Éxodo 16:10 - Biblia Mixe de Quetzaltepec

¹⁰ Ma ënäty jam jëtu'un ja Aarón myëtyä'äkyën mëët yë Israel ja'ayëty, ënät jam nyajts'ijxëtyääytyë të'ëts'itum ets ojts ja Wintsën t'ijxëtë ja myëj'ajt y'oyajtën yootsjotm.

Biblia Dc en Mixe de Quetzaltepec

¹⁰ Ma ënety jam jëtu'un ja Aarón myëtyä'äkyën mëët yë Israel ja'ayëty, ënät jam nyajts'ijxëtyääytyë të'ëts'itum ets ojts ja Wintsën t'ijxëtë ja myëj'ajt y'oyajtën yootsjotm.

Éxodo 16:10 ပူးပေါင်းရင်းမြစ်များ

Éxodo 16:7

E ko jyopy'atëty, jää xy'ixtëty yë Tios yë myëj'ajt y'oyajtën, yë'ë wa'ats të tmëtoy ko miitsëty wiinkjaty të xynyimëtya'aktë. ¿Jä'ä ko ëëtsëty tii mëj'ajtën n'ëkmëët'ajtëpës etsës xynyi'oj xynyiyaaxëtëty?

Números 16:42

Yajxon yë Moisés ets Aarón tjantynyapikëtë. E yë'ëjëty jam ojts nyëjkxtë ma ja wit tëjkën ma ja näpyaatë y'ityën mëët ja Tios. Ënät ojts ja yoots jam kyëtä'äky wit tëjknëkëjxm ets ja Tios ja myëj'ajt y'oyajtën nyänyikëxë'kë.

Números 16:19

Ja Coré tëë ënäty tyajtu'ukmujkta'ay ja ja'ay jam ma ja wit tëjkën ma ja näpyaatë y'ityën mëët yë Tios. Ënät ja Tios ojts ja myëj'ajt y'oyajtën jam nyänyikëxë'ëkyë ma ja mayjyä'äy yajpaatën.

Levitico 9:6

Ënät ja Moisés y'ënäny: ya'atë jëtu'un yë Tios të tni'ënä'ämë, tuntë jëtu'un ets Tios nyänyikëxë'ëkëtëty ma miitsëtyën mëët tu'uk yë mëj'ajtën.

Mateo 17:5

Tam ënäty ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Números 14:10

Ko jëtu'un y'ënantë, ja yi'inëm ja ja'ay kyakuka'tsëtë. Ënät ja Tios ja myëj'ajt y'oyajtën ojts nyänyikëxë'ëkyë, ma ja tsajptëjkkopkën, mëti'ipë wit tëjkën ets ja Israel ja'ayëty ojts t'ixtë.

Éxodo 16:11

Ënät ja Tios ojts tmëkäjpxy ja Moisés ets t'ënëmaay:

Éxodo 24:16

Yë Tios yë myëj'ajt y'oyajtën ojts jam kyëtä'äky ma ja Sinaí kopkën, tëtujk xëëw ojts jëtu'un y'ity. Ko wyëxtujkxëëwpejtyp täänëm ja Tios ojts tmëkäjpxy ja Moisés jap jokjoty yootsjoty.

Levitico 9:23

Ënät ja Moisés mëët ja Aarón jap tyëjkëy ma ja wit tëjkën ma ja näpyaatë y'ityën. E ko ojts pyëtsëmtë, tääts ojts tkënu'kxtë ja Israel ja'ayëty, täänëm ja Tios nyänyikëxë'kë mëët yë mëj'ajtën ma ja naax kajpnën.