Éxodo 15:25 - Biblia Mixe de Quetzaltepec

²⁵ Tä ja Moisés ojts t'amëtoy ja putëjkën pupäjtën ma Wintsën Tiosën, ënät ojts tyukni''ixëty tu'uk yë kepyxye'enty, tä yë Moisés tnëëkupëjky ya'atë kepyxye'enty ets ojts ja nëë y'awinpity pa'ak. Jam ja Tios ojts wyinma'any'ixëtë ets tpëjktäky tu'uk yë ënä'ämën ma yë'ëjëtyën mëti'ipë pyatuntëpën.

Biblia Dc en Mixe de Quetzaltepec

²⁵ Tä ja Moisés ojts t'amëtoy ja putëjkën pupäjtën ma Wintsën Tiosën, ënät ojts tyukni''ixëty tu'uk yë kepyxye'enty, tä yë Moisés tnëëkupëjky ya'atë kepyxye'enty ets ojts ja nëë y'awinpity pa'ak. Jam ja Dios ojts wyinma'any'ixëtë ets tpëjktäky tu'uk yë ënä'ämën ma yë'ëjëtyën mëti'ipë pyatuntëpën.

Éxodo 15:25 ပူးပေါင်းရင်းမြစ်များ

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Salmos 66:10

Tios, mëti'ipës nTios'ajtëpën, tëës mijts xywyinma'any'ixtë wi'ixës nja'ay'atën, paaty mijts të xyajwa'atstës tä yë poop pujxn ja'ay tyajwa'atsyën.

Jueces 3:1

Ya'atëty ja kajpn mëti'ipë ojts ja Wintsën tyajwë'ëmyën ets yë'ë mëët twinma'any'ixa'any ja Israel ja'ayëty mëti'ipë ënäty ka'ap myintënëm naaxwiinyëtë ko yajnitsiptuuny ja it naaxwiinyëtë jam Canaán.

Jueces 3:4

Ya'atë naax kajpn paatykyëjxm ojts yë Wintsën tyajwë'ëmy ets yë'ë mëët t'ixmatsa'any ja Israel ja'ayëty wi'ix myäytyën tyajtën, pën pyatuuntëp ja ënä'ämën tëyajtën mëti'ipë ja Wintsën ënäty të tmo'oyën ja y'ap y'okëty mëët ja Moisés.

Jueces 2:22

Ja Tios jä'ä ënaty jya'ixäämpy pën ja Israel ja'ayëty pyanëjkxtëp oy ja Wintsën ja nyë'ë'aaw tyu'u'aaw, jëtu'un tä ënäty ja y'ap y'okëty të y'itën.

Deuteronomio 8:16

Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.

Éxodo 16:4

Ënät ja Tios t'ënëmaay ja Moisés: Ntuknikäxantëp yam yë ka'ayën ukën may'äämpy mëti'ipë tso'onpën tsajpjotm, winjopy yë ja'ay tpëjkmujkojtëty yë jyi'kxy pyikyëty, jëtu'un tä t'a'ixëtën naje'eyë nyipaatëty tu'kxëëw. Ëjts n'ixäämpyës pën jyänty kuuytyuuntëp jëtu'un tääjës yam nikäjpxyën.

2 Reyes 2:21

tä Elisejë ojts nyijkxy jam ma ja nëëkopkën ets jam ja kaan tkuwëjëy, tä y'ënäny: Jëtu'un yë Wintsën y'ënä'äny: Tëës ya'atë nëë tyam nyajwa'atsy, jëtu'un xëmë y'itanë, ka'ap pën t'ëkyaj'o'knëty ets jam ma naax kamën nëjkxëp winë y'ity wyintëy.

