaytyë ja tsajpkääky mëti'ipë kyääytyëpën Tios kyukäjpxy, ojts ja Tios myo'ojëtë kyäxëtë mëjwiin këjää ja jë'kxy pëky.

Éxodo 14:11

Tä t'ënëmaaytyë ja Moisés: ¿Tii o'kpë jut jëtää ënäty jap ka'ijtpë Egiptë ets yaa muum nmi'inmëty o'kpë tëkoopyë yaa wintë'ëtstuuyë? ¿Tiis ko jëtu'un xytyuntë? ¿Wi'ixës ko të xyajpëtsëmtë jap Egiptë?

Éxodo 17:3

Ja naax kajpn yajxon ënäty jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Éxodo 2:23

Jëtu'un nyäjxy ja xëëw po'o, ja yajkutujkpë mëti'ipë ënäty jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënäty jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Tios ojts tmëtoow'ity ko jap Israel ja'ayëty jyë'ëtë ya'axtë.

Éxodo 5:21

ets y'ënëmaayëtë: Yë Tios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

Jeremias 42:14

ets m'ëna'antë: Ni'ik'oy koos nnëjkxtëty jap tsënääpyë Egiptë ma ka'ap jyap'atyën yë tsip käjpxy, ma ka'ap nijëna'a yajmëtoyën wi'ix ja'ay xuxn tukxu'uxyën mëti'ipë tsip nyikäjpxypën ets ma ka'ap pën yuu'ookyën,

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Lamentaciones 4:9

Nikë oy mëti'ipë pojën o'kën tsipjoty këtiinëmëm mëti'ipë yuu'o'ktëpën, jä'ä ko mëti'ipë të yuu'ooktën jeky të y'ëyowtë, ko të tyëkoy'äty ja ka'ayën ukën.

Números 11:15

Pën jëtu'un xyajtuna'anyës, ni'ikë tim yaj'o'kës pën xy'oyjya'apës. Jëtu'un ka'ap ëyo'on jotmay nyajnaxëtyës.

Números 11:20

Jeky tsyu'utstëty wyëtstëty, jää oy tu'kpo'ojën, koonëm kyu'uxëtëty ets tsyipëtëty. Jä'ä ko ëjts xykyamëj'ijx xykyamëjpëjktaktëp mëti'ipë Wintsën'ajtpën. Ëjts jayajpatpës ma yë'ëjëtyën. E yë'ëjëty ni'ikyë jyänty jyë'ë jyänty myu'utë ets y'ëna'antë: ¿Wi'ix ko ojts n'ëktso'onëmpë jap Egiptë?

Números 14:2

Ets tyëjkëtyë ëëpë kajpxpë. Jä'ä ja Moisés ets ja Aarón wiinkjaty nyimëtyaktëp, tyaa y'ëna'antë: Ni'ik tëë jeexyë y'oyë, ko jeexyë jap Egiptë ëkë yaa të'ëts'ituuy ntimy'o'këmë.

Números 14:3

¿Tii ko Tios të xy'ëkyajmi'inëmpë ma ya'atë naax kamën? ¿Paatykyëjxmën të xyajmi'inëmë ets ënät tsipjoty n'o'kmëtyë? ¿Ets ja nto'oxytyëjk'ajtëmë ets u'unk ëna'k jä'ä ja mëtsip tmëwë'ëmtëtyë? Nikë wä'än y'oypyëtsëmëty ko jatëkok nwinpijtmëty jap Egiptë.

Números 16:13

¿Wi'ix namaa natiijën xy'ixy xyjyawë, koos jap të xyajpëtsëmtë ma ja jë'kxy pëky ka'ap y'ëmaaytyä'äkyën, etsës yaa xyaj'ooka'antë të'ëts'ituuy, ma näjyëtu'un mijts wintsënën mnäyaj'ita'anyë ma ëëtsëtyënë?

Números 16:41

Komjëpom, ënät ojts ja mayjyä'äy tyëkëtë ëëpë kajpxpë. Yë Moisés ets Aarón, yë'ë tyätynyi'ojëtyëp ets y'ëna'antë: Miitsëty je'eyë nëkoo Tios yë nyaax kyajpn xyaj'o'këtë.

Números 21:5

Ënät tyëjkëtyë kajpxpë, jä'ä ja Tios nyi'ojëtyëp ets ja Moisés, jëtu'un y'ëna'antë: ¿Tiijën koos të xy'ëkyajpëtsëëmtëpë jap Egiptë? ¿Jä'äkyëjxm të xyjyuutës ets yaa të'ëts'ituuy n'ooktëtyësë? Ni kääky ni uuky yaa kya'ity, ya'atë jë'kxy tëëjës xynyatsyijpnëtë.

Hechos 26:29

Tääts ja Pablo y'ëtsooy: Pën ënätyë ëkë pën ka'ap, npëjktsoopyës yë Tios ets mijts, mëët ni'ëmukë yë mja'ay mëti'ipë yam myëtoowtëpën, m'itëty ijxtëm ëjtsën, oy kyakë'ëtsumyëty ijxtëmës yamën.

1 Corintios 4:8

Ko n'ëk'ëna'anmëty aak akujk jotkujk miitsëty, ko aaktam miits xymyëët'ajnëtë mëti'ipë mtsojktëpën, ets jëtu'un mnäyjyawëtë ijxtëm ja yajkutujkpën, ijxtëm ka'ap tii xy'ëkyajmëyajtnëtën ma ëëtsëtyën. Ka'ap jeexyë wyi'ixëty ko jeexyë miits m'ëkjanty yajkutujkpë'atë ets jeexyë ëëts jam nyajpaatë ma mkutujktaknëtyën.

2 Corintios 11:1

Jääpëk wäänë xyjyä'äkyukëtë koos yam ja'aykupojën nkuxiik nkukajpxë. Oy y'ëkwi'ixëty tëëjës kupëjktëkës.

Deuteronomio 28:67

Je'eyë xëmë ja näy'atsë'ëk näy'ajawë xyajnaxëty, ko jyopyëp'atëty mja'ëna'anëp: Jääpëk jeexyë poj'am tsyu'ujë. E ko kyoots'atëty mja'ëna'anëp: Jääpëk jeexyë poj'am xyiinyë.

Deuteronomio 8:3

Oy ojts mëk m'ëk ëyowtë ets m'ayuu'ajt m'ëxëëwajtë, yë'ë, ojts jatëkok mpa'ëyowëtë, ojts jatëkok myajkay myaj'uukëtë mëët ja maná. Jä'ä jëtu'un ja ka'ayën ukën mëti'ipë ni miits ets ni m'ap m'ok tkanija'awëtyën tiitën jä'ä, paatykyëjxm yë'ë tyäjky ets mtuknijawëja'anëtë, ko ja'ay ka'ap yi'iyë ka'ayën ukën timtyukjuuky'atëty. Nëjkxëp näjyëtu'un tukjuuky'äty ja Wintsën ja y'aaw y'ayuk.

Josue 7:7

Tääts ja Josué ojts y'ënä'äny: Wintsën Tios, nikë oy jeexyë të xykyayajnaxtës ma mëjnëëjën. ¿Ix je'eyë ëëts yam o'ktëy njajnëtës nkëpäjnëtës ma Amor ja'ayëtyën, ëkë paatyën të xyajnaxtës ets ënät yë'ëjëty xyaj'ook xyajtëkoytyëtyësë? Ni'ik oy jeexyë ëëts jam të ntimwyë'ëmtë Jordán nëë'awinaxy.