Éxodo 11:4 - Biblia Mixe de Quetzaltepec

⁴ Ënät ja Moisés t'ënëmaay ja mëj'ënä'ämpë: Jëtu'un yë Tios y'ënä'äny: kujkytsyu'umës naxa'any ma tu'kë'ëyë yë Egiptë kajpnën,

Biblia Dc en Mixe de Quetzaltepec

⁴ Ënet ja Moisés t'ënëmaay ja mëj'ënä'ämpë: Jëtu'un yë Dios y'ënä'äny: kujkytsyu'umës naxa'any ma tu'kë'ëyë yë Egiptë kajpnën,

Éxodo 11:4 ပူးပေါင်းရင်းမြစ်များ

Éxodo 12:29

Kujktsyu'um ënäty, ko ja Tios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënäty kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënäty jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënäty mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Salmos 60:10

Jä'äxë ko mijts, Tios, tëës xy'ëxwa'antë; ka'ap tyam xy'ëkpanëjkxnë ja ntsiptuunpëtëjkëtyës.

Job 34:20

Yë ja'ayëty poj'am y'ooktë ko kyootsë; ëtëtstëp ënantëp yë ja'ay ets y'atëkoytyë; yë yajkutujkpë atëkoopy ets ka'ap yë'ëjëty naaxwiinyëtë ja'ay yaj'atëkoyë.

Éxodo 12:12

Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.

Mateo 25:6

Tsu'um it ojts tmëtowtë ayuk janty mëk y'ënä'äny: Tää ja ye'etyëjk pëjkpë myiny. Pëtë'ëktë, nëjkx jëjpye'eyyë'ëktë.

Miqueas 2:13

Yë Tios yë'ë yaj'ëwa'atsäämpy yë tu'u ets yë'ë tpanëjkxtëty ets jam pyëtsëmtëty ma ja naax kajpn ja nyitëjk'aawën. Yë Wintsën mëti'ipë kyutujkpë'ajtëpën yë'ë nëjkx jëjp'am ye'ey ma yë'ëjëtyën.

Amós 5:17

Maajaty yajpaatyën yë tsatsymkyam jë'ëyën yaxën jam itaanp koos ënäty nminy ets ntëytyuna'antës. Yë Wintsën jëtu'un ënaanp.

Isaías 42:13

Tä ja ja'ayën mëti'ipë të myëtä'äkyën jëtu'un ja Wintsën myëta'aka'any tä ja'ayën mëti'ipë mëtakpën xëmë, jëtu'un ja Wintsën tsyip'ixyëty tä tsiptuunpë ja'ayën; mëk yujkya'axa'any ets tnikajpxa'any ja tsip, ets ja myëtsip tyajkutëkoyä'äny.

2 Samuel 5:24

Ko xymyëtowëty yë ja'ay myiny ets aaykyëta'ak tyaj'ëna'any, jää mpëtë'ëkëty ets xytyukja'tëty yë filistejë ja'ayëty; ëjts nija'awënës ënäty jëtu'un nyäjkpy ko jëyëjpës nnëjkxy ma mijtsën ets filistejë ja'ayëty ëxëëk jyatëty kyëpätëty.

Éxodo 12:23

Ko ja Wintsën jam nyaxëty, mëti'ipë yajja'ay'o'kpën ma ja Egiptë kajpnën, ja ne'pny jä'ä y'ixëp mëti'ipë ënäty jamën ma ja mtëjk'aawëtyën ets jëkäm mnanaxëtëty. Jëtu'un'äämpy ka'ap tjëkyäpëty wi'ix nyatëkëtyën ma ja mjëën mtëjkëtyën ets yajja'ay'ookëty.

Salmos 81:5

yë'ë ya'atë José ojts näjyëtu'un yajtuk'ëne'emy ko ja Tios tëytyuuny ja Egiptë kajpn. Tëës tu'uk yë aaw yo'kn nmëtoyës mëti'ipës ënäty ka'ap n'ixy'ätyën