Éxodo 13:18 - Biblia Mixe de Quetzaltepec

¹⁸ Paaty ojts jamtsow yaj'ëwtitëtë ma ja të'ëts'it të'ëtsjotmën ets jamtsow jya'ajtë ma tu'uk ja mëjmejyën mëti'ipë xyëëwajtypyën Tsaptsmejy. Yë Israel ja'ayëty jëtu'un jap Egiptë myäytsyo'ontë waatswitsy tä yë maytsyiptuunpë tsyoontën.

Biblia Dc en Mixe de Quetzaltepec

¹⁸ Paaty ojts jamtsow yaj'ëwtitëtë ma ja të'ëts'it të'ëtsjotmën ets jamtsow jya'ajtë ma tu'uk ja mëjmejyën mëti'ipë xyëëwajtypyën Tsaptsmejy. Yë Israel ja'ayëty jëtu'un jap Egiptë myäytsyo'ontë waatswitsy tä yë maytsyiptuunpë tsyoontën.

Éxodo 13:18 ပူးပေါင်းရင်းမြစ်များ

Deuteronomio 32:10

Jam ojts tpaaty të'ëts'itjotm, ma ënäty je'eyë jyëënpojyën ets naaxway je'eyë këëynyääpy, jëtu'un ojts tkëwent'aty tä u'unk maay yajpity yajmotsyën, ets yajtseeny yajkonyën, ojts yajxon tnë'ëwinwoy tu'uwinwoy, ojts mëk tkëwent'ajty, jëtu'un tä ja'ay yë wyiinsantë tkëwent'atyën, janty tii mëpaat t'ëktukpaaty.

Éxodo 14:2

Ënëëmë yë Israel ja'ayëty wä'än twinpitë ma it naaxwiinyëtën mëti'ipë xyëëwajtypyën Pi-hahirot mëti'ipë itkujky wë'ëmpën ma txëëwatyën Migdol mëët yë mejy, wintuuytsyow ma txëëwatyën Baal-zefón. Jamts tkojtëty yë wyitëjkëty mëti'ipë tyuktsëënëtëpën, ma tääpë naaxën winkonpë ma mejyën.

Éxodo 12:51

Jä'ä xëëw ojts ja Wintsën jap tju'tnë Egiptë ja nyaax kyajpn.

Salmos 107:7

ets ojts yajnëjkxëtë ma ja naax kajpnën ma jotkujk jyuuky'atëtyën.

Josue 1:14

Yajwë'ëmtë yaa yë mto'oxytyëjkëty, m'u'unk m'ëna'këty mjëyujk mtsajpkaajëty ma ya'atë it naaxwiinyëtën mëti'ipë yë Moisés mooyëtën ma ka'ap yë Jordán mëjnëë yajtuknaxynyëmën. E tëkokyë yë ye'etyëjkëty wä'än tso'onta'atë ets myëku'uk twinye'eytyëty,

Deuteronomio 17:16

Ja ja'ay mëti'ipë ënäty ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

Josue 4:12

Ojts näjyëtu'un tuknaxtë ja mëjnëë ja ja'ayëty mëti'ipë tsip'ixëtyën, yë Rubén yë jyä'äy, Gad yë jyä'äy ets kujkwä'kxy yë Manasés yë jyä'äy. Tyaapë ja'ayëty jëjp'ixy ënäty tyim'itë mëët ja mëti'ipë myëtsiptuuntëpën, xëmë jëjp'am ye'eytyë ma ja myëku'uktëjkëtyën, jëtu'un tä ënäty ja Moisés të tni'ënä'ämën ma ënäty jyaak juukyëtynyëm.

Josue 4:13

Ja ja'ayëty mëti'ipë tsip'ixyëtyën jä'ä nyimay'ajtë wëxtyikxy mil ets jëjp'ixy tyimyajpaatë mëët ja mëti'ipë myëtsiptuuntëpën oy jëna'a tsyokëtëty. Waatswitsy ye'eytyë Tios wintum ets jamtsow nyëjkxtë ma ja joyjyotën mëti'ipë yë Jericó nyitënääpyën.

Salmos 136:16

Mëti'ipë ojts ja nyaax kyajpn twoownëjkxyën jam të'ëts'itjotm, jä'ä ko yë tsyojkën jya'awën winë xëëw winë jëmëjt yë y'ijtëy.

Génesis 50:25

Ënät ojts tuknikäjpxy yë Israel yë y'u'unk y'ëna'k ets t'ënëmaay: Tëyajtën yë'ë ko Tios yë'ë mniminanëtëp. Ko jëtu'un nëjkx jyäty kyëpety myajtso'onta'atëp yaa yë nwaay npajkës.

Éxodo 14:9

Tëkokyë yë tsiptuunpëtëjkëty japë Egiptë ojts tmëtso'onta'atë yë kepy wintëkäämpë ets kyëwaayëty, tääts ojts tpatsoontë ja Israel ja'ayëty; jam tnajtspatëtyë ma ja it txëëwatyën Pi-hahirot, mëti'ipë winkon wë'ëmpën mëët ja it mëti'ipë yajtijpën Baal-zefón, ma jam tu'uk ja mëjnëë jyënäkyën, ma ja Israel ja'ayëty ënäty të tsyënaaytyaknpëktën.

Salmos 68:8

ojts yë naaxwiinyëtë yu'kxy ets ojts yë mëk komtuu kyëtä'äky naaxkëjxy mëti'ipë tsajpwinm tso'onpën, yë Sinaí kopk näjyëtu'un jyänty yu'kxtäky Tios wyintuuy, ma ja Israel ja'ay Tyiosëtyën.