Éxodo 12:26 - Biblia Mixe de Quetzaltepec

²⁶ E ko ënäty ja m'u'unk m'ëna'këty jëna'a myajtëwëtë: ¿Tiitën mnixëëwtuuntëp?

Biblia Dc en Mixe de Quetzaltepec

²⁶ E ko ënety ja m'u'unk m'ëna'këty jëna'a myajtëwëtë: ¿Tiitën mnixëëwtuuntëp?

Éxodo 12:26 ပူးပေါင်းရင်းမြစ်များ

Deuteronomio 32:7

Ëkmëmay ëkmëtaj, ets ëkja'amyäts ja tëëyëpë; pën ka'ap xyjyä'äymyetsy, yajtëw ja mteety mtaak, wä'än mtukmëmëtyä'äkyë:

Salmos 145:4

Yë naaxwiinyëtë ja'ayëty xëmë nëjkx tmëjpëjkta'aktë mëti'ipë të xyajkojyën, yajnimëtya'akaanp mëti'ipë të xytyuny të xykyäjpxyën.

Efesios 6:4

Miits taak teetyëty ka'ap m'u'unk m'ëna'k xyajjoot'anpëktëty, ëëwij kajpxwijtë yajxon ets tuk'ix tuknijawëtë wi'ix tuntëty mëti'ipë Wintsën tsyojkpyën.

Isaías 38:19

Yi'iyë tëy mëti'ipë juuky'ajtëpën jyëkyäjptëp wi'ix mwin'ëw mwinya'axëtëty, jëtu'un tääjës ëjts tyam ntunyën.

Deuteronomio 11:19

Yë m'u'unk m'ëna'këty nëjkxëp xytyuk'ëwaanëtë ets xytyukni''ixëtë ya'atë aaw ayuk, wä'än tjamëty ma mjëën mtëjkëtyën, ma në'ë tu'ujën, ëkë ma ënäty ma'ajan mpo'kxanëtën; näjyëtu'un ko ënäty ma'aypyëtë'ëktë.

Deuteronomio 6:7

ets xytyukni''ixëty xëmë ja m'u'unk m'ëna'k, mtukmëmëtya'akëp oy jyapëty tëkoty, në'ë'am tu'u'am; ko ma'ajan mpo'kxanëty ets ko ma'aypyëtë'ëkëty.

Éxodo 13:22

Ja yoots jä'ä ënäty xëmë jëwyiin nëjkxp ko xyiiny'äty, e ja jëën jä'ä jëyëjp nëjkxp ko kyoots'aty.

Éxodo 10:2

Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënäty të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Éxodo 12:25

Ko ënäty miitsëty jam të mja'ajnëtë ma ja naaxwiinyëtën mëti'ipë ja Tios mo'ojanëtëpën, jëtu'un tä yë'ë twinwa'anëyën, ya'atë xëëw je'eyëm jam xytyuun'ëtë'ëtstëty.

Salmos 44:1

Mijts Tios, tëës nmëtowtë mëët yë nkë'ëmtatskëtyës, ets ojts xytyukmëmëtya'aktës yë n'ap n'okëtyës wi'ix ojts winë xytyunyën tëëyëp ko yë'ëjëty jyuuky'ajtë.

Deuteronomio 6:20

Ko jëna'a ja m'u'unk m'ëna'k myajtëwëtëty: ¿Tii ya'atë y'antijpy ko y'ënä'äny ja ënä'ämën tëyajtën, aaw ayuk ets ja najts'ë'ëw najtskajpxën, mëti'ipë yë nWintsën nTios'ajtëm të tni'ënä'ämën yajpatunëty?