Éxodo 14:13 - Biblia Mixe de Quetzaltepec

¹³ Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Tios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Biblia Dc en Mixe de Quetzaltepec

¹³ Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Éxodo 14:13 ပူးပေါင်းရင်းမြစ်များ

2 Crónicas 20:17

Ma ya'atë tsip tyuna'anyën ka'ap myiitsëty mtsiptuna'antë. Miitsëty je'eyëp ko mnëjkxtë ets jam mna'ix mnawoontëty, je'eyëp ko ënät xy'ixtëty wi'ix ja Wintsën tuna'anyën ya'atë kajpn ets wi'ix myajtso'oka'anëtën. Miitsëty Jerusalén ja'ayëty ets miitsëty Judá ja'ayëty, këtii ninu'un mtsë'ëkëtëty; nëjkxtë jopy wiinkuwa'akëtë tääpë mëtsip, yë Wintsën yë'ë mëët myajpaata'antë.

2 Crónicas 20:15

Mëtoow'itë ya'atë aaw ayuk mëti'ipës yam nikajpxäämpyën ma miitsëtyën Judá ja'ayëty, mëti'ipë yaa ijtëpën tsënaaytyëpën Jerusalén ets näjyëtu'un mijts Josafat. Jëtu'un m'ënë'ëmxëtë yë Wintsën: Këtii ninu'un mtimtsyë'ëkëtëty ma tääpë maymyëtsipën, jä'ä ko ma ya'atë tsip tyuna'anyën ka'ap myiitsëty mtsiptuna'antë, yë Wintsën yë'ë tsiptunaanp.

Éxodo 14:30

Jëtu'un ja Tios ojts tyajtso'oky ja Israel ja'ayëty jä'ä xëëw ma ja Egiptë ja'ayëtyën. Yë Israel ja'ayëty y'ijxtë ja may o'kpë, ko jam myäykyëniinpëtsëmtë nëëpë'am.

2 Reyes 6:16

Tä ja Elisejë y'ënëmaayë: Këtii mtsë'ëkë, jä'ä ko jaaknimay yë'ë mëti'ipë mëët ëëtsajtëmën këtiinëm yë'ëjëty.

Isaías 35:4

ënëëmëtë ja mëti'ipë xëmë tsëyuuypyën: Jotmëk it, këtii mtsë'ëkë. Tyaa ja mTiosëty mëti'ipë myajtso'okanëtëpën, mëti'ipë tyiytyunäämpyën ja mëtsiptëjk ijxtëm pyaat'atyën.

Lamentaciones 3:26

Oy ko yë Wintsën n'a'ijx njëjp'ijxmëty yë näypyutëkë, yë'ë nyija'ap jëna'a xypyutëkëja'anëmë.

Oseas 13:4

Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Tios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

Habacuc 3:13

Tëë xypyutëkë ja mnaax mkajpn ets ja yajkutujkpë mëti'ipë kë'ëm mwin'ijxën. Tëë xyajjitsy ja ëxëëk ja'ay ja jyëën tyëjk ets tëë jap xytyim jijtë'ëky ma ja potsy'ëjxën.

Isaías 43:11

Ëjts xëmë Wintsënajtp; ka'ap maa wiinkpë mëti'ipë yajnitsokpën.

Deuteronomio 20:3

ets t'ënëëmëty: Mëtoow'itë ya'atë aaw ayuk miitsëty Israel ja'ayëty. Tyam miits yë mëtsiptëjkëty xywyinkuwa'akëja'antë, këtii nijënu'un mtimtsyë'ëkëtëty ets këtii mwinmaaytyëkatstëty.

Números 14:9

E këtii xykyäjpxy kumëtoownaxtë yë Wintsën. Këtii xytyimtsë'ëkëtëty tääpë ja'ayëty, mëti'ipë jam tsënaaytyëpën. Jä'ä ko yë'ëjëty jëtu'un yë nyaxa'antë tä jeexyë yë tsajpkääky nka'ayëmën. Yë'ëjëty ka'ap tmëët'atë pën putëkëtëpën. E ëëtsajtëm yë Tios yë'ë mëët nyajpatëmë. Paaty myaj'ënëëmëtë ets këtii mtsë'ëkëtëty.