1 Corintios 1:18

Ko yajnikäjpxy yajnimëtyä'äky ko tëë ja Kristë y'ooky kruutskëjxm, ja ja'ayëty mëti'ipë nitëyë nëjkxtëpën ëyo'ontum jëtu'un tmëtowtë nanëkoo yowë tsuu mëtya'ak kupoj mëtyä'äky yajnikäjpxy; e ëëtsajtëm jënu'un ja nitsokën të npatëmë, nija'awëm ko Tios yë myëk'ajtën.

Jeremias 9:7

Paaty ëjts maas nWintsën'atyën, mëti'ipë maaytyääyëpën winë jëtu'unës n'ëna'any: ¿Wi'ixës ja nnaax nkajpn mëpaat n'ëktuny ets y'oyëty? Jëënjotyës npëjkta'aka'any.

Proverbios 17:3

Yë pu'ts pujxn ets poop pujxn yë'ë mëët yë jëën yaj'ijxmatsy; e yë jot winma'any yë'ë Tios nyija'ap wi'ix yajpaaty.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënäty myony tyukyën etsës nyajnaxa'any kumay;

Salmos 50:15

Mëkajpxkës ko ënäty mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

2 Reyes 4:41

E ja Elisejë ko jëtu'un t'ijxy, tääts ni'ënä'ämëy: Yajmintë wäänë yë tsajpmokway. Ets ja tsajpmokway jap tkupëjkëy tojkxjoty ets y'ënäny: Tyam apëkëtë ënät yë mtojkxëty. Tääts ja ja'ayëty tyëjkëtyë kääpyë ukpë, ka'ap ojts jap tii y'ëkkëxë'knë tu'tsjoty.

Éxodo 14:10

Ko ja Israel ja'ayëty t'ijxpatë ko ja mëj'ënä'ämpë jam wyinkony mëët ja myäytsyiptuunpë, ënät ojts ja tsyë'ëkëtë ets ënätyë t'amëtoowtë ja putëjkën pupäjtën ma Tiosën.

Salmos 99:6

Yë Moisés ets Aarón jam yajpaatë ma y'itën yë Tios mëtuunpëtëjk; e yë Samuel jam yajpaaty ma ja'ayëtyën mëti'ipë ojts myëjpëjktakxëtyën ja xyëëw. Yë Wintsën ojts ënätyë y'ëtsowëtë ko ja putëjkën t'amëtoowtë.

Salmos 81:7

Jam mijts të xymyëkäjpxyës ma ënäty ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Deuteronomio 13:3

Këtii nëkoo xymyëpëktëty, jä'ä ko yë Wintsën mëti'ipë mTiosajtëpën je'eyë nëkoo mwinma'any'ixëtë ets t'ëkjanty'ixa'any pën mjantytsyojk mjantyjya'awëtëp winë aaw winëjot.

Éxodo 17:4

Tä ja Moisés tmëpëjktsooy ja Tios ets t'ënëmaay: ¿Tiijës ënät ëjts tyam ntuunta'akëp mëët yë mayjyä'äy? Ko wäänë jyaak itëty, tsojkës je'eyë xy'ëkjaakuka'tsnëtëty.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Éxodo 20:20

Tä ja Moisés y'ëtsowëtë: Këtii mtsë'ëkëtë, Tios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

2 Reyes 6:6

¿Maa ja ënät të kyä'äy? jëtu'un ja Wintsën ja myëtuunpë yajtëëwë. Tääts ojts tu'uk tni''ixë. Ënät ja Elisejë tu'uk yë kepy tpujxy ets tnëëkujëpijpy, tääts kyiinpëtsëëmy ja jatyë.

Ezequiel 47:7

etsës n'ijxpaty maykyepy nëëpë'aay mäjtskpa'ajëty.

Ezequiel 47:8

Ënätës xy'ënëmaay: Ya'atë nëë jamtsow nyijkxy xëëwpëtsëmtsyow ets jam nyäxy ma Jordán mëjnëëjën, tyimja'ty jam ja Ookpyë Mejyën. Ko jam jya'tëty pa'ak yë mejy y'awinpita'any.