Éxodo 13:14 - Biblia Mixe de Quetzaltepec

¹⁴ E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënäty ëëtsëty nmëtun n'ëyowtën.

Biblia Dc en Mixe de Quetzaltepec

¹⁴ E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënety ëëtsëty nmëtun n'ëyowtën.

Éxodo 13:14 ပူးပေါင်းရင်းမြစ်များ

Josue 4:6

Yë'ë nëjkx jëna'a xytyukja'amyätstë ko tyam xytyuknaxtë ya'atë mëjnëë ets ko ënäty jëna'a ja m'u'unk m'ëna'k myajtëwëtë: ¿Ya'atë tsaa nipiiwpetypë y'ityën tiijën jyanikäjpxyp?

Éxodo 13:3

Ënät ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënäty je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Salmos 145:4

Yë naaxwiinyëtë ja'ayëty xëmë nëjkx tmëjpëjkta'aktë mëti'ipë të xyajkojyën, yajnimëtya'akaanp mëti'ipë të xytyuny të xykyäjpxyën.

Josue 22:24

Mëti'ipë tëy, tyam yajxon ntuk'ëwaanëtëty, ëëtsëty paatyës ya'atë wintsë'këntyakn të nyajpëtë'ëktë këtiipë jëna'a miitsëty ja m'u'unk m'ëna'këty t'ënëëmëtëty ëëts ja n'u'unk n'ëna'këty: ¿Miitsëty wi'ix ko yë Wintsën xy'ëwtajtëpë?, kajts miitsëty xyTios'atë.

Éxodo 13:9

Jëtu'un ja'amyetsy xëmë xyaj'itëty tä jeexyë jam tu'uk yë ijxpäjtën xymyëët'atën mkë'ëkëjxmëty ëkë mwinpokëjxmëty, ya'atë ijxpäjtën xëmë mtukja'amyätsëtëp ets xëmë xykyajpxtëty xymyëtya'aktë ja ënä'ämën tëyajtën mëti'ipë ja Tios të tyajwë'ëmyën, mëti'ipë ojts mjuutëtën jap Egiptë mëët ja myëk'ajtën.

Éxodo 10:2

Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënäty të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Génesis 30:33

Ko mijts jëna'a min xy'ixy, mëti'ipës ënäty njä'ä'ajtypyën, jää m'ëna'anëty koos ëjts ënäty yë oyjyot oywyinma'any nmëët'aty e ko xypyaatëty maas ja nkemyjyotën ja tsajppax, mëti'ipë ka'ap yëkëtyën ets mëti'ipë ka'ap myoxkeetsyëtyën ets ka'apë jyaamëtyën, nme'tsypës ënäty.

Hechos 13:17

Ja Tios, mëti'ipë ja Israel ja'ay Tyios'ajtëpën, jä'ä ojts twin'ixy ja nteety'ajt n'ap'ajtëmë ets ojts tyajnimayë ko tsyënaaytyë jap Egiptë. Ok ojts tyajpëtsëmy mëët ja myëk'ajtën mëkpë.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Éxodo 13:8

Jä'ä xëëw nëjkx yë m'u'unkëty m'ëna'këty xytyukmëmëtya'aktë. Ya'atë yajtunyën yë'ë yajtukja'amyäjtsp ko ojts ja Tios mëj këjää winë tuny tkäjpxy ma ëëtsëtyën, koos jap xyajpëtsëëmtë ma Egiptë kajpnën.

Salmos 78:4

Ka'ap ntukwinkuyu'utsa'anëm ja n'u'unk'ajt n'ok'ajtëm. Mëët ja pi'k ëna'këty mëti'ipë juuky'atantëpnëm, yë'ë mëët ntukxoontakmëty ja Wintsën ets nikajpx nnimëtyakmëty ja kyutujkën ets myëj'ajtën.

Éxodo 6:1

Ënät ja Tios y'ëtsoowë: Tyam xy'ixtëty wi'ixës yam yë mëj'ënä'ämpë ntuna'anyën, yë'ë atsip nëjkx m'ëxmajtsënëtë ma nyaax kyajpnën, yë'ëpaat nëjkx kë'ëm y'ënanë: Nëjkxtë.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Éxodo 12:41

Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Tios ja nyaax kyajpn tsyo'onë jap Egiptë.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënäty mmëtuny m'ëyoyën.

Deuteronomio 5:6

Ëjts jëtu'un Wintsën, mëti'ipë mijts mTios'ajtypyën ets jap nju'ty Egiptë, ma ënäty m'ëyoyën mmëtunyën.

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Tios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Tios, mtuk'ëne'emyë ko kopkpëky ko xymyëjjawëty yë po'kxënxëëw.

Deuteronomio 6:12

Ko ënäty jëtu'un tyunyë jyätyë, këtii xyjyä'äytyëkoytyëty ja Tios, mëti'ipë ojts mjuutëtën jap Egiptë ma ënäty mëtun m'ëyowtë.

Josue 24:17

Yë Wintsën yë'ë jëtu'un ojts jap xyjyuutës Egiptë kajpnjoty ets näjyëtu'un ja n'ap n'okëtyës, ma ënäty jap je'eyë n'ëyow nmëtuntësën. Ojts mëj këjää ja myëj'ajtën tyaj'ixyë ets ojts xypyutëkëtës koos në'ë'am tu'u'am nyajpatë ets koos kanaak yë naax kajpn ntuknajxtë.

Jueces 2:12

Ojts t'ëxmajtsnëtë ja Wintsën ja Tyiosëty ja y'ap y'okëty mëti'ipë ënäty jap të yajpëtsëmëtën Egiptë. Ets ojts nyätyukë'ëtëjkënëtë ja ka'apë tyiosëtyën ets t'ëwtajnëtë, jëtu'un'äämpyts ja Wintsën tyajjoot'anpëjktë.

Jueces 6:8

ojts tyuknikäxëtë tu'uk yë tyuunpë mëti'ipë winë y'akäjpxypën ets y'ënëmaayëtë: Ëjts miits tu njuutë jap Egiptë ma ënäty jap je'eyë mëtun m'ëyowtën

1 Crónicas 16:12

Ja'amyätstë ja mëjpë këjääpë të tuny të tkäjpxyën ets ja ijx ka'ijxënpë, ja'amyätstë näjyëtu'un ja y'aaw y'ayuk mëti'ipë të tyajwë'ëmyën:

Nehemías 1:10

Ëëtsëty, ëëts mijts xytyuunpë'ajtëpës ets näjyëtu'un ja mnaax mkajpn mëti'ipë ojts xyaj'ëwaatsëpëtsëmyën mëët ja mmëkajtën ets mkutujkën.

Salmos 136:11

Mëti'ipë ojts twoowpëtsëmyën jap Egiptë ja Israel kajpn, jä'ä ko yë tsyojkën jya'awën winë xëëw winë jëmëjt yë y'ijtëy.

Jeremias 34:13

Ëjts, maas nWintsën'atyën, mëti'ipë yë Israel ja'ayëty Tyios'ajtëpën, ojtsës tu'uk ntuny yë käjpxytyu'unën mëët yë m'ap m'okëty koos jap nyajpëtsëëmtë Egiptë, ma ënäty myëtuntën y'ëyowtën. Ojtsës ntuk'ënä'ämtë

Daniel 9:15

Wintsën Tios, mijts ojts xyaj'ixyë mëj'ajtën ko ojts jap Egiptë xyajpëtsëmtës, ma ojts mëj'äämpy nyäxyën yë mxëëw ets tyampaat; e ëëtsëty je'eyës nëë poky të nmëmay të nmëtajtë ets ëxëëk winë të ntuntës.