Éxodo 10:1 - Biblia Mixe de Quetzaltepec

¹ Ënät yë Tios t'ënëmaay yë Moisés: Nëjkx xy'ixy yë yajkutujkpë, ëjts tëëjës ntuknipëjktaakë ets ka'ap jyä'äkyukëty, näjyëtu'un yë wyintsëntëjk, jëtu'un'äämpyts tjëkyäpëty ets ntuk'ixëtyës ja nmëj'ajtënës mëti'ipës ntunäämpy nkajpxäämpyën.

Biblia Dc en Mixe de Quetzaltepec

¹ Ënet yë Dios t'ënëmaay yë Moisés: Nëjkx xy'ixy yë yajkutujkpë, ëjts tëëjës ntuknipëjktaakë ets ka'ap jyä'äkyukëty, näjyëtu'un yë wyintsëntëjk, jëtu'un'äämpyts tjëkyäpëty ets ntuk'ixëtyës ja nmëj'ajtënës mëti'ipës ntunäämpy nkajpxäämpyën.

Éxodo 10:1 ပူးပေါင်းရင်းမြစ်များ

Éxodo 4:21

Tä ja Tios t'ënëmaay ja Moisés: Ko mja'tëty jap Egiptë, wa'ats xjyä'ämyäjtsta'ajëty ja mëj'ajtën mëti'ipë mtunëpën ma yajkutujkpën, jëtu'un ijxtëm xynyijawën, ko tëë mijts nmo'oy yë kutujkën ets mëj'ajtën xyaj'ixëtëty. Ëjts mëti'ipës xypyatpën, yë yajkutujkpë ni'ikyës kujuun mpëjkta'aka'any ets ka'ap tsyojkja'akyukëty, jëtu'un'äämpy ka'ap ja Israel ja'ayëty tsojk'ëxmatsëty.

Romanos 9:17

Jëtu'un ja Tios ja y'aaw y'ayuk y'ënä'äny ko yajnëmaay ja Egiptë yajkutujkpë: Paaty mijts yajkutujkpë të npëjktä'äky ets mijtskyëjxm ja nmëk'ajtënës nyikëxë'ëkëty ets ja ja'ay nijawëtëty oymyaa naaxwiinyëtëty koos nmëjjëty njaantyëty.

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënäty jëtu'un të tyuny të jyätyë, täänëm nëjkx m'ëxmatsëtë.

Salmos 7:11

Yë Tios yë'ë tu'uk yajkutujkpë mëtëypyë nyipaye'eyën, mëti'ipë ka'ap nijëna'a t'oy'ixyën ja ëxëëktu'un ëxëëk kajpxën.

1 Samuel 4:8

¿Tii ënät ntuuntakmëp? ¿Pën ënät xyajtsokmëp ko jam nka'amëty Tios kyë'ë'am mëti'ipë maaytyääyëpën winë? Wa'ats nija'awëmë ko yë'ë ojts tyaj'o'kta'ay tëkokyë yë Egiptë ja'ayëty jam të'ëts'itjotm mëët ja kanaaknaxpë ja pa'am ëyo'on.

Éxodo 9:27

Ënät yë mëj'ënä'ämpë ojts tnikäxë yë Moisés ets Aarón, tääts t'ënëmaay: Nija'apës koos tëë mpokytyuny, ëjts jëtu'un yë poky nmëët'ajtyp mëët yë nnaax nkajpnës. Ëjts ka'apës yë'ë mpoky'ixy yë Wintsën.

Éxodo 9:16

E ëjts tëëjës nyajkutuky ets mjuuky'atëty ets xy'ixëty wi'ix'äämpy ëjts yë mëk'ajtën nmëëtëtyën ets jëtu'un akäjpxy n'itëtyës oy tyimmaajëty.

Éxodo 7:4

Yë mëj'ënä'ämpë nijënu'un nëjkx kyakäjpxyjyä'äkyukë ets ka'ap tmëpëkëty ja m'aaw m'ayukëty, e ëjts mëj këjääjës yë nmëjajtën ets nkutujkën jap nyaj'ixa'anyë Egiptë, mëët tu'uk yë ënä'ämën kutujkën mëjpë jaantypë njuuta'anyës yë nnaaxës nkajpnës, yë'ë jëtu'un yë Israel kajpn jap Egiptë.

Juan 12:40

Tëë ja Tios yajwë'ëmëtë winpi'its kukoots ets wyinma'anykyukëxëtëty, këtiipë y'ixtëty ets jyä'äkyukëtëty, ets jëtu'un ka'ap ja jyot wyinma'any tyajkwinpitëty ma ëjtsën, ets ka'ap nyajtso'oktëtyës.

Romanos 9:18

Tios pya'ëyoopy yë ja'ay mëti'ipë pya'ëyoowäämpyën ets yajju'unëp ja ja'ay ja y'aaw jyot mëti'ipë ënäty jëtu'un tyuknipëjktakëpën.

Éxodo 9:12

E yë Tios yë'ë ojts kë'ëm tyajkutuky ets yajkutujkpë ka'ap ninu'un kyäjpxyjyä'äkyukëty ets ka'ap ninu'un timmyëj'ixy ja Moisés ets ja Aarón, jëtu'un ijxtëm ënäty ja Tios të t'ënëëmën ja Moisés.

Josue 11:20

Wintsën ojts kë'ëm tuknipëjktaakë ets tääpë ja'ayëty kujuun nyäpyëjkta'akëtëty ets tmëmayëtëty ja Israel kajpn, tääts yë'ë yajkutëkooyëtë ets yajkëjxtaayëtë. Nimaa ja pa'ëyo'owën tkamëët'ajtë mëët yë'ëjëty, jëtu'un tä ja Wintsën ënäty të tuk'ëne'emyën ja Moisés.

Éxodo 10:20

Yë Tios yë'ë ojts kë'ëm tuknipëjktaakë ets ja mëj'ënä'ämpë ëxëëk kujuun nyäpyëjkta'akëtëty ets ka'ap tsojk'ëxmatsëty ja Israel kajpn.