Éxodo 13:9 - Biblia Mixe de Quetzaltepec

⁹ Jëtu'un ja'amyetsy xëmë xyaj'itëty tä jeexyë jam tu'uk yë ijxpäjtën xymyëët'atën mkë'ëkëjxmëty ëkë mwinpokëjxmëty, ya'atë ijxpäjtën xëmë mtukja'amyätsëtëp ets xëmë xykyajpxtëty xymyëtya'aktë ja ënä'ämën tëyajtën mëti'ipë ja Tios të tyajwë'ëmyën, mëti'ipë ojts mjuutëtën jap Egiptë mëët ja myëk'ajtën.

Biblia Dc en Mixe de Quetzaltepec

⁹ Jëtu'un ja'amyetsy xëmë xyaj'itëty tä jeexyë jam tu'uk yë ijxpäjtën xymyëët'atën mkë'ëkëjxmëty ëkë mwinpokëjxmëty, ya'atë ijxpäjtën xëmë mtukja'amyätsëtëp ets xëmë xykyajpxtëty xymyëtya'aktë ja ënä'ämën tëyajtën mëti'ipë ja Dios të tyajwë'ëmyën, mëti'ipë ojts mjuutëtën jap Egiptë mëët ja myëk'ajtën.

Éxodo 13:9 ပူးပေါင်းရင်းမြစ်များ

Nehemías 1:10

Ëëtsëty, ëëts mijts xytyuunpë'ajtëpës ets näjyëtu'un ja mnaax mkajpn mëti'ipë ojts xyaj'ëwaatsëpëtsëmyën mëët ja mmëkajtën ets mkutujkën.

Salmos 136:11

Mëti'ipë ojts twoowpëtsëmyën jap Egiptë ja Israel kajpn, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 136:12

Ojts xyajwä'kxy mëët tu'uk yë mëk'ajtën mëjpë këjääpë, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 89:13

Yë mmëkajtën maayëp winë, yë m'a'oykyë'ë mëk yë'ë ets mëtakp oymyaajëty.

Éxodo 12:14

Ya'atë xëëw yë'ë tu'uk mëj'äämpy itëp, mëti'ipë ja Tios jä'ä yajtukmëjjawëpën ets xëmë jëtu'un nëjkx ja'amyetsy xyaj'itë. Ya'atë xëëw jëtu'un xyaj'itëty tä tu'uk yë ënä'ämënën mëti'ipë xëmë ijtëwëpën. Jä'ä ko yë m'u'unk m'ëna'këty kopkpëky ko nëjkx näjyëtu'un tja'amyätstë.

Éxodo 12:41

Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Tios ja nyaax kyajpn tsyo'onë jap Egiptë.

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënäty ëëtsëty nmëtun n'ëyowtën.

Éxodo 13:16

E ya'atë xëëw yë'ë mtukja'amyätsëtëp wi'ix ojts ja Tios jap mjuutëtën Egiptë mëët ja myëk'ajtën, jëtu'un tä jeexyë tu'uk ja tsa'ayajtën xymyëët'atën mkë'ëkëjxmëty ëkë mwinpokëjxmëty.

Éxodo 13:3

Ënät ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënäty je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënäty jëtu'un të tyuny të jyätyë, täänëm nëjkx m'ëxmatsëtë.

Éxodo 7:4

Yë mëj'ënä'ämpë nijënu'un nëjkx kyakäjpxyjyä'äkyukë ets ka'ap tmëpëkëty ja m'aaw m'ayukëty, e ëjts mëj këjääjës yë nmëjajtën ets nkutujkën jap nyaj'ixa'anyë Egiptë, mëët tu'uk yë ënä'ämën kutujkën mëjpë jaantypë njuuta'anyës yë nnaaxës nkajpnës, yë'ë jëtu'un yë Israel kajpn jap Egiptë.

Proverbios 1:9

Jëtu'un xymyëët'atëty tä jeexyë tii janty'oy myajkëxë'ëkyën, tä tu'uk yë nantsëmën ëkë kujänën.

Proverbios 3:21

U'unk maay, wijy kujk xëmë mjuuky'atëty ets këtii nijëna'a xyjyä'äytyëkoyëty yë këpetyajtën.

Proverbios 7:23

ets ok ja jyuukyjot yajtukuumnaxy, jëtu'un tä tu'uk yë joon kyukääkën xuumyjoty ka'apë tnijawë y'ooka'any.

Cantares 8:6

Xyaj'itëpës xëmë ma mjot mwinma'anyën, yaj'ijtkës xëmë ma mkë'ëpa'tkën. Jä'ä ko yë tsojkën ja'awën ka'ap jyëjpkëxy jyëjptuky; yë nätsyok näjyawë xëmë mëpaat juun nyäpyëjktä'äkyë. Yë tsojkën ja'awën Tios yë yäjkpy.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Isaías 40:10

Mëët yë mëk'ajtën ja Wintsën myiny, yë'ë winë të tmëmëtakta'ay mëët ja myëk'ajtën ets mëët ja kyë'ë. Ja nyaax kyajpn jä'ä yajmiimpy mëti'ipë të tyaj'ëwaatsëpëtsëmyën, mëti'ipë jeky të y'ityën wojpë'ëky käjpë'ëky.

