Éxodo 15:11 - Biblia Mixe de Quetzaltepec

¹¹ Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Biblia Dc en Mixe de Quetzaltepec

¹¹ Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Éxodo 15:11 ပူးပေါင်းရင်းမြစ်များ

2 Samuel 7:22

paatyës njanty y'ënä'äny, ko mijts Wintsën mëj këjää winë xytyuny xykyäjpxy, ka'ap maa wiinkpë jëtu'unpë tä mijtsën; ka'ap maa jëtu'unpë Wintsën tä mijts mWintsën'atyën, mëti'ipës kë'ëm të n'ixtën ets të nnijawëtën.

1 Reyes 8:23

ets y'ënäny: Wintsën mëti'ipë yë Israel ja'ayëty y'ëwtajtëpën, kamaa Wintsën jëtu'unpë kyayajpaaty tsajpkëjxm ets naaxkëjxy tä mijtsën, mëët ko mijts mpatuunpy ja m'aaw m'ayuk ets myaj'ijxëp ja m'oyjot m'oywyinma'any ma ja'ayën mëti'ipë ëmuumtu'ukjot mëmëtoowëpën.

1 Crónicas 16:25

Jä'ä ko yë Wintsën mëj'äämpy yë y'ity ets nitëjkëyëp nwin'ë'ëw nwinyaxmëty, jä'ä ko ni'ik kutsë'ëkë yë'ë këtiinëm jyëtu'unëty wiinkëtypë tiosëty.

2 Crónicas 2:5

Je'eyëp tëy ko ja tsajptëjk mëti'ipës nkojäämpyën, mëjjës nkoja'any, jä'ä ko yë Wintsën mëj këjää yë ni'ik këtiinëm jyëtu'unëty yë wintsëntëjk jääpë naaxwiinyëtë y'itën.

2 Crónicas 6:14

ets y'ënäny: Wintsën, Tios teety, mëti'ipë yë Israel ja'ayëty y'ëwtajtëpën: Ka'ap jam tsajpwinm ets naaxwiiny ma jëtu'umpë Wintsën myëjëty tä mijtsën, jä'ä ko mijts tëë ja m'ayuk xytyukniwä'äky ijxtëm m'ënanyën ets m'oyjya'ap mtsujja'ap ja mëti'ipë winë aaw winëjot mëtuunëpën;

Salmos 113:5

Ni pën tkamëpaaty yë nwintsën'ajtëm Tios, mëti'ipë jam këjxm ënä'ämpën.

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Salmos 136:4

Ja tu'kpajkpë winë tuny tkäjpxyën mëj këjää, jä'ä ko tsyojkën jya'awën winë xëëw winë jëmëjt y'ijtëy.

Salmos 145:17

Yë Wintsën wa'ats winë tuny ma nyë'ë'aaw tyu'u'aawën, aak'oy winë tuny tkäjpxy.

Salmos 22:23

Mëjpëjkta'aktë yë Wintsën ninu'un yë xymyëët'atën, Kënu'kxyjyawëtë ninu'un yë Jacob xytyeety'at xy'ap'atën. Ëwtatë ninu'un m'Israel ja'ay'atën.

Salmos 35:10

Täätsës n'ëna'ana'any ëmuumtu'ukjot: ¿Pën jëtu'un tä mijtsën Wintsën? Myaj'ëwaatsëpëtsëëmpy yë ëyoopëja'ay ets mëti'ipë winë yajmëyäjtypyën ma ëxëëk yajtun yaj'ënëëmëtën, ma ja jotmëktëjkëtyën.

Salmos 60:2

Mijts të xyajkutuky ets ja naaxwiinyëtë yu'kxëty ets y'ëwa'atsëty; e tyam yaj'ëtuk jatëkok ma të kyiitsyën, jä'ä ko jëtu'un kyëxë'ëky ni'ikyë yowë y'atëkooynyë.

Salmos 66:5

Min ixtë mëti'ipë Tios të tuuntä'äkyën, ja myëj'ajtën mëti'ipë të tyaj'ixyën ma naaxwiinyëtë ja'ayën:

Salmos 77:11

Tyam je'eyës njaakja'amyätsa'any wi'ix ojts yë Wintsën winë mëj këjää tunyën tkäjpxyën;

Salmos 77:14

Mijts Tios, mëj këjää winë xytyuny. Ojts xyajnikëxë'ëky mmëjajtën ma naax kajpnën.

Salmos 77:19

Ojts yë mnajxtakn xyajni'ëwaatsë mëjnëëjoty; ojts xytyuknaxy kanaak yë nëëmejy, e ni pën të tkapaaty ja mtu'u'ateeny.

Salmos 86:10

Jä'ä ko tu'uk mijts mTiosëty, e mijts janty mëj ets mëj këjää yë mëj'ajtën xyaj'ixyë.

Salmos 86:8

Ka'ap ma wiinkpë tios jëtu'unpë tä mijtsën, Wintsën. Ka'ap ma wiinkpë mëti'ipë jëtu'un winë tyuunpyën tä mijtsën.

Salmos 89:18

Yë'ëjës xykyuwantëp yë Wintsën. Yë nkutujkpëtyës, yë'ë jam Israel wa'ats yajpatp.

Salmos 90:11

¿Pën y'ëknija'ap? wi'ix mijts janty mëk mjoot'anpëkyën ets ¿pën y'ëknija'ap? wi'ix m'ëwa'antä'äkyën.

