Éxodo 14:30 - Biblia Mixe de Quetzaltepec

³⁰ Jëtu'un ja Tios ojts tyajtso'oky ja Israel ja'ayëty jä'ä xëëw ma ja Egiptë ja'ayëtyën. Yë Israel ja'ayëty y'ijxtë ja may o'kpë, ko jam myäykyëniinpëtsëmtë nëëpë'am.

Biblia Dc en Mixe de Quetzaltepec

³⁰ Jëtu'un ja Dios ojts tyajtso'oky ja Israel ja'ayëty jä'ä xëëw ma ja Egiptë ja'ayëtyën. Yë Israel ja'ayëty y'ijxtë ja may o'kpë, ko jam myäykyëniinpëtsëmtë nëëpë'am.

Éxodo 14:30 ပူးပေါင်းရင်းမြစ်များ

Salmos 106:10

Jëtu'un ojts tyajtso'oky ma ja myëtsiptëjkëtyën ma ja ja'ayëty mëti'ipë ënäty ëxëëk'ijxëtëpën.

Salmos 106:8

E yë Tios ojts yajtso'okëtë, tyaj'ixyë jëtu'un yë myëk'ajtën ets tyajmëjnajxy yë xyëëw.

Judas 1:5

Oy miits të xyjyanijawëtë, ntukja'amyäjtstëp yam jatëkok ko ja Wintsën ojts tyajpëtsëmy ja Israel ja'ay jap Egiptë ets ojts tyajkutëkoy mëti'ipë kamëpëjkëtën.

Salmos 58:10

Jotkujk nyäjyawëja'anyë ja wa'ats ja'ay ko ënäty të yajnipaye'ey ma ëxëëk të jyäty të kyëpetyën; jëtu'unyë nëjkx t'ateeny tukteeny ja jyot nye'pyny ja myëtsip ëxëëkpë jyä'äy'ätyën.

Salmos 59:10

Yë Tios mëti'ipës xytsyojkp xyjya'apën, yë'ëjës xynyiminaanp; etsës xytyuk'ixa'any ko ënäty ja nmëtsiptëjkës tyëkooynyëtë ets kya'ëkmëtaknëtë.

1 Samuel 14:23

Jampaat ojts jya'ajnëtë tsiptuunpë ma txëëwatyën Bet-avén, jëtu'un'äämpyë ojts yë Wintsën tyajtso'oky yë Israel ja'ayëty jä'ä xëëw.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Tios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Salmos 91:8

Mijts je'eyëmës ko mnajam'aty: ets nëjkx xy'ixy wi'ix yë ëxëëk ja'ay jyatën kyëpätën ets tkumëtowtën yë pyoky.

2 Crónicas 32:22

Jëtu'un'äämpy ja Wintsën ojts tyajtso'oky ja Ezequías ets ja Jerusalén ja'ayëty, ma ënäty ja Senaquerib y'ëxjëtit pyajëtitëtën ets ma ënäty wiinkëtypë ja yajkutujkpë nëkoo myëtsip'atëtën, tä ja naax kajpn akujk jotkujk y'awinpity.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Tios jap Egiptë?

1 Samuel 11:13

E ja Saúl ënätyë ojts tukkajpxë ets y'ënäny: Tyam ni pën mëpaat kya'ooky, jä'ä ko yë Wintsën yë'ë të tyajtso'oky yë Israel kajpn.

Isaías 63:8

Jëtu'un të y'ënä'äny: Yë'ës nkajpn'ajtyp, ka'ap nijëna'a xy'ëxmatsa'antës. Ets ojts tyajtso'oky

Isaías 63:11

Ënät tja'amyäjtstë ja tëëyëpë, ma ja Moisés tyaj'ëwaatsëpëtsëëmyën ja nyaax kyajpn, ets nyäyajtëëwëtë: ¿Maa jëtäätën ja Wintsën mëti'ipë yajnajxën ja Israel kajpn mëët ja Moisés ma ja mëjmejyën, jëtu'un tä mëti'ipë tsajppax ets kupixyny kyëwent'ajtypyën? ¿Maa jëtäätën ënät? mëti'ipë ja Moisés yajtuunën mëët yë kënu'kxypyoj,

Jueces 10:11

Ets ja Wintsën Tios y'ëtsowëtë: Miitsëty ojts ëxëëk mtunëtë yë Egiptë ja'ayëty, Amor ja'ayëty, Amón ja'ayëty ets filistejë ja'ayëty.

Oseas 1:7

Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.