Éxodo 12:3 - Biblia Mixe de Quetzaltepec

³ Jëtu'un xy'ënëëmëty tëkokyë yë Israel ja'ay: Ko ya'atë po'o myajk'anëty, jää nëjkx xyaj'ooktë nitu'ukjaty yë mtsajppaxëty ëkë mkupixynyëty ets nitëkokyë jëtu'un maajaty yë jëën tëjkën.

Biblia Dc en Mixe de Quetzaltepec

³ Jëtu'un xy'ënëëmëty tëkokyë yë Israel ja'ay: Ko ya'atë po'o myajk'anëty, jää nëjkx xyaj'ooktë nitu'ukjaty yë mtsajppaxëty ëkë mkupixynyëty ets nitëkokyë jëtu'un maajaty yë jëën tëjkën.

Éxodo 12:3 ပူးပေါင်းရင်းမြစ်များ

Génesis 22:8

Tä ja tyeety y'ëtsooy: Tios nyija'ap wi'ix tyaka'any yë jëyujk mëti'ipë yajtukwintsë'ëkëpën. E ënät jatëkok ye'eytsyo'ontë.

Génesis 4:4

Näyjyëtu'un yë Abel ojts tmënëjkxy ma Wintsënën tu'uk yë kupixyny, mëti'ipë kä'äxkopkën ets oy mëk. Yë Wintsën oy ojts t'ixy ja Abel ja wyintsë'kën mëti'ipë yajkën,

2 Crónicas 35:7

Josías ojts ja mayjyä'äy tmo'oy ja tsajpkaa, kupixyny, mëti'ipë wintsë'kën'atëpën ma ja ëmaayxyëëwën: ja kupixyny ets tsajppax jä'ä nyiwinë'ajty i'px majk mil, ëpëky ja tsajpkaa tëkëëk mil.

Éxodo 12:2

Ya'atë po'o myiny kyëtä'äkyën, yë'ë tu'uk yë po'o mëti'ipë mëj'äämpy mjëkyäptëpën; yë'ë mëti'ipë më''ëka'any timtso'ontakpën, ko yë jëmëjt tsyo'ontä'äky.

Éxodo 12:21

Ënät ja Moisés tmëkajpxmujktaay ja mëjja'aytyëjkëty jampë yajpaatën ma ja Israel kajpnën ets t'ënëmaay: Nëjkx yaj'ooktë tu'uk yë mtsajppaxëty ëkë mkupixynyëty mëti'ipë mtsu'utstëpën ets xynyixëëwtuntëty yë ëmaayxyëëw.

Éxodo 12:4

E ko ja ja'ayëty nyiwäänë'atëty ma tu'uk ja jëën tëjkën, jyëkyäpëp twowëty ja myëjëën myëtëjk ets ja tuka'any jä'ä mëët tukmuktëty ets tsu'utstëty tukkaytyëty, tu'knax mëpaat tyajwa'kxtë ja tuka'any ja ja'ayëty ijxtëm naje'eyë tukkaytyëtyën.

Éxodo 12:6

Jam xymyëët'atëty ets këwent'aty xyaj'itëty koonëm ënäty ja xëëw tpaaty ma ya'atë po'o myajkmajkts anyën. Tukë'ëyë ja Israel ja'ayëty jää nëjkx tyaj'ooktë ja tsyajppaxëty ëkë kyupixynyëty ko jyënäkyxyëëw'atëty.

Éxodo 14:15

Ënät yë Tios t'ënëmaay yë Moisés: ¿Wi'ixës ko xy'amëtoy yë putëjkën pupäjtën? Ënëëmë yë Israel ja'ayëty wä'än tu'uye'eytyë.

Éxodo 20:19

Paaty t'ënëmaaytyë ja Moisés: Mijts ëëts mëëtmëtyaktëk ets npatuntëtyës tëkokyë, mëti'ipë ënäty mnikäjpxypën. Ka'apës ntsoktë ets Tios yë'ë xymyëkajpxtëtyës, jä'ä ko tsojkës xy'ëkyaj'o'ktaaynyëtëty.

