Éxodo 14:4 - Biblia Mixe de Quetzaltepec

⁴ E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.

Biblia Dc en Mixe de Quetzaltepec

⁴ E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.

Éxodo 14:4 ပူးပေါင်းရင်းမြစ်များ

Romanos 9:17

Jëtu'un ja Tios ja y'aaw y'ayuk y'ënä'äny ko yajnëmaay ja Egiptë yajkutujkpë: Paaty mijts yajkutujkpë të npëjktä'äky ets mijtskyëjxm ja nmëk'ajtënës nyikëxë'ëkëty ets ja ja'ay nijawëtëty oymyaa naaxwiinyëtëty koos nmëjjëty njaantyëty.

Éxodo 7:5

Koos ënäty të nyaj'ixyë ja nmëjajtën jap Egiptë, ets koos ënäty të njuuty ja Israel kajpn, jëtu'un nëjkx yë Egiptë ja'ay nijawëtë ko ëjts Wintsën.

Éxodo 7:3

Ëjts kë'ëmës nëjkx n'ëwa'atsy ets mëj'ënä'ämpë ka'ap tsojk kyäjpxyjyä'äkyukëty, jëtu'un'äämpy tjëkyäpëty etsës ja nmëjajtën kanaakpëky nyaj'ixëtëty jap Egiptë ets ma tëkokyë yë it naaxwiinyëtë tnitänë.

Éxodo 9:16

E ëjts tëëjës nyajkutuky ets mjuuky'atëty ets xy'ixëty wi'ix'äämpy ëjts yë mëk'ajtën nmëëtëtyën ets jëtu'un akäjpxy n'itëtyës oy tyimmaajëty.

Éxodo 7:17

Paaty tyam, jëtu'un yë Tios y'ënä'äny: Tyam xynyijawëty ko ëjts Wintsën. Koos ënät yam nwojpyu'kxëty yë nëë, mëti'ipë pëyë'kpën ma mëjnëëjën, mëët yë ntajkës, m'ixëp ënät ko ne'pynyën y'awinpitëty.

Romanos 11:8

ijxtëm y'ënä'änyën ja jaaypyetypë myinyën: Tios ojts jëtu'un pyëjkta'akëtë ets ka'ap tii tjawëtëty, ets jëtu'un tyampaat je'eyëm jyatë; jya'ijxtëp ets ka'ap t'ijxpaatë, jyamëtoowtëp ets ka'ap tja'akyyukëtë.

Ezequiel 39:13

Aakyë'ë ja'ay tyuunk'atantëp aak o'kpë yajnaaxtëkëjantëp ets oy nëjkx nyäyjyawëtë. Jä'ä xëëw ëjts nëjkx nmëjnaxy. Ëjts Wintsën, ëjts ënaanp.

Ezequiel 28:22

Jëtu'un xy'ënëëmëty: Ya'atë yë Wintsën të tkäjpxy: Ëjts mmëtsipës yam n'awinpity ma mijtsën Sidón kajpn; ëjts mëj'äämpyës naxa'any ma mijtsën. Ko ënäty mijts myajnitëkë maas nyaj'ixa'anyën ja nmëj'ajtënës ets nwa'ats'ajtënës, ënät nëjkx yajnijawë ko ëjts Wintsën.

Ezequiel 20:9

E ëjts kë'ëmës ojts nämyëmay nämyëtajyë ets ka'apës ja nxëëw nyajnipäxëtëkëjany, këtiipë tëkatsy nwë'ëmëtyës ma ja wiinkëtypë ja naax kajpnën ma ënäty yë'ëjëty jyuuky'atën; jä'ä ko tëëjës ënäty ja wiinkëtypë ja naax kajpn ntukmëtoy koos ja Israel kajpn nyaj'ëwaatsëpëtsëma'any jap Egiptë.

Nehemías 9:10

Mëjwiin këjää ojts ja mëj'ajtën xyaj'ixyë ets mëjwiin këjää winë xytyuuny ma ja yajkutujkpë ënäty yajkutukyën, wa'ats t'ijxtaay tnija'awëtyääytyë ja tyuunpëtëjkëty ets ja wyintsëntëjkëty mëët ko ënäty janty amëj akëjxm tyimnäyajnaxyë ets ko ënäty o'ktëy ja Israel ja'ay timtyuny timy'ënëëmë. Jëtu'un'äämpy ja'ay mpëjktakë ijtëpën oy tyimmaajëty.

Éxodo 18:11

ma ënäty o'ktëy mjatën mkëpätën. Tyamës ënät yajxon njanty nyijawë ko yë Tios mëj yë ni'ik, këtiinëm jyëtu'unëty yë wiinkëtypë tiosëty tääpë myäjyatëtën.

Éxodo 14:8

Tios ojts jëtu'un tyajkutuky ets mëj'ënä'ämpë ka'ap ninu'un oy myäyëty tyajëty, tyam tëë ënäty tja'ixy wi'ix ja Israel ja'ayëty të pyëtsëmtën jap Egiptë ets ni'ikyë tpatso'onpë.