Génesis 49:18

Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

Jeremias 3:23

Ni maas nkatuk'oy'atë koos jam muum nëjkxtë tunkëjxm kopkkëjxm jëëpyë yaxpë ëkë yaxpë jojkpë; jam ma Wintsënën mëti'ipës nTios'ajtëpën, yë Israel ja'ayëty pyatëp ja nitsokën.

Nehemías 9:9

Mijts wa'ats xy'ijxy xynyija'awëy wi'ix ënäty jap Egiptë y'ëyowtën ëëts ja n'ap n'okëty ets mnija'awëy näjyëtu'un ko jyiiytyë yaxtë jam nëë'ëkë'ëm ma yajtijyën Tsapts nëëpë'am.

Génesis 15:1

Ënät yë Tios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Salmos 3:8

Mijts Wintsën mijts myajtsokp; kënu'kx yë mnaax mkajpn.

Isaías 26:3

Wintsën mijts jotkujk xyaj'ity mëti'ipë mëk jyot wyinma'anyën, jä'ä ko mijts mtuk'ijxpäjtëp.

Mateo 28:5

Ënät ja tsajpjotmëtë kukäjpxy t'ënëmaay ja to'oxytyëjktëjkëty: Këtii mtsë'ëkëtë. Nija'apës ko miitsëty Jesús m'ixtaaytyëp mëti'ipë ojts ja ja'ay yajkruutspetyën.

Isaías 30:15

Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

1 Crónicas 11:14

e ko yë Eleazar jëtu'un t'ijxy, atu'uk twinkuwa'këy ja filistejë ja'ayëty jam kam'itkujkm, tääts yë'ë myëtäky, ja filistejë ja'ayëty ojts kyäkta'atë. Jëtu'un'äämpy ja Wintsën tyajmëtäky ja Israel ja'ayëty.

Habacuc 3:8

¿Wi'ix Wintsën, tëë yë mëjnëë xytyukjoot'anpëkyë? ¿Ti tëë yë mejy myaj'ëwa'antä'äkyë? ¿paaty yë mkwaay të xytyukwa'tspety ets të mpety jam ma mkepy wyintëkäämpën tëëpë myëtä'äkyën tsipjotmë?

Oseas 13:9

Nyajkutëkoyäämpy yam mijts Israel ets ka'ap pën myäyëtëty t'akajpxtukëty.

Génesis 46:3

Ënät yë Tios y'ënäny: Ëjts jëtu'un Tios, mëti'ipë mteety Tyiosajtën. Këtii mtsë'ëkë, ko mnëjkxa'any Egiptë, jä'ä ko jamës yë m'u'unk m'ok nyajnimayëja'any ets tu'uk yë kajpn nyajkoja'anyës.

Éxodo 20:20

Tä ja Moisés y'ëtsowëtë: Këtii mtsë'ëkëtë, Tios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

1 Samuel 11:13

E ja Saúl ënätyë ojts tukkajpxë ets y'ënäny: Tyam ni pën mëpaat kya'ooky, jä'ä ko yë Wintsën yë'ë të tyajtso'oky yë Israel kajpn.

1 Samuel 12:16

Paaty yam n'ënëëmëtë ets këtii mye'eymya'atëty jëtu'unts xy'ixtëty ja Wintsën ja myëj'ajtën mëti'ipë yë'ë tyunäämpyën miits mwintuuy mwinkujkëty.

Isaías 7:4

ets xy'ënëëmëty: Mnäkyëwent'atëtëp, je'eyëp ko këtii mtsë'ëkëty ets këtii xyajtëkatsëty yë mwinma'any ko xy'ixëty yë tu'ts nyitoy.

Génesis 26:24

E jä'ä tsu'um ja Tios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.

Salmos 68:21

Tios jëtu'unyë tkë'tswa'kxa'any yë kyëpajk yë myëtsip, ja kyëpajk mëti'ipë ni'ikyë pokytyuun'ëtëtstëpën.

Salmos 78:53

Mëët ojts tyajnëjkxy ja akujkajtën jotkujk'ajtën, këtiipë ja tsë'ëkë tmëët'atëty, e ja myëtsiptëjkëty, nëëjoty ojts kyu'o'këtya'atë ko ja komnëë nyijä'tstëkooyëtë.

Salmos 91:8

Mijts je'eyëmës ko mnajam'aty: ets nëjkx xy'ixy wi'ix yë ëxëëk ja'ay jyatën kyëpätën ets tkumëtowtën yë pyoky.

Oseas 1:7

Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.