Éxodo 12:14 - Biblia Mixe de Quetzaltepec

¹⁴ Ya'atë xëëw yë'ë tu'uk mëj'äämpy itëp, mëti'ipë ja Tios jä'ä yajtukmëjjawëpën ets xëmë jëtu'un nëjkx ja'amyetsy xyaj'itë. Ya'atë xëëw jëtu'un xyaj'itëty tä tu'uk yë ënä'ämënën mëti'ipë xëmë ijtëwëpën. Jä'ä ko yë m'u'unk m'ëna'këty kopkpëky ko nëjkx näjyëtu'un tja'amyätstë.

Biblia Dc en Mixe de Quetzaltepec

¹⁴ Ya'atë xëëw yë'ë tu'uk mëj'äämpy itëp, mëti'ipë ja Dios jä'ä yajtukmëjjawëpën ets xëmë jëtu'un nëjkx ja'amyetsy xyaj'itë. Ya'atë xëëw jëtu'un xyaj'itëty tä tu'uk yë ënä'ämënën mëti'ipë xëmë ijtëwëpën. Jä'ä ko yë m'u'unk m'ëna'këty kopkpëky ko nëjkx näjyëtu'un tja'amyätstë.

Éxodo 12:14 ပူးပေါင်းရင်းမြစ်များ

2 Reyes 23:21

Ënät ja yajkutujkpë ojts tni'ënä'ämë ets ja ja'ayëty ni'ëmukë tmëjawëtëty ja ëmaayxyëëw ma ja Wintsën yajmëjjaw yajkënu'kxyjyawën, jëtu'un tä ënäty jap myinyën kuja'ay ma ja nokyën mëti'ipë myëët'ajtypyën ja käjpxytyu'unën.

Éxodo 12:24

Ya'atë ënä'ämën kwanë ko xypyatuntëty miitsëty ets näjyëtu'un ja m'u'unkëty m'ëna'këty, jä'ä y'itëty tä tu'uk yë ënä'ämënën winë xëëw.

Éxodo 12:17

Ya'atë xëëw ma ja tsajpkääky xykyäytyën ka'apë tsyooymyëëtëtyën, mtuntëp jëtu'un ya'atë xëëw xëmë ets ja'amyetsy nëjkx xyaj'itë. Jä'ä ko jää ojts miitsëty njuutë jap Egiptë. Ya'atë, jëtu'un yam wyi'imy tä tu'uk yë ënä'ämënën, oy yë'ëjëty yë m'u'unk m'ëna'këty ets m'ok'u'unk m'ok'ëna'këty nëjkxëp tmëjjawëtë ets xyëëwtuntë.

Éxodo 12:43

Ënät yë Tios t'ënëmaay yë Moisés ets Aarón: Ya'atë jëtu'un wë'ëmp, tä tu'uk yë ënä'ämënën, mëëtkyëjxm yë ëmaayxyëëw. Nitu'uk mëpaat yë jaaypyaat jaaypyo'kxy tkatsu'utsy yë jëyujk mëti'ipë tëë wyintsë'kën'atyën,

Mateo 26:13

Tëy miits n'ënëëmëtë ko oy tyimmaajëty ma ënäty yajkajpxwä'kxyën ja oy aaw oy'ayuk, nëjkxëp yajnimëtyä'äky ya'atë to'oxytyëjk mëët mëti'ipë të tunyën.

Salmos 135:13

Wintsën, yë mxëëw xëmëkyëjxm yë y'ity, kë'ëyxyëëw kë'ëyjyëmëjt mijts myajja'amyätsëty.

Salmos 111:4

Yë myëj'ajtën mëti'ipë të tyaj'ixyën ka'ap tjëkyepy nijëna'a yaja'atyëkoyëty. Yë Wintsën yujy tëtä'äky yë'ë ets pa'ëyoop najts'ëyo'owëp.

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënäty ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

Deuteronomio 16:1

Ko yë Abib po'o tpaatëty jää xynyixëëwtuntëty yë ëmaayxyëëw, ma ja Tios xymyëjjaw xyjyäänty jyawëtëtyën, jä'ä ko miits wa'ats xynyijawëtë ko jä'ä tsu'um ojts yë Tios jap Egiptë mjuutëtë.

Éxodo 5:1

Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë: Jëtu'un yë Wintsën y'ënä'äny yë Tios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.

Lucas 22:19

Tääts ja tsajpkääky tkoonë'ky ets näjyëtu'un ja Tios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Zacarías 6:14

Ja kujän ijxpäjtën nëjkx wyi'imy jap tsajptëkoty, mëti'ipë nëjkx yajtukja'amyätstën yë Hedai, Tobías, Jedaías ets Josías, yë Sofonías yë y'ëna'k.

Ezequiel 46:14

Näyjyëtu'un winjopy yajmo'ojëty yë Wintsën yë aaypyajk ujtspajk wëxtujk tsim ets tu'ktsim yë on, mëti'ipë yajtuknipëkëpën yë tsajpmokway. Ya'atë jëtu'unpë tsajptëkoty tyuunk kopkpëky yë'ë.

1 Samuel 30:25

Jä'ä xëëw ojts jëtu'unpë tsyo'ontä'äky jam ma ja Israel ja'ayëtyën, ko tu'knax winë nyätyukpaatëtë ets tyampaat je'eyëm jëtu'un tyu'uye'ey.

Josue 4:7

Tääts xy'ëtsowtëty: Ëk'ix u'unk, ya'atë yë'ë nyikäjpxyp, ko tëëyëp ma ja Wintsën ja kyaaxë ojts yajmënaxyën ma ja Jordán mëjnëëjën ojts mäjtskpëky nyäwyä'kxyë ets jëtu'un'äämpy ojts të'ëts wa'ats yajmënaxy. E tyaapë tsaa nipiiwpetypë y'ityën yë'ë ijtp ijxpät ets yaja'amyätsëty mëti'ipë ojts tëëyëp tyunyën jyätyën.

Números 18:8

Ënät ja Tios t'ënëmaay ja Aarón: Mijts të ntuknipëky ets xykyëwentëpëjkta'ajëty yë ayajk ako'onën mëti'ipës yajmoopyën. Tëkokyë yë ayajk ako'onën mëti'ipë yë Israel ja'ayëty yajktëpën, kënu'kxy yë nyajxnë. E paaty, mijts ets m'u'unk n'ëna'k yam nmooytyëp, jä'ä ko mpatëtëp jëtu'un. Ya'atë ënä'ämën yë'ë xëmë itëp.

Números 16:40

Ya'atë ijxpäjtën ojts wyi'imy ma Israel ja'ayëtyën, ko ni pën mëpaat ëpëky yë kë'ëmwinma'any tkamëwinkony yë wintsë'këntyakn ets Tios tukwinno'okaanpëty yë poom. Yi'iyë patëtëp yë Aarón yë y'u'unk y'ok. Jä'ä ko pën jëtu'un tyuunpyën tsojk jyatëty tä jyäjtyën yë Coré mëët yë myëku'uktëjk. Tëkokyë, ojts jëtu'un yajtuunta'ay mëti'ipë ënäty ja Wintsën të tuk'ëne'emyën ja Eleazar mëti'ipë kyajpxnajxën yë Moisés.

Números 10:8

Yë Aarón yë myaankëty mëti'ipë teety'ajtëpën yë'ë pujxnxuxn tyukxu'uxtëp.

Éxodo 12:6

Jam xymyëët'atëty ets këwent'aty xyaj'itëty koonëm ënäty ja xëëw tpaaty ma ya'atë po'o myajkmajkts anyën. Tukë'ëyë ja Israel ja'ayëty jää nëjkx tyaj'ooktë ja tsyajppaxëty ëkë kyupixynyëty ko jyënäkyxyëëw'atëty.

Éxodo 23:15

Mxëëwtuntëp ma ja tsajpkääky yajkayën jëtu'unyëpë ka'apë tsyooymyëëtëty, jëtu'un tä të ntuk'ëne'emyën, wëxtujk xëëw xykyäyëty yë tsajpkääky ka'apë tsyooymyëëtëtyën. Ya'atë xëëw jää xytyuntëty ma ja xëëw po'o y'änyën mëti'ipë xyëëwajtypyën Abib, jä'ä ko jä'ä po'o ojts jap mtsoontë Egiptë. Ets maas ëjtsën ni pën mëpaat kyaminy jëtu'unyë pën ka'ap tii tmëminy.

Levitico 23:6

E ma myajkmajkts'anyën ja po'o, nän yë'ë ja mëtu'kpo'opë, yë'ë jä'ä mnixëëwtuntëp ja tsajpkääky, mëti'ipë jëtu'unyë yajkääpyëm ka'ap tsyooymyëëtëty, jä'ä nän Tios jëtu'un jä'ä yajmëjjawëp. Wëxtujk xëëw ja tsajpkääky jëtu'un xykyäytyëty, mëti'ipë ka'ap tsyooymyëëtëtyën.

Deuteronomio 6:8

Ya'atë ënä'ämën tëyajtën jëtu'un xytyimmëët'atëty mjootjoty mwinma'anyjoty tä jeexyë jam mkë'ëkëjxm këxtsumy y'ityën ets tä jeexyë jam mwinpokëjxm këxtsa'ay yajpaatyën.

Éxodo 27:21

Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Números 15:15

Ya'atë ënä'ämën tsoowpatp ma miitsëtyën ets ma jaaypyaat jaaypyo'kxëtyën; yë'ë jëtu'un xëmë ënä'ämën'atëp ma miitsëtyën ets ma m'u'unk m'okëtyën.