Romanos 9:18

Tios pya'ëyoopy yë ja'ay mëti'ipë pya'ëyoowäämpyën ets yajju'unëp ja ja'ay ja y'aaw jyot mëti'ipë ënäty jëtu'un tyuknipëjktakëpën.

Éxodo 10:27

E yë Tios nän yë'ë kë'ëm tyajkutuky ets ja mëj'ënä'ämpë ka'ap ninu'un jyä'äkyukëty ets ka'ap tsojk'ëxmatsëty ja Israel ja'ayëty.

Éxodo 14:3

Tääts yë Egiptë mëj'ënä'ämpë myäyëty tyajëty: Yë Israel ja'ayëty ka'ap t'ëknija'awënyëtë ma nyëjkxtëtyën, jëtu'unyë jam jyaak kumin jyaak kumatsëtë tä yë ja'ayën mëti'ipë tëë tyëkooynyën jam wintë'ëtstum.

Éxodo 14:5

E jap Egiptë, ja yajkutujkpë ojts tnijawë ko ja Israel ja'ayëty tëë ënäty nyakäkpëtsëëmnëtë, paaty ja mëj'ënä'ämpë mëët ja wyintsëntëjkëty mëti'ipë mëët tyuunmukyën ojts ja wyinma'any tyajtëkatstë ets y'ënantë: ¿Wi'ix ko të n'ëk'ixmajtsëmpë yë Israel ja'ayëty ets nyëjkxtëty ets ënät ja ntuunk'ajtëmë jëtu'unyë wyë'ëmëty?

Éxodo 14:23

Tääts tpatëjkëtyë ja tsiptuunpëtëjkëty mëti'ipë ja kwaay tyuk'u'unyääytyëpën ets ja mëj'ënä'ämpë ja myäkyepywyintëkäämpë jampaat ojts tpaja'të nëë'itkujky.

Éxodo 14:25

Ënät mya'taay ja kepy wintëkäämpë nyiye'eypyäjn ets oywyi'ix ojts jyaak nëjkxtë, paaty ojts y'ëna'antë ja Egiptë ja'ayëty: Nikë tsojk ntimkyukäkëmë yë Israel ja'ayëty, jä'ä ko jëtu'un kyëxë'knë yë Tyiosëty yë'ë yowë kuwanëtëp ets yë'ë nitsiptuunëtëp ma ëëtsajtëmën.

Levitico 10:3

Ënät ja Moisés t'ënëmaay ja Aarón: Ya'atë jëtu'un yë Tios të tjatijy ko të y'ënä'äny: Pën nëkoo kë'ëmwinma'any xymyëwinkoonpës ntuk'ixëpës yë nwa'atsajtën, ets jëtu'un yë Israel ja'ayëty t'ixtëty, ëjts yë nmëj'ajt n'oyajtën. Yë Aarón amonyë ojts tyimwë'ëmy.

Ezequiel 32:15

Koos yë Egiptë kajpn nyaj'awinpitëty tä yë itjotmën aanë'ëk tëëtsë'ëkpë ets ja naax kajpn tukwa'ats wyë'ëmëty, ka'ap jap pën y'ëktsënaaynyëty, ënät nëjkx tnijawëtë ko ëjts Wintsën.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Éxodo 10:2

Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënäty të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Éxodo 12:28

E ënät ojts nyëjkxta'atë ets tuuntë tä ënäty ja Wintsën të tuk'ëne'emyën ja Moisés ets ja Aarón.

Josue 11:20

Wintsën ojts kë'ëm tuknipëjktaakë ets tääpë ja'ayëty kujuun nyäpyëjkta'akëtëty ets tmëmayëtëty ja Israel kajpn, tääts yë'ë yajkutëkooyëtë ets yajkëjxtaayëtë. Nimaa ja pa'ëyo'owën tkamëët'ajtë mëët yë'ëjëty, jëtu'un tä ja Wintsën ënäty të tuk'ëne'emyën ja Moisés.

Jueces 4:7

Ëjtsës të ntuknipëjktaakë ets Jabín yë tsyiptuunpë wintsën mëti'ipë xyëëwajtypyën Sísara jam myinëty ma ja nëë wok jyënäkyën mëti'ipë yajtijpën Quisón ets tsyiptuna'any mëët mijts mëët tëkokyë ja pyujxnwintëkäämpë mëti'ipë myëtsiptuuntëpën ets ja tsyiptuunpëtëjk, e mijts këtii mtsë'ëkëty, jä'ä ko tëë ntukë'ëtëkë.

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Ezequiel 38:23

Jëtu'un may yë naax kajpn ntuk'ixa'anyës ko ëjts mëjës ets wa'atsës. Ëjts näynyikëxë'ëkanëpës ma yë'ëjëtyën ets nëjkxëp tnijawëtë ko ëjts Wintsën.