Éxodo 13:10 - Biblia Mixe de Quetzaltepec

¹⁰ Paaty miitsëty winjëmëjt ya'atë xëëw xytyuntëty ma ënäty tpaatyën.

Biblia Dc en Mixe de Quetzaltepec

¹⁰ Paaty miitsëty winjëmëjt ya'atë xëëw xytyuntëty ma ënety tpaatyën.

Éxodo 13:10 ပူးပေါင်းရင်းမြစ်များ

Éxodo 12:14

Ya'atë xëëw yë'ë tu'uk mëj'äämpy itëp, mëti'ipë ja Tios jä'ä yajtukmëjjawëpën ets xëmë jëtu'un nëjkx ja'amyetsy xyaj'itë. Ya'atë xëëw jëtu'un xyaj'itëty tä tu'uk yë ënä'ämënën mëti'ipë xëmë ijtëwëpën. Jä'ä ko yë m'u'unk m'ëna'këty kopkpëky ko nëjkx näjyëtu'un tja'amyätstë.

Levitico 23:6

E ma myajkmajkts'anyën ja po'o, nän yë'ë ja mëtu'kpo'opë, yë'ë jä'ä mnixëëwtuntëp ja tsajpkääky, mëti'ipë jëtu'unyë yajkääpyëm ka'ap tsyooymyëëtëty, jä'ä nän Tios jëtu'un jä'ä yajmëjjawëp. Wëxtujk xëëw ja tsajpkääky jëtu'un xykyäytyëty, mëti'ipë ka'ap tsyooymyëëtëtyën.

Éxodo 23:15

Mxëëwtuntëp ma ja tsajpkääky yajkayën jëtu'unyëpë ka'apë tsyooymyëëtëty, jëtu'un tä të ntuk'ëne'emyën, wëxtujk xëëw xykyäyëty yë tsajpkääky ka'apë tsyooymyëëtëtyën. Ya'atë xëëw jää xytyuntëty ma ja xëëw po'o y'änyën mëti'ipë xyëëwajtypyën Abib, jä'ä ko jä'ä po'o ojts jap mtsoontë Egiptë. Ets maas ëjtsën ni pën mëpaat kyaminy jëtu'unyë pën ka'ap tii tmëminy.

Éxodo 12:17

Ya'atë xëëw ma ja tsajpkääky xykyäytyën ka'apë tsyooymyëëtëtyën, mtuntëp jëtu'un ya'atë xëëw xëmë ets ja'amyetsy nëjkx xyaj'itë. Jä'ä ko jää ojts miitsëty njuutë jap Egiptë. Ya'atë, jëtu'un yam wyi'imy tä tu'uk yë ënä'ämënën, oy yë'ëjëty yë m'u'unk m'ëna'këty ets m'ok'u'unk m'ok'ëna'këty nëjkxëp tmëjjawëtë ets xyëëwtuntë.

Éxodo 12:42

Yë Tios ojts kë'ëm yë nyaax kyajpn timkyëwent'aty jä'ä tsu'um ets tju'ty jap Egiptë, yë tääpë kootsajtën Tios ojts tjä'äniwa'any, paaty yë Israel ja'ayëty xëmë winjëmëjt ya'atë tsu'um'ajtën tja'amyätstëty ets jëtu'un ja'amyetsy y'itëty u'unk ok.

Éxodo 13:5

Ya'atë po'o nëjkx mxëëwtuntë, ko jam myajpatnëtëty, ma ënäty ja Tios të mwoownëjkxëtën, ma ja jë'kxy pëky ka'ap y'ëmaaytyä'äkyën. Jam ma tsyëënëtën yë Canaán ja'ayëty, Hit ja'ayëty, Amor ja'ayëty, Heve ja'ayëty ets Jebús ja'ayëty, mëti'ipë ojts tukwinwanën ja aptëjk, ko miitsëty mo'oja'anëtë.