Éxodo 11:1 - Biblia Mixe de Quetzaltepec

¹ Tä ja Tios t'ënëmaay ja Moisés: Njaakyajminäämpyës tu'uk yë ëyo'on ma mëj'ënä'ämpën ets ma tëkokyë yë Egiptë ja'ayëtyën. Ko ja jëtu'unpë tyunëtëty jyatëtëty ka'ap nëjkx yë mëj'ënä'ämpë je'eyë m'ënë'ëmxëty nëjkxtë, nëjkxëp kë'ëm mtimnyiminëtë ets nëjkx mënu'kxtä'äky myajtsoonëtë.

Biblia Dc en Mixe de Quetzaltepec

¹ Tä ja Dios t'ënëmaay ja Moisés: Njaakyajminäämpyës tu'uk yë ëyo'on ma mëj'ënä'ämpën ets ma tëkokyë yë Egiptë ja'ayëtyën. Ko ja jëtu'unpë tyunëtëty jyatëtëty ka'ap nëjkx yë mëj'ënä'ämpë je'eyë m'ënë'ëmxëty nëjkxtë, nëjkxëp kë'ëm mtimnyiminëtë ets nëjkx mënu'kxtä'äky myajtsoonëtë.

Éxodo 11:1 ပူးပေါင်းရင်းမြစ်များ

Levitico 26:21

Pën miitsëty kä'äpyëm nkäjpxyjyä'äkyukëtë ets ka'ap ninu'un xytyim'a'ixëtë xymyëmëtowa'antës. Miitsëty kopkpëky ko jatëkok ntëytyuntëty ets wëxtujk'ok nëjkx njaakyajni'ikës ja tëytyu'unën ma miitsëtyën.

Génesis 15:14

E ëjts ntëytyunäämpyës näjyëtu'un mëti'ipë ënäty ëxëëk tuunëtëpën ja m'u'unk m'ok. Jëtu'un ja m'u'unk m'ok y'ëwaatsëpëtsëmtëty ets jatëkok jyotmëkta'aktëty.

Éxodo 9:14

Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënäty jëtu'un të tyuny të jyätyë, täänëm nëjkx m'ëxmatsëtë.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Tios jap Egiptë?

Apocalipsis 16:9

Jëtu'un ja ja'ay y'o'ktaaytyë mëët ja xëëw'an, je'eyëp ko oy jyajëtu'unënäty ka'ap ninu'un ja wyinma'any tyaj'o'oyëtë; ka'ap ja Tios tja'amyäjtstë mëti'ipë yäjkpyën ja ëyo'on, wäänëni'ik tjaaktimpyokytyuuntë.

Job 10:17

Ka'ap xyaj'ëmaaytyä'äky mëti'ipës xynyi'ëënëpën; ni'ikyë xyajkëjääjë yë mjoot'an mëët ëjts; jëtu'un tä tsiptuunpëtëjk tsyiptuntën, jëtu'unës mijts xëmë xynyipëtë'ëky.

1 Samuel 6:4

¿E tiitsës mëpaat nmo'otë etsës ntukyajjotxäämtëty? Jëtu'un ojts tyajtëwtë. Ets ja teetytyëjkëty y'ëtsoowtë: Yë'ë m'oytyuntëp wëxtujk yë pu'ts pujxn ets xyajnikojtu'utëty yë ki'ix, tu'ukjaty këëktu'uk tkutänyëty ja filistejë ja'ay. Ja wëxtujkpë mëti'ipë nyikopk'ajtëpën ja filistejë kajpn, ëpëky näjyëtu'un xyajnikojtutëpëty mëkoxk yë tsuk, yë'ë mtuk'oytyuntëp yë pu'ts pujxn, pën mnija'awëtyëp ko yë mkopktëjkëty nän yë'ë jëtu'unpë pya'am'ajtëp.

Éxodo 6:1

Ënät ja Tios y'ëtsoowë: Tyam xy'ixtëty wi'ixës yam yë mëj'ënä'ämpë ntuna'anyën, yë'ë atsip nëjkx m'ëxmajtsënëtë ma nyaax kyajpnën, yë'ëpaat nëjkx kë'ëm y'ënanë: Nëjkxtë.

Éxodo 12:29

Kujktsyu'um ënäty, ko ja Tios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënäty kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënäty jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë.