Éxodo 16:23 - Biblia Mixe de Quetzaltepec

²³ ets ja Moisés y'ënäny: Jëtu'un yë Tios të tni'ënä'ämë, ijxtëm xynyijawëtën po'kxënxëëw jopy, tu'uk ja po'kxënxëëw mëti'ipë ja Tios yajtukmëjja'awëpën, paaty oytyuntë tyam yë mjë'kxy mpëkyëty, mëti'ipë jyëkyejpy tyam xynyipëjktaakëtëtyën. E mëti'ipë ënät tyam natëkëpën, yë'ë jëpom mnätyukjëjp'ixëtëp.

Biblia Dc en Mixe de Quetzaltepec

²³ ets ja Moisés y'ënäny: Jëtu'un yë Dios të tni'ënä'ämë, ijxtëm xynyijawëtën po'kxënxëëw jopy, tu'uk ja po'kxënxëëw mëti'ipë ja Dios yajtukmëjja'awëpën, paaty oytyuntë tyam yë mjë'kxy mpëkyëty, mëti'ipë jyëkyejpy tyam xynyipëjktaakëtëtyën. E mëti'ipë ënät tyam natëkëpën, yë'ë jëpom mnätyukjëjp'ixëtëp.

Éxodo 16:23 ပူးပေါင်းရင်းမြစ်များ

Levitico 23:3

Tëtujkxëëw mtunëty, kom wëxtujk xëëw nitii mëpaat xykyatuny, jä'ä ko po'kxënxëëw jä'ä. Ets jää mëpaat yë nyänyiye'eypyätë y'ity ma ja Tios yi'iyë yaj'ëwtatëtyën. Oyëtën ënäty ma mtimyajpaatë tääpë xëëw mpo'kxtëp jëtu'un ets jëtu'un'äämpy ja Tios xymyëjjawëtëty.

Éxodo 31:15

Tëtujkxëëw ja tu'unën ye'eyën y'itëty e ja mëwëxtujkxëëwpë po'kxënxëëw jäänë, mëti'ipë ja Tios mëpaat yajtukwintsë'ëkën. Pën jää tuunp ye'epy ma pyo'kxënxëëwatyën, kopkpëky ko y'ookëty.

Lucas 23:56

Ënät ojts nyëjkxnëtë ma tyëjkëtyën ets ja pa'akxu'kpë nëë tnipëjktakëtyë. Tääts t'ëmaay'ajtë ja po'kxënxëëw, jëtu'un ijxtëm ja ënä'ämën myinyën.

Éxodo 23:12

Tëtujkxëëw mtunëty ets jää xyajwintu'upëkëty winë. E ko wyëxtujkxëëwpätëty, jää mpo'kxëty, jëtu'un näjyëtu'un pyo'kxëty ja mjëyujk, yë mtuunpë ets mjaaypyaat mjaaypyo'kxy.

Apocalipsis 1:10

Wintsën ënäty ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Números 11:8

Jëtu'un jyawë, tä tsajpmok kääkyën mëti'ipë ontë'ëtsën. Ja ja'ayëty jopyëp ijty tyajmujkojtë ets tmä'ätë ëkë twaytyë tyajkë'ëwtë jëtu'un tä tsajpkääkyën.

Éxodo 16:19

Ënät ja Moisés ojts näjyëtu'un y'ënë'ëmxëtë: Ni pën mëpaat tii tkayajwë'ëmy ets y'ënaanpëty komjëpom tjë'kxa'any.

Deuteronomio 5:12

Mja'amyätsëp yë po'kxënxëëw ets jää yë Wintsën xymyëjjawëty, jëtu'un tä yë mWintsën Tios të mtuk'ëne'emyën.

Nehemías 9:13

Ko jam jyajtë ma ja tun kopk txëëwatyën Sinaí, jam xynyijënäjky ets mëët mkäjpxy mmëtyäky; ojts xymyo'oy ja aaw ayuk oypyë ets ja ijxpëjkën mëtëypyë ets ja ënä'äm ja kutujkën mëti'ipë jaantyëtypë.

Nehemías 9:14

Ojts xytyukni''ixë ets tpo'kxtëty ja po'kxënxëëw, ojts xymyo'oy ja ënä'ämën tëyajtën ets ijxpëjkën mëtëypyë, mëti'ipë kyë'ëyajkën ja Moisés.

Jeremias 17:22

Këtii nëkoo tsëmy kë'ëy xymyëtsoontëty ma mjëën mtëjkëtyën ko po'kxënxëëw ets ka'ap tiituunk jää xytyuntëty. Ma tääpë xëëwën ëjts jää xymyëj jawëtëp jëtu'un tääjës ojts n'ënëëmëtën yë m'ap m'okëty.

Números 11:7

Yë maná jëtu'un ënäty y'ixëty tä yë axykyulantrë pajkën. Pu'ts yë y'ujkën tä yë kepy'u'pkyën.