Éxodo 18:11

ma ënäty o'ktëy mjatën mkëpätën. Tyamës ënät yajxon njanty nyijawë ko yë Tios mëj yë ni'ik, këtiinëm jyëtu'unëty yë wiinkëtypë tiosëty tääpë myäjyatëtën.

Éxodo 20:3

Ka'ap wiinkpë tios xymyëët'atëty ets ënät ëjts xy'ëxtijnëty.

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënäty jëtu'un të tyuny të jyätyë, täänëm nëjkx m'ëxmatsëtë.

Éxodo 8:10

Oy jopy, jëtu'un ja mëj'ënä'ämpë y'ëtsooy. Tä ja Moisés y'ëtsoowëmpijty: Tyam jëtu'un yajtunëty ets xynyijawëty, ko ka'ap maa wiinkpë jëtu'unpë tä nWintsën'ajtëm Tiosën.

Éxodo 8:6

Ënät yë Aarón ojts jam tjantynyajtstijë yë tyajk, maajaty ja nëë yajpaatyën mëti'ipë japën Egiptë ets ja nooty jap myäypyëtsëëmtë ets tyajwintujktaaytyë ja Egiptë kajpn.

Éxodo 9:14

Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

Isaías 30:11

Ixmatstë ja në'ë tu'u, jëjpwa'ktu'utë ja najxtakn, tim jëpëktë ja Wa'atspë Kënu'kxypyë ma Israel kajpnën.

Isaías 40:18

¿Tii mëët xy'ëk'ijxkijpxtëty yë Tios? ¿Wi'ix ja y'awinax xy'ëkyajkojëtëty?

Isaías 40:25

Jëtu'un ja Wintsën Wa'atspë tyajtëy tyam: ¿Tiis mëët xy'ijxkijpxa'antë? ¿Pën xy'ëkmëpaatëpës?

Isaías 46:9

Ja'amyätstë wi'ix tëëyëp jyäjty kyëpejtyën. Ëjts jëtu'un Tios'ajtp ets ka'ap ma wiinkpë. Ëjts jëtu'un Tios'ajtp ets ka'ap maa wiinkpë jëtu'unpë tä ëjtsën.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 6:3

Ets xim yam nyäy'ëna'anëtë: Wa'ats, wa'ats, wa'ats ja Wintsën mëti'ipë maaytyääyëpën winë; ujts ja naaxwiinyëtë yajpaaty mëët ja myëj'ajt y'oyajtën.

Jeremias 10:16

Yë Tios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Jeremias 49:19

Ajotkumonës nmina'any, jëtu'un tä muum yë kaa y'ëkëtypyëtsimyën ujtsjoty jam Jordán ets nyijkxy mëëyjoty; njëkäxäämpyës yë Edom ja'ayëty etsës yë'ë jam nyaj'ënä'äma'any yë ja'ay mëti'ipës ënäty të nwin'ixyën. Jä'ä ko ka'ap maa jëtu'unpë Tios tä ëjtsën, ka'ap tjëkyepy pën xytsyipwinkajpxëtyës, ka'ap tjëkyepy pën xywyinkuwa'akëtyës.

Levitico 19:2

Jëtu'un xy'ënëëmëty yë naax kajpn: Wa'ats mëpaat myajpaatë, jä'ä ko ëjts Wintsën mëti'ipë mijts mTiosajtëpën, wa'atsës yë'ë.

Miqueas 7:18

Ka'ap ma Tios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Lucas 12:5

Yë'ë ntuk'ëwaanëjantëp pën mëpaat xytsyë'ëkëtë. Tsë'ëkëtë ja Tios. Ko ënäty tëë ja mni'kx mkopk y'ooktë yë'ë yajkutukäämpy pën mnëjkxtëp ëyoowtaknjoty ëkë ka'ap.

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 3:24

Wintsën mijts ëka'any të xytyuk'ixy ya'atë mtuunpë yë mmëkajtën ets m'oyajtën. Ka'ap ma wiinkpë jëtu'unpë Tios myëjëtyën tä mijtsën, jam tsajpkëjxm ets yaa naaxkëjxy ets jëtu'unpë tyajkëxë'ëkyën ja myëj'ajt y'oyajtën.

Deuteronomio 33:26

Ni pën tkamëpaatëty yë Tios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Tios jap Egiptë?

Apocalipsis 13:4

Ets twintsë'këtyë ja mëj tsa'any jä'äkyëjxm ko ja mëk'ajtën ets ja kutujkën ënäty të tmo'oy ja mëj jëyujk. Näyjyëtu'un ja mëj jëyujk twintsë'këtë ets y'ëna'antë: ¿Pën jëtää jëtu'un ijxtëm ya'atë mëj jëyujkën? ¿Pën yë'ë ëkmayëtëp?

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Apocalipsis 4:8

Aak tëtujk ja kyäkn tmëët'atë nitu'ukjaty. Nëkëjxy'tsyow ets käkn pa'tkë'ppaat ja wyiin tmëët'atë. Xëëny koots ja Tios tja'amyätstë ets y'ëna'antë: Wa'ats, wa'ats, wa'ats ja Wintsën, Tios Mëti'ipë Maaytyääyëpën Winë; tëëpë y'ityën, mëti'ipë tää'ajtpën ets mëti'ipë itaanpën.

1 Samuel 2:2

Ni pën jëtu'un kyawa'atsëty tä mijtsën Wintsën. Ni pën jëtu'un kyakëwent'aty, tä mijtsën, Tios mëti'ipës n'ëwtajtëpën, ka'ap ma wiinkpë jëtu'unpë tä mijtsën.