Éxodo 10:3 - Biblia Mixe de Quetzaltepec

³ Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Biblia Dc en Mixe de Quetzaltepec

³ Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Éxodo 10:3 ပူးပေါင်းရင်းမြစ်များ

1 Pedro 5:6

Yujy tëtä'äky näpyëjkta'akëtë Tios kyë'ë'am ets ja Tios mmëjpëjkta'akëtëty ko ënäty ja tiempo tpaaty.

Santiago 4:10

Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.

1 Reyes 21:29

¿Tëë xy'ixyë wi'ix yë Ahab yë jootwinpijtën të tmëët'atyë ets wi'ix ëmaay amutsk të nyäpyëjktä'äkyë ma ëjtsënë? Mëët yë'ë ko të mjootwinpity ets ëmaay amutsk të mnäypyëjktä'äkyë ma ëjtsën, yë'ë ets jyiiky myëku'uk ka'apës wi'ix ntuna'any ma tyam jyuuky'ätyën, jäänëm tëy nëjkx ja ëyo'on nyajkëtä'äkyës ko ënäty yë'ë ja myaank jyuuky'äty.

Hebreos 12:25

Näkyëwent'atëtë, mëmëtowtë ja Tios. Mëti'ipë ja Tios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Romanos 2:4

Mijts m'ixtijpy ja Tios ja y'oyajtën, ja mä'kxtujkën ets ja y'oywyinma'any, ets ka'ap xyjyawë ko yë'ëkyëjxm jëtu'un m'awinpity tä yë'ëjën

Jeremias 13:18

Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Ezequiel 5:6

E yë'ë je'eyë ja n'ënä'ämënës tkäjpxykyumëtoownajxnë ets o'ktëy ni'ik të y'ëtëtsnë këtiinëm jyëtu'un'atë ja kajpn mëti'ipë mëët nyätyu'kmëtsëpa'an'atëtën, jä'ä ko ka'ap ja n'ënä'ämënës ntëyajtënës tmëmëtowtë ets ka'ap tpatuntë ja n'aaw n'ayukës.

Jeremias 13:10

Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Isaías 2:11

Ja mëti'ipë ënäty amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Isaías 1:5

Yi'iyë miitsëty mmëmaay mmëtajtëp wi'ix mkäjpxykyumëtoownaxtëtyën, ma mjot mnini'kxëtyën ka'ap t'ëkjëkyäjpnë ma myajwoptëty. Aak tsëtyut ja mni'kx mkopkëty, tëë mmëjaawkëjxnëtë.

Proverbios 18:12

Ko ja'ay nyämyëjjawëty jää nyäyajtëkoyë, e ko ja'ay yu'unk naxym nyäyaj'ityë, jää wyimpety.

Proverbios 1:24

Tëë njamëkajpxtë ets tëë njamëjwow njamëjwitstë, e miitsëty ka'apës të xytyuntë këwentë.

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

2 Crónicas 34:27

ets ko tëë xyjyotmaypyiky ja aaw ayuk mëti'ipë të xymyëtoyën mëti'ipë ënäty tunan jatanëpën ma mijtsën ets ma ya'atë naax kajpnën ets mëët ko tëë xyjyotmayjyawë ets të mjë'ëy të myä'äxy; ëjts nän tyamës n'ijxkuk nja'akyukë tëkokyë ya'atë. Jëtu'unës ëjts n'ëna'any, mëti'ipë Wintsën'ajtpën.

2 Crónicas 33:19

Ja wyaantak nyu'kxtakën ma Wintsënën, wi'ix ja Wintsën y'ëtsoowën; ja nyëë pyoky ets wi'ix ojts tkojyën kanaak ja awinax; ja naaxpotsy ets ma tnikojyën ja ëxëëkpë; ma tpëjktäkyën ja Aserá y'awinax, ma ënäty ka'ap jyotwinpitynyëmën; jap myiinta'ay kuja'ay ma ja nyokyëtyën ja ja'ayëty mëti'ipë ja Wintsën myëtuuntën.

2 Crónicas 33:12

E ko nyäjya'awëyë mëj këjää jyotmaypyatnë, ënät ja Wintsën ojts tmëkäjpxy winë aaw winëjot, tä nyäpyëjktakë ëmaay amutsk ma ja Wintsënën, mëti'ipë ja y'aptëjk y'ëwtajtën.

