Éxodo 1:7 - Biblia Mixe de Quetzaltepec

⁷ Yë Israel ja'ayëty janty nimayëty yë y'u'unk y'ëna'k myiintë naaxwiiny naaxkëjxy, jëtu'un'äämpy ojts yajxon nyimayëtë ets y'awinpijtë tu'uk mëj kajpn jap Egiptë ets mapaat yë Egiptë kajpn tnitänën yë naax kam, aakyë'ë ënäty yë Israel ja'ayëty yajpatnëtë oymyaajëty.

Biblia Dc en Mixe de Quetzaltepec

⁷ Yë Israel ja'ayëty janty nimayëty yë y'u'unk y'ëna'k myiintë naaxwiiny naaxkëjxy, jëtu'un'äämpy ojts yajxon nyimayëtë ets y'awinpijtë tu'uk mëj kajpn jap Egiptë ets mapaat yë Egiptë kajpn tnitänën yë naax kam, aakyë'ë ënety yë Israel ja'ayëty yajpatnëtë oymyaajëty.

Éxodo 1:7 ပူးပေါင်းရင်းမြစ်များ

Génesis 46:3

Ënät yë Tios y'ënäny: Ëjts jëtu'un Tios, mëti'ipë mteety Tyiosajtën. Këtii mtsë'ëkë, ko mnëjkxa'any Egiptë, jä'ä ko jamës yë m'u'unk m'ok nyajnimayëja'any ets tu'uk yë kajpn nyajkoja'anyës.

Deuteronomio 26:5

Ets m'ëna'anëty jam mWintsën wintum: Ëëts yë nteety n'apëty, mëti'ipë arameë ja'ayëtyën, tëëyëp jëtu'unyë ojts jyëtitë, ok ojts jap nyëjkxtë Egiptë ets jap tsyënaaytyaknpëjktë. Japts ojts yajxon nyimayëtë ets tu'uk mëj kajpn y'awinpijtë, tääts ojts myëkta'aktë.

Génesis 1:28

Tääts tmooy yë kyënu'kxën ets t'ënëmaay: Mëët'atë ënät yë m'u'unk m'ëna'këty, yajwintuktë yë naaxwiinyëtë ets xy'ënä'ämtëty. Mijts m'ënä'ämta'atëp yë nëë jëyujk ets yë joon jëyujk ets tu'kë'ëyë jëyujk mëti'ipë myox tyukye'epyën.

Génesis 47:27

Yë Israel ja'ayëty jap ojts wyë'ëmtë tsënääpyë Egiptë, ma tu'uk ja it naaxwiinyëtë txëëwatyën Gosen, aakyë'ë ojts jam tsyënaaytyaknpëktë ets ojts nyimayëtë.

Génesis 35:11

ënät ojts y'ënë'ëmxëty: Ëjts jëtu'un Tios, mëti'ipë mëk'ajtën mëëtën. Mëët'atäämpy yë m'ok'u'unk m'ok'ëna'k nimay. Ma mijtsën may yë ja'ay pyëtsëma'any ets maynyaax maykyajpn; ma mijts yë m'ok'u'unk m'ok'ëna'kën pëtsëmëp näjyëtu'un mëti'ipë itëpën yajkutujkpë, mëti'ipë ënä'ämëpën ma nyaax ma kyajpnën.

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Génesis 9:1

Tios ojts tkënu'kxy yë Noé mëët yë y'u'unk y'ëna'k ets y'ënäny: Mëët'atë yë m'u'unk m'ëna'këty nimay ets xyajwintuktëty yë naaxwiinyëtë.

Nehemías 9:23

Nimay ja y'u'unk y'ëna'k xymooy tä mëtsa'ajën tsajpkëjxm yaj'ixyën, tääts jam xywoownëjkxtaay ma ja it naaxwiinyëtën mëti'ipë ënäty ja y'aptëjk të xytyukwinwanën.

Deuteronomio 10:22

Ko ja m'ap m'okëty jap jyajtë Egiptë, je'eyë ënätyëty nitëkë'px majk. E yë Wintsën yë'ë të tuknipëjktaakë ets mnimayëtëty. Miitsëty nimay myajpatnëtë, jëtu'un tä yë may myatsa'a kyëxë'ëkyën tsajpjotm.

Génesis 48:4

mëët ya'atë aaw ayuk: Ëk'ix, ëjtsës nyajnimayëjäämpy yë m'u'unk m'ëna'k ets m'ok'u'unk m'ok'ëna'k nyimayëtëty. Ko nyämyukëtëty, naax kajpn nëjkx mëjpë tyajkojtë ets yë'ëjës näjyëtu'un nmo'ojäämpy ya'atë it naaxwiinyëtë ets yë'ë xëmëkyëjxm tjä'ä'atëty.

Génesis 17:16

Tyamës nkënu'kxa'any ets nmo'ojäämpy tu'uk yë u'unk maay ma yë'ëjën, jëtu'un nkënu'kxäämpyës yë'ë. Yë'ë taak'atëp ma tu'kë'ëyë naaxwiinyëtë ja'ayëtyën. Yë'ë y'u'unk y'ok yajkutujkpë nëjkx y'itë ma nyaax kyajpnëtyën.

Salmos 105:24

Tios ojts yë nyaax kyajpn tyajmëj tyajkëjääjë ets aak jotmëk jyä'äy'ajtë këtiinëm jyëtu'unëty ja Egiptë ja'ayëty.

Génesis 28:14

Yë m'u'unk m'ok jëtu'un nyimay'ata'antë ijxtëm yë naaxwayën ets xiitsow yaatsow tyajwintuka'antë yë naaxwiinyëtë, jëtu'un anëkëjxy'äämpy ets ëpa'tkë'ëy'äämpy, a'oytsyow ets anajnytsyow. Tu'kë'ëyë ja'ayëty kënu'kxy y'ita'antë mëët mijtskyëjxm ets m'u'unk m'ëna'këty.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Génesis 13:16

Ëjts nyajnimayëjäämpy ijxtëm naaxwayën yaa naaxwiiny, jëtu'un tä ka'ap tjëkyäpëtyën yajmëtyowëty tä naaxwayën.

Génesis 1:20

Ënät yë Tios jatëkok y'ënäny: wä'än tjää'aty winëjaty jëyujk jap nëëjoty ets wä'än tjää'aty näjyëtu'un yë joon jëyujk mëti'ipë kääkjëtijtëpën naaxwiinkëjxy. Jëtu'un tyuunë jyajtë.

Éxodo 12:37

Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënäty ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë.

Génesis 48:16

Yë Tios yë tsyajpjotmëtë kukäjpxy mëti'ipës xyaj'ëwaatsëpëtsëëmpën ma ëxëëkpë jëpyëkpën. Yë'ë kyënu'kxëp jyëkyäpëp ya'atë ëna'këty. Mëët yë'ëkyëjxmëty ja'amyetsy xëmë yë nxëëwës y'itëty ets xyëëw yë nteetyës n'apës Abraham ets Isaac. Myëët'atëp nimay yë y'u'unk y'ëna'këty, ets jëtu'un nimay y'itëty tsyëënëtëty yaa naaxwiiny.

Génesis 26:4

Yë m'u'unk m'ok jëtu'unës nyajnimayëja'antë ijxtëm yë mëtsa'a mëti'ipë tsajpjotm këxë'kpën. Miitsëty nmo'ojantëp tëkokyë ya'atë naax kam ets näjyëtu'un nkënu'kxta'ajäämpyës naaxwiinyëtë ja'ayëty mëëtkyëjxm mijts yë m'u'unk m'ok.

Génesis 15:5

Ënät ojts yë Wintsën yë Abram tyajnëjkxy ëpëky ets t'ënëmaay: Ëk'ix yë mëtsa'a tsajