Éxodo 14:9 - Biblia Mixe de Quetzaltepec

⁹ Tëkokyë yë tsiptuunpëtëjkëty japë Egiptë ojts tmëtso'onta'atë yë kepy wintëkäämpë ets kyëwaayëty, tääts ojts tpatsoontë ja Israel ja'ayëty; jam tnajtspatëtyë ma ja it txëëwatyën Pi-hahirot, mëti'ipë winkon wë'ëmpën mëët ja it mëti'ipë yajtijpën Baal-zefón, ma jam tu'uk ja mëjnëë jyënäkyën, ma ja Israel ja'ayëty ënäty të tsyënaaytyaknpëktën.

Biblia Dc en Mixe de Quetzaltepec

⁹ Tëkokyë yë tsiptuunpëtëjkëty japë Egiptë ojts tmëtso'onta'atë yë kepy wintëkäämpë ets kyëwaayëty, tääts ojts tpatsoontë ja Israel ja'ayëty; jam tnajtspatëtyë ma ja it txëëwatyën Pi-hahirot, mëti'ipë winkon wë'ëmpën mëët ja it mëti'ipë yajtijpën Baal-zefón, ma jam tu'uk ja mëjnëë jyënäkyën, ma ja Israel ja'ayëty ënety të tsyënaaytyaknpëktën.

Éxodo 14:9 ပူးပေါင်းရင်းမြစ်များ

Éxodo 15:9

Yë mmëtsip tyaa ënäty të myäy të tyäjy: Mpapo'ojäämpyës yam mapaatës najtspaatën, etsës nyajwa'kxtaja'any, mëti'ipës ënäty të mpëjkëtyä'äyën, koonëmës yajxon nku'uxëtëty. Etsës nkupujxta'aja'any mëët ja mpujxnës, mëti'ipës nkë'ëkë'ë'ajtypë.

Josue 24:6

Ko miits ja m'ap m'okëty tsyo'ontë jap Egiptë kajpnjoty, yë Egiptë ja'ayëty ënätyë pyatso'onëtë mëët yë kyepy wintëkäämpë mëti'ipë myëtsiptuuntëpën ets kyëwaayëty, tyimpaja'ajtëtë jampaat ma ja Tsaptsmejyën.

Éxodo 14:2

Ënëëmë yë Israel ja'ayëty wä'än twinpitë ma it naaxwiinyëtën mëti'ipë xyëëwajtypyën Pi-hahirot mëti'ipë itkujky wë'ëmpën ma txëëwatyën Migdol mëët yë mejy, wintuuytsyow ma txëëwatyën Baal-zefón. Jamts tkojtëty yë wyitëjkëty mëti'ipë tyuktsëënëtëpën, ma tääpë naaxën winkonpë ma mejyën.

Éxodo 13:18

Paaty ojts jamtsow yaj'ëwtitëtë ma ja të'ëts'it të'ëtsjotmën ets jamtsow jya'ajtë ma tu'uk ja mëjmejyën mëti'ipë xyëëwajtypyën Tsaptsmejy. Yë Israel ja'ayëty jëtu'un jap Egiptë myäytsyo'ontë waatswitsy tä yë maytsyiptuunpë tsyoontën.

Números 33:7

Ko jam tsyo'ontë Etam jamtsow ojts y'ëwtitë Pi-hahirot, mëti'ipë ëpa'tkë'ëmtsow yajpatpën ma ja it naaxwiinyëtë txëëwatyën Baal-zefón ets jam tsyënaaytyaknpëjktë ma mëët nyäwyinku'ixën yë Migdol.