Éxodo 15:9 - Biblia Mixe de Quetzaltepec

⁹ Yë mmëtsip tyaa ënäty të myäy të tyäjy: Mpapo'ojäämpyës yam mapaatës najtspaatën, etsës nyajwa'kxtaja'any, mëti'ipës ënäty të mpëjkëtyä'äyën, koonëmës yajxon nku'uxëtëty. Etsës nkupujxta'aja'any mëët ja mpujxnës, mëti'ipës nkë'ëkë'ë'ajtypë.

Biblia Dc en Mixe de Quetzaltepec

⁹ Yë mmëtsip tyaa ënety të myäy të tyäjy: Mpapo'ojäämpyës yam mapaatës najtspaatën, etsës nyajwa'kxtaja'any, mëti'ipës ënety të mpëjkëtyä'äyën, koonëmës yajxon nku'uxëtëty. Etsës nkupujxta'aja'any mëët ja mpujxnës, mëti'ipës nkë'ëkë'ë'ajtypë.

Éxodo 15:9 ပူးပေါင်းရင်းမြစ်များ

Jueces 5:30

Yë'ë ënät jam yajwa'kxtëp mëti'ipë yë myëtsipëty të tukyajni'o'ktu'utën. Tu'uk ëkë mäjtsk ënät tyuka'ajëtë ja to'oxy'ëna'k nitu'ukjaty ja tsiptuunpëty; ja Sísara yë'ë ënät të tyukka'ayë ja oypyë ja wit, mëti'ipë ujkënmëëtën janty oyëty, ets ka'ap je'eyë tyu'ukëty, mäjtsk ënät të tyuka'ayë, yë jo'okpyë mëët yë oyëtypë piity, ets nyätyukyo'kwitsëtëty.

Éxodo 14:5

E jap Egiptë, ja yajkutujkpë ojts tnijawë ko ja Israel ja'ayëty tëë ënäty nyakäkpëtsëëmnëtë, paaty ja mëj'ënä'ämpë mëët ja wyintsëntëjkëty mëti'ipë mëët tyuunmukyën ojts ja wyinma'any tyajtëkatstë ets y'ënantë: ¿Wi'ix ko të n'ëk'ixmajtsëmpë yë Israel ja'ayëty ets nyëjkxtëty ets ënät ja ntuunk'ajtëmë jëtu'unyë wyë'ëmëty?

Lucas 11:22

E ko ënät tu'uk myiny wäänë mëkpë ets myëmëtä'äkyë, tu'kë'ëyë pyëjkta'ayxyëty mëti'ipë tyukuwäämpyën ets tyukjotkujk'ajtypyën ets ja pyëjktä'äky yajkniwaanta'ay mëti'ipë myëët'ajtypyën.

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënäty të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

Habacuc 3:14

Myaj'o'k yë kyopktëjk mëët yë kyë'ëmti'pxn, ko ja kyëwaay'ënyääpyë amëjaaw jyamiintë tä tuupojën ets tjayajkutëkoyantë yu'utsy me'ty ja mëti'ipë ka'ap nyäkyuwa'anëtën.

Génesis 49:27

Benjamín jëtu'un yë'ë tä tu'uk yë kaajën, mëti'ipë jopyëp nyas'ookë tsyu'tsypyën, e ko jyënäky xyëëwajnë, tääts tjaakyajwa'kxta'ay mëti'ipë të tsu'tsnatëkën.

Isaías 36:20

¿Mëti'ipë tios ma tääpë naax kajpnën të tputëkë ja nyaax kyajpn ma ja Asiria yajkutujkpë mëët të tsyiptuntën? ¿Wi'ix ko m'ëna'antë ko yë Wintsën yë'ë yajtso'okäämpy yë Jerusalén kajpn?

1 Reyes 20:10

ja Ben-adad ojts jatëkok tnikäjpxykyäxë ja Ahab ets t'ënëmaay: Yë tiosës xytyiytyunëp, pën wë'ëmp jam yë naaxway Samaria mëti'ipës jeexyë nmoopyën këëk tu'knuuky ja ntuunpëtëjkës.

1 Reyes 19:2

Ënät ja Jezabel ënätyë tkejxy tu'uk ja kukäjpxy ma ja Elías jam yajpaatyën ets t'ënëëmëty: Pën mijts mxëëwajtyp Elías ëjts jä'äs nxëëwajtyp Jezabel. Ëjts mëj këjääjës yë wintsëntëjk xytyukpoky'atëty ko mijts ka'ap jëpom ya'atpë horë näjyëtu'un mjatëty mkëpätëty tä yë Baal yë myëtuunpëtëjk të xytyunyën.

1 Samuel 30:8

tääts ja David tyajtëëy: ¿Oypyëtsëmëp Koojës nëjkx n'ijxjëtity npajëtity tääpë mä'tspëtyë? ¿Mëta'akëpës jëtääjë ets naspaatëpësë? Ets ja Wintsën y'ëtsooy: Panëjkx ets xynyajtspaatëty ets yajtso'ok ja tsumjyä'äytyëjkëty.

2 Samuel 22:38

Tëës yë nmëtsip npapo'oy mpaputy, tëëjës nyajkutëkoy, koonëmës të nyajkutëkooytyä'äy täänëmës të nwinpity.

Proverbios 16:19

Jaakni'ik y'oyëty ko yë ja'ay nyäpyëjktä'äkyë yu'unk naxym, jëtu'un tä yë ëyoopëja'ayën; ets këtiinëm ko kumeeny y'awinpitëty mëët ja ja'ayëty mëti'ipë je'eyë nämyëjja'awëtëpën.

Jeremias 46:17

Tääts xytyimtijnëtëty ja Egiptë yajkutujkpë: Tääpë faraón nëkoo jyaak ne'emy; ka'ap tii të tuny ma jeexyë të jyotmëk'atyën.