Éxodo 4:30

ja Aarón ojts tnimëtyakta'ay ja aaw ayuk jëtu'un tä ënäty ja Moisés ja Tios të y'ënë'ëmxëtyën, ojts tyaj'ixëtë ja mëj'ajtën mëti'ipë ënäty ja Tios të tyuk'ënä'ämëtën tuntëty.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Ezequiel 40:1

Ma myajk anyën yë po'o, jä'ä xëëw ma jemy jëmëjtën, ojts yë Wintsën yë kyë'ë tpëjktä'äky maas ëjtsën ets ojts nwin'ixyës xywyoownëjkxy jam ma Israel nyaaxjotmën. I'px mëkoxk jajëmëjt y'apäjnë ma ënäty të nyajmënëjkxtënës tsum matsy jam Babilonyë ets majkmajkts jëmëjt ma ënäty ja Jerusalén kajpn të yajnitëkën. Jam ma Israel yë nyaaxjotmën jam ojts yë Wintsën xyajpetyës ma tu'uk yë kopkën; jam n'ijxpatyës ëpa'tkë'ëmtsow, tamtëm yë tëjk jyätyë, mëj kajpnën kyëxë'ëky.

Levitico 1:2

Mëëtmëtya'ak yë Israel ja'ayëty ets xy'ënëëmëty, koos pën xytyukniminëty yë jëyujk ets xymyo'oja'anëtyës tä tu'uk yë ayajk ako'onën, yë'ë xytyukniminëpës mëti'ipë tsyajpkaa'ajtypyën ëkë mëti'ipë kyupixyny'äjtypyën.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Números 15:11

Ya'atë mëpaat tuntë ko tyaktëty tu'uk yë tsajpkaayä'äy, tu'uk yë kupixyny yä'äy mëti'ipë të yä'kpetyën, tu'uk yë kupixyny ayääkë, ëkë tu'uk yë tsajppax ayääkë.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Tios wyintsë'kën mëti'ipë ja naaxwiinyëtë ja'ay yajpokywyätsëpën.

Juan 1:36

Ko t'ijxy ja Jesús nyäxy ets y'ënäny: Ixtë, yë'ë ya'atë Tios wyintsë'kën, ijxtëm ja kupixyny u'unkën.

Juan 12:1

Ja tëtujk xëëw ënäty ja ëmaayxyëëw tkapaaty ko ja Jesús ojts nyijkx Betania, ma ja Lázaro ijty tsyëënën mëti'ipë ënäty të tyajjuukpyikyën.

Juan 12:12

May ënäty ja ja'ay të nyëjkxtë jam Jerusalén xëëw'ajtpë ëmaay xyëëwjoty. Komjëpom ojts tnijawëtë ko ja Jesús jam jya'ta'any kajpnjotm.

1 Corintios 5:7

Ixmatstë tääpë ëxëëk winma'any mëti'ipë myajma'tëtëpën. Ets jëtu'un m'itëty ijxtëm ja tsajpkääkyën wa'atspë, mëti'ipë yajkääpyën ëmaay xyëëwjoty. Jä'ä ko Kristë, yë'ë jëtu'un ijxtëm ja Kupixyny U'unkën, mëti'ipë ojts xykyu'o'k xykyutëko'oyëmën.

Josue 7:14

Ko jyëpom'atëty tu'kja'ayjyäty yaa myajtsoktë, ja mëti'ipës ënäty nikäjpxypën, aak tu'kmëkukajpn nëjkx xymyëjyaaxë, aak tu'kjëën tu'ktëjk nëjkx xymyëjyaxëtyä'äy, e ja mëti'ipës ënäty ni''ijxëpën ma ja tu'kjëën tu'ktëjkpën, jä'äts nëjkx xymyëjyaxëtyä'äy ja ye'etyëjktëjk.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

1 Samuel 7:9

Ënät yë Samuel ojts tu'uk tyaj'ooky yë kupixyny u'unk ets tukwinno'ky yë Tios, ets tkunu'kxtäky ja Israel ja'ayëty, e ja Wintsën ojts ja jyänty y'ëtsoyë.