Éxodo 12:21 - Biblia Mixe de Quetzaltepec

²¹ Ënät ja Moisés tmëkajpxmujktaay ja mëjja'aytyëjkëty jampë yajpaatën ma ja Israel kajpnën ets t'ënëmaay: Nëjkx yaj'ooktë tu'uk yë mtsajppaxëty ëkë mkupixynyëty mëti'ipë mtsu'utstëpën ets xynyixëëwtuntëty yë ëmaayxyëëw.

Biblia Dc en Mixe de Quetzaltepec

²¹ Ënet ja Moisés tmëkajpxmujktaay ja mëjja'aytyëjkëty jampë yajpaatën ma ja Israel kajpnën ets t'ënëmaay: Nëjkx yaj'ooktë tu'uk yë mtsajppaxëty ëkë mkupixynyëty mëti'ipë mtsu'utstëpën ets xynyixëëwtuntëty yë ëmaayxyëëw.

Éxodo 12:21 ပူးပေါင်းရင်းမြစ်များ

Éxodo 12:3

Jëtu'un xy'ënëëmëty tëkokyë yë Israel ja'ay: Ko ya'atë po'o myajk'anëty, jää nëjkx xyaj'ooktë nitu'ukjaty yë mtsajppaxëty ëkë mkupixynyëty ets nitëkokyë jëtu'un maajaty yë jëën tëjkën.

Esdras 6:20

Ja teetyëty ets ja Leví ja'ayëty tëë ënäty tpaatë ja näypyuj näjyä'ätsë. Tää tkë'ëyajktë ja wintsë'kën ma ja Wintsënën, tnixëëwtuntë ëmaayxyëëw, jä'ä yatukunajxtëp ja Israel ja'ayëty mëti'ipë ënäty ëxwopy ixkexy të y'itën ets ja myëku'uktëjkëty teetytyëjkëty ets yë'ëjëty.

2 Reyes 23:21

Ënät ja yajkutujkpë ojts tni'ënä'ämë ets ja ja'ayëty ni'ëmukë tmëjawëtëty ja ëmaayxyëëw ma ja Wintsën yajmëjjaw yajkënu'kxyjyawën, jëtu'un tä ënäty jap myinyën kuja'ay ma ja nokyën mëti'ipë myëët'ajtypyën ja käjpxytyu'unën.

Josue 5:10

Yë Israel ja'ayëty jam ojts tsyënaaytyaknpëktë Guilgal, e ko myajkmajkts'aany ja po'o jää ojts tnixëëwtuntë ja ëmaayxyëëw, ma ja mëj joyën mëti'ipë Jericó kajpn jyä'ä'ajtypyën.

Números 11:16

Ënät ja Tios y'ëtsoowë: Yajtu'ukmuk nitëkë'px majk yë mëjja'aytyëjk Israel ja'ayëty, mëti'ipë m'a'ijxëpën ko mëj'äämpy y'itë ma ja kajpnën. Ets xywyoowminëty ma wit tëjkën ma näpyaatë y'ityën mëët yë Tios. Jam y'ëwxitëty mëët mijts.

Éxodo 19:7

Ënät ja Moisés ojts nyijkxy ets tmëkajpxmujktaay ja mëjja'aytyëjkëty, mëti'ipë ënäty nyimëjja'ay'ajtëpën ja naax kajpn ets ojts tukmëmëtyakta'ay ja aaw ayuk tä ënäty ja Tios winë të tyuk'ëne'emyën.

Éxodo 17:5

Tä ja Tios y'ëtsoowë: Jëyëjp mnaxëty ma naax kajpnën ets mëët mnëjkxëty yë mëjja'aytyëjk, mëti'ipë jam yajpatëpën ma Israel ja'ayëtyën. Mkapëp ja mtajk mëti'ipë ojts xytyukwojpyu'kxyën ja mëjnëë ets mnëjkxtëty.

Éxodo 12:11

Tëë ënäty ja mwit mtujkxy xytyuktëjkënyëtë ets tëë ënäty ja mkë'ëkëty xykyëxjäänëtë mtekykyijxy, jëtu'unyë nëjkx ye'epy mjaakkay mjaaktsu'utstë, jä'ä ko Wintsën jää y'ëmaayxyëëw itaanp.

Éxodo 3:16

Nëjkx ets woowmuk yë mëjja'aytyëjk jampë yajpaatën ma Israel ja'ayëtyën ets xy'ënëëmëty: Yë Wintsën mëti'ipë yë m'ap m'ok Tyios'atëpën, yë Abraham, Isaac ets Jacob yë Tyiosëty, yë'ë ojts nyänyikëxë'ëkyë maas ëjtsën etsës ojts xy'ënëëmë, ko tëë t'ixy tnijawë wi'ix miitsëty mjatën mkëpätën yaa Egiptë.

1 Corintios 10:4

nän yë'ë nëë y'uktë mëti'ipë tsaajoty pëtsëëmën. Ja tsaa yë'ë ja Kristë, mëti'ipë ënäty mëët tyu'uye'eytyën.

Hebreos 11:28

Mëët ko myëpëjky ja Moisés tyuun ja ëmaayxyëëw ko t'ënëmaay ja Israel ja'ayëty ets ja ne'pyny nëjkx tuknikoytyë ja tyëjk aaw ets ja yajja'ay'o'kpë mëti'ipë Tios kyäjxën ka'ap tyaj'ooktëty ja kä'äxkopk mëti'ipë Israel ja'ayëtyën.

Éxodo 12:20

Nitii xykyajë'kxtëty mëti'ipë tsooymyëëtën. Oy maa mtimjyuuky'atëty, nëjkxëp ja jëtu'unpë ja tsajpkääky xykyäytyë mëti'ipë ka'ap tsyooymyëëtëtyën.