Isaías 44:5

Nëjkxëp ja ja'ay y'ënä'äny: Ëjts Wintsënës xyjyä'äy'ajtp, wiinkpë jëtu'un nëjkx nyätyijyë: Jacob xy'u'unk'ajtp xy'ok'ajtpës, wiinkpë jam kyë'ëkëjxm tkëxja'aja'any: Wintsënës xyjyä'ä'ajtp, ets wiinkpë nëjkxëp xyëëw tyajtëkatsy ets nëjkx Israel xëëw tpëjktä'äky.

Isaías 49:16

Miitsëty, jëtu'un njawëtë tä jeexyë yap nkë'ë jootjotyës këxtsa'ay m'itën, ëjts njotjoty nwinma'anyjyotyës jëtu'un jap tyimtëëynyë yë mnaax mkajpnëty.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënäty jëtu'unën tä tu'uk mëj jëyujkën nëëjotypë.

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Jeremias 22:24

Jëtu'un ja Wintsën t'ënëmaay ja Jeconías, yë Joaquim yë myaank mëti'ipë jam Judá yajkutujkpën: Yë njuukyajtënës kë'ëm ntukajpxpejtyp etsës n'ëna'any: Oyxyëp jeexyë mijts jëtu'un mtimyajpatpë nkë'ëkëjxyës tä tu'uk kë'ëjiitsën mëti'ipë ja'ay tyuknokytsyääpyën, mijts je'eyëm njëpëka'any maajës yë nkë'ëjën

Daniel 9:15

Wintsën Tios, mijts ojts xyaj'ixyë mëj'ajtën ko ojts jap Egiptë xyajpëtsëmtës, ma ojts mëj'äämpy nyäxyën yë mxëëw ets tyampaat; e ëëtsëty je'eyës nëë poky të nmëmay të nmëtajtë ets ëxëëk winë të ntuntës.

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

Números 15:39

Jëtu'un'äämpy ko xy'ixtëty ya'atë piity jyo'oky ma mwitëtyën. Ënät nëjkx xyjyä'ämyätstë ja n'ënä'ämën ntëyajtënës, mëti'ipë të nmo'otën ets xypyatuntëty. Ka'ap nëjkx mkë'ëmwinma'anyëty xyajtuntë ets jëtu'un ka'ap winë xy'ëktuunëtëty mëti'ipë xëmë myajtëkooyëtëpën ets ëxëëk myaj'ëtë'ëts myaj'ëna'anëtë.

Mateo 23:5

Yë'ëkyëjxm winë tuntë ets ja ja'ay t'ixtëty. Mëpaatëp wyimpokëjxy ets kyë'ëkëjxy tkëxjaaynyëtë mëti'ipë kuja'ay miinpën: ja wyit yenyjo'oxnë tpëjkta'aktë ets ja ja'ay y'ëna'antëty ko nëkooyë Tios t'ëwtajnëtë.

Romanos 10:8

¿Pën ënaanp?: Ja aaw ayuk wiinko ja yajpaaty ma m'aaw mjotmën. Yë'ë jëtu'un ya'atë ja aaw ayuk mëti'ipës ja'ay n'ëwa'anëtëpën.

Deuteronomio 30:14

Ka'ap tjëkyepy pën jëtu'un y'ëna'anëty jä'ä ko tyaapë ënä'ämën tëyajtën janty winkon yajpaaty ma miitsëtyën; tam ma mwiin m'aawëtyën ets ma mjot mwinma'anyëtyën ets xypyatuntëty.

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Tios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Tios, mtuk'ëne'emyë ko kopkpëky ko xymyëjjawëty yë po'kxënxëëw.

Deuteronomio 6:21

Ets miitsëty xy'ëtsowtëty: Ëëtsëty, yë yajkutujkpë ijty nmëtuun nmë'ëyoowtëpës jap Egiptë, e yë Tios yë'ëjës ojts jap xyajpëtsëmtë mëët yë myëk'ajtën.

Deuteronomio 6:6

Jajta'a tëkokyë mëti'ipë yam të ntuk'ëwaanën,

Deuteronomio 6:8

Ya'atë ënä'ämën tëyajtën jëtu'un xytyimmëët'atëty mjootjoty mwinma'anyjoty tä jeexyë jam mkë'ëkëjxm këxtsumy y'ityën ets tä jeexyë jam mwinpokëjxm këxtsa'ay yajpaatyën.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

Jueces 2:12

Ojts t'ëxmajtsnëtë ja Wintsën ja Tyiosëty ja y'ap y'okëty mëti'ipë ënäty jap të yajpëtsëmëtën Egiptë. Ets ojts nyätyukë'ëtëjkënëtë ja ka'apë tyiosëtyën ets t'ëwtajnëtë, jëtu'un'äämpyts ja Wintsën tyajjoot'anpëjktë.