Éxodo 12:27 - Biblia Mixe de Quetzaltepec

²⁷ Tääts nëjkx xy'ëtsowtë: Ya'atë jëyujk yë'ë tu'uk yë wintsë'kën mëti'ipë yajtukmëjja'awëpën yë ëmaayxyëëw ma ja Tios yajmëjjawën. Mëët ko tëkokyë tyaj'o'ktaay ja kä'äxkopktëjk jap Egiptë ets ko ja Israel ja'ayëty jëkäm ja jyëën tyëjkëty yajnanajxtë ma ënäty jap tsyëënëtën Egiptë ets jëtu'un'äämpy ojts tyajtso'oky ja nja'ayajtëmë. Ënät ja Israel ja'ayëty wyintak nyaaxkoowtë ets ja Wintsën tmëjja'aw tjaantyjya'awëtyë.

Biblia Dc en Mixe de Quetzaltepec

²⁷ Tääts nëjkx xy'ëtsowtë: Ya'atë jëyujk yë'ë tu'uk yë wintsë'kën mëti'ipë yajtukmëjja'awëpën yë ëmaayxyëëw ma ja Dios yajmëjjawën. Mëët ko tëkokyë tyaj'o'ktaay ja kä'äxkopktëjk jap Egiptë ets ko ja Israel ja'ayëty jëkäm ja jyëën tyëjkëty yajnanajxtë ma ënety jap tsyëënëtën Egiptë ets jëtu'un'äämpy ojts tyajtso'oky ja nja'ayajtëmë. Ënet ja Israel ja'ayëty wyintak nyaaxkoowtë ets ja Wintsën tmëjja'aw tjaantyjya'awëtyë.

Éxodo 12:27 ပူးပေါင်းရင်းမြစ်များ

Éxodo 4:31

Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënäty ja Tios myëmay myëtajëtë ets ko ënäty tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Tios t'ëwtatën.

Éxodo 12:11

Tëë ënäty ja mwit mtujkxy xytyuktëjkënyëtë ets tëë ënäty ja mkë'ëkëty xykyëxjäänëtë mtekykyijxy, jëtu'unyë nëjkx ye'epy mjaakkay mjaaktsu'utstë, jä'ä ko Wintsën jää y'ëmaayxyëëw itaanp.

1 Corintios 5:7

Ixmatstë tääpë ëxëëk winma'any mëti'ipë myajma'tëtëpën. Ets jëtu'un m'itëty ijxtëm ja tsajpkääkyën wa'atspë, mëti'ipë yajkääpyën ëmaay xyëëwjoty. Jä'ä ko Kristë, yë'ë jëtu'un ijxtëm ja Kupixyny U'unkën, mëti'ipë ojts xykyu'o'k xykyutëko'oyëmën.

Éxodo 12:23

Ko ja Wintsën jam nyaxëty, mëti'ipë yajja'ay'o'kpën ma ja Egiptë kajpnën, ja ne'pny jä'ä y'ixëp mëti'ipë ënäty jamën ma ja mtëjk'aawëtyën ets jëkäm mnanaxëtëty. Jëtu'un'äämpy ka'ap tjëkyäpëty wi'ix nyatëkëtyën ma ja mjëën mtëjkëtyën ets yajja'ay'ookëty.

Nehemías 8:6

Ënät ja Esdras tyëjkëy ëëpë xoontakpë tyajnaxy ja kukajpxën ja'awëkyëtakën ma ja Wintsënën, mëti'ipë Tios'ajtpën, mëti'ipë maaytyääyëpën winë, ets ja ja'ay y'ëtsoowtaaytyë ets xyajjë'ktaaytyë: Jëtu'un, jëtu'un, Tääts nyäkyoxtënaaytyakëtë ets t'ëwtajtë ja Wintsën.

2 Crónicas 29:30

Ja yajkutujkpë ets ja kutuunktëjkëty ojts t'amëtowtë ja xuxpë ets ja ëëwpë ets y'ëwtëty ya'axtëty, mëti'ipë ja David yaj'o'oyëyën ets Asaf. Yë'ë ënätyë tyëjkëtyë ëëwpë yaxpë ets t'ëwtajt tmëja'awëtyë ja Wintsën.

2 Crónicas 20:18

Ënät ja Josafat nyäkyoxtënaaytyakë ets nyaax'ijxy nyaaxkooy ets ja Jerusalén ja'ayëty, Judá ja'ayëty näjyëtu'un, t'ëwtajtë tmënu'kxtaktë ja Wintsën.

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënät ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

Deuteronomio 16:5

Ja wintsë'kën mëti'ipë myajktëpën ma ëmaayxyëëwën, ka'ap tjëkyepy oymyaajëty xyaktëty

Deuteronomio 16:2

Ma ja ëmaayxyëëwën yë'ë nëjkx yë Tios xytyukwintsë'ëkëtë yë kupixyny ets tsajpkaato'oxy, jam nëjkx xymyënëjkxtë ma ja it naaxwiinyëtën mëti'ipë ënäty yë'ë të twin'ixyën ets jam ja xyëëw yaja'amyätsëty.

Éxodo 34:25

Ko xyaktëty tu'uk yë jëyujk tsajpkaa tä tu'uk yë wintsë'kënën, këtii xyaktëty yë ne'pny mëët yë tsajpkääky mëti'ipë tsooymyëëtën tu'kmukyë, ko nyatëkëty ja mëti'ipë ënäty të wyintsë'kën'atyën, këtii xypyëjkë'ëktëty ets komjëpom xytyukjëjp'ixtëty ja ëmaayxyëëw.

Éxodo 34:8

Ënät ja Moisés poj'am nyäjyijtakë ets wyintäky nyaaxkooy ets ojts t'ëwtaty ja Tios,

Éxodo 10:2

Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënäty të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Éxodo 12:28

E ënät ojts nyëjkxta'atë ets tuuntë tä ënäty ja Wintsën të tuk'ëne'emyën ja Moisés ets ja Aarón.

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënäty ëëtsëty nmëtun n'ëyowtën.

Salmos 44:1

Mijts Tios, tëës nmëtowtë mëët yë nkë'ëmtatskëtyës, ets ojts xytyukmëmëtya'aktës yë n'ap n'okëtyës wi'ix ojts winë xytyunyën tëëyëp ko yë'ëjëty jyuuky'ajtë.

Éxodo 13:8

Jä'ä xëëw nëjkx yë m'u'unkëty m'ëna'këty xytyukmëmëtya'aktë. Ya'atë yajtunyën yë'ë yajtukja'amyäjtsp ko ojts ja Tios mëj këjää winë tuny tkäjpxy ma ëëtsëtyën, koos jap xyajpëtsëëmtë ma Egiptë kajpnën.

Salmos 78:5

Tios ojts tu'uk tpëjktä'äky yë ënä'ämën mëti'ipë tyukmëwë'ëmën yë Jacob, ojts tu'uk yë ënä'ämën tpëjktä'äky mëti'ipë yë Israel kajpn pyatunëpën, ets ojts tuk'ëne'emy ja n'ap'ajt n'ok'ajtëm ets tuk'ëwaanëtëty tukni''ixëtëty ja y'u'unk y'okëty,