Éxodo 15:24 - Biblia Mixe de Quetzaltepec

²⁴ Ënät ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?

Biblia Dc en Mixe de Quetzaltepec

²⁴ Ënet ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?

Éxodo 15:24 ပူးပေါင်းရင်းမြစ်များ

Éxodo 16:2

E ko jam jya'ajtë ma ja të'ëts'itën, ënätyë tnimëtyaktëjkëtyë wiinkjaty ja Moisés ets ja Aarón.

Éxodo 14:11

Tä t'ënëmaaytyë ja Moisés: ¿Tii o'kpë jut jëtää ënäty jap ka'ijtpë Egiptë ets yaa muum nmi'inmëty o'kpë tëkoopyë yaa wintë'ëtstuuyë? ¿Tiis ko jëtu'un xytyuntë? ¿Wi'ixës ko të xyajpëtsëmtë jap Egiptë?

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Tios nëkoo tukajpxpätë ets yajputëkëtëty.

Filipenses 2:14

Tuntë winë yajxon ets ka'ap y'atsip y'a'äkëty,

1 Corintios 10:10

Ka'ap ja Tios yë'ë ntukjoot'anpëjkmëty, ijxtëm jënaakën y'ëtëtstën, tyukjoot'anpëjktë ja Tios ets ojts yaj'ookëtë ja tsajpjotmëtë kukäjpxy yajja'ay'o'kpë.

Mateo 6:25

Paaty n'ënëëmëtë: Ka'ap xymyëmay xymyëtajtëty tii mkaytyëp m'uuktëp ets mjuuky'atëty ets ja mwitëty mxoxëty mëti'ipë ja mjot mnini'kx mtuk'ëtujktëpën. ¿Këtii jëtää ja juukyajtën këjää tsyowpaaty këtiinëm ja kääky uuky, ets ja ni'kx kopk këtiinëm ja wit xoxë?

Números 21:5

Ënät tyëjkëtyë kajpxpë, jä'ä ja Tios nyi'ojëtyëp ets ja Moisés, jëtu'un y'ëna'antë: ¿Tiijën koos të xy'ëkyajpëtsëëmtëpë jap Egiptë? ¿Jä'äkyëjxm të xyjyuutës ets yaa të'ëts'ituuy n'ooktëtyësë? Ni kääky ni uuky yaa kya'ity, ya'atë jë'kxy tëëjës xynyatsyijpnëtë.

Números 17:10

Ënät ja Tios jatëkok t'ënëmaay yë Moisés: Pëjkta'ak jatëkok ja Aarón ja tyajk kaaxë wintuuy mëti'ipë myë'ijtypyën yë käjpxytyu'unën, jëtu'un jap pëjkë'ëky wyë'ëmëty mëti'ipë tyuk'ixtëpën yë Israel ja'ayëty mëti'ipë käjpxy kyumëtoownajxtëpën. Ko ka'ap nëkoo wiinkjaty y'ëwtëty kyajpxtëty ëjts nwintuuyës, këtiipë y'ooktëty.

Números 16:41

Komjëpom, ënät ojts ja mayjyä'äy tyëkëtë ëëpë kajpxpë. Yë Moisés ets Aarón, yë'ë tyätynyi'ojëtyëp ets y'ëna'antë: Miitsëty je'eyë nëkoo Tios yë nyaax kyajpn xyaj'o'këtë.

Números 16:11

Yë Aarón nitii mëj'ajtën tkamëëtëty ets miitsëty wiinkjaty xynyi'ëw xynyikajpxtëty; yë Wintsën yë'ë jëtu'un të xykyäjpxy kumëtoownaxtë mijts ets mëët yë mëku'uktëjk.

Éxodo 5:21

ets y'ënëmaayëtë: Yë Tios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Números 14:22

Yë ja'ayëty mëti'ipë tëë tja'ixtën yë nmëj'ajt n'oyajtënës ets mëti'ipës të nyaj'ixyën jap Egiptë ets yaa të'ëts'ituuy. Ets je'eyë janaam jatsojk xywyinma'any'ixtës ets ka'ap tuntë mëti'ipës njani'ënä'ämëpën.

Salmos 106:13

E ka'ap nëkooyë pyoxy tääts ets jatëkok tja'atyëkooytyë mëti'ipë ja Tios ënäty të tjakäjpxyën, ka'ap ojts t'ëwxitë ets jeexyë tnijawëtë mëti'ipë ënäty ja Tios tyuknipëjktakëpën.