1 Reyes 18:21

Tä ja Elías tmëwinkoony ja naax kajpn ets y'ënäny: ¿Jëna'apaat jëtu'un miitsëty ya'atë jëtu'unpë xytyuunk'ata'antë jëtu'un tä jeexyë je'eyë m'ëyë'ëktën mkëyätën ma xy'ixtën mëjpë mutskpë? Tyam yajxon n'ënëëmëtë, pën yë Wintsën yë'ë mëj ets janty mëtëy ko Tyiosëty panëjkxtëkëtë yë'ë, e pën yë Baal yë'ëts mëj oy yë'ë xypyanëjkxtëkëtëty. Ja naax kajpn nitii ayuk tkapaty.

Números 14:27

¿Mapaatës ënät nmä'kxtukëty mëët ijxtëm ya'atë Israel ja'ayëty tyim'ëw tyimkajpxtën? Xëmës nmëtoownë je'eyë wiinkjaty xynyikajpx xynyimëtyaknëtës.

Éxodo 16:28

Ënät ja Tios ojts t'ënëëmë ja Moisés: ¿Jëna'a jëtää mja'akyukëja'antë, miitsëty xëmë yowë je'eyë xykyäjpxykyutëjanëtë yë n'ënä'ämënës ntëyajtënës ets n'aaw n'ayukës?

Éxodo 9:17

E oy jyajëtu'unëty, mijts je'eyë yowë nëkoo mtimjäntykyujuun'o'knë, oy xyjya'ixy ko yë ëyo'on jyatuny jyajatyë.

2 Crónicas 7:14

ets ja nkajpnës, maas ja nxëëw y'ityën, tyaj'oyëty ja jyot wyinma'any, tmëët'atëty ja naxym'aaw naxymjyot, tyëkëty jëëytyak nu'kxtakpë, t'ixta'ajëty ja näpyutëjkën ets t'ëxmatsëty ja ëxëëktu'un ëxëëkajpxën; ëjts nmëtowäämpyës jam tsajpjotm, mpokymyä'kxäämpyës ets jatëkok nmo'oja'antës ja jotkujk'ajtën ma ja nyaax kyajpnëtyën.

Éxodo 4:23

Tëë n'ënëëmë etsës yë n'u'unk nmaay xy'ëxmajtsëty, wä'änës min xy'ëwtatë, e jä'ä ko ka'ap niwi'ixtsow xy'ëxmatsa'any, tyam nyaj'ookëpës ënät yë mkä'äxkopk.

Éxodo 10:4

Jä'ä ko pën mijts je'eyëmën xy'ëtuky yë nyë'ë'aaw tyu'u'aawëty yë nnaax nkajpnës, tim jëpomës nkäxëty yë maymyu'u ets myäyjya'tëty yaa ma mnaax mkajpnën.

2 Reyes 22:19

ets mëët ko të xyjyä'äkyukë wi'ixës ëjts n'ëna'anyën, ja naax kajpn ets ja ja'ayëty mëti'ipë jam tsënaaytyëpën, ko o'ktëy jyata'antë ets poky y'ita'antë ets ko tëë ja mwit mtujkxy xykyë'tsta'ay mëët ja jotmay ets të mjë'ëy të myä'äxy ëjts nwintuuyës; tëëjës n'amëtoow'ity ets tëëjës nja'akyukë. Ëjts, mëti'ipë Wintsën'ajtpën, jëtu'un yam n'ënëëmë:

Jeremias 50:29

Mëkajpxta'atë nitëkokyë yë ti'pxpëtëjkëty ets tnitëkëtëty yë Babilonyë kajpn. Yajnatujkta'atë yë kajpn këtiipë pën kyä'äkëty. Tukumëtowtë ijxtëm pyaatëtën. Tuunwinpitë ijxtëm ojts mtunëtën. Jä'ä ko yë'ë je'eyë të kyujuun'ooky maas ëjtsën, mëët ëjts mëti'ipë Wintsënën, mëti'ipë yë Israel ja'ayëty Tyios'ajtëpën.

Daniel 5:22

E tyam, mijts Belsasar yajkutujkpë, ja myaank ja mëti'ipë yam ntukmëmëtyäkpyën; mijts nän najëtu'un yaj'ixy kyëjääjë xyajtso'ontä'äky yë mjuukyajtën, amëj akëjxm yaj'ixy mja'ay'äty.

Éxodo 5:1

Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë: Jëtu'un yë Wintsën y'ënä'äny yë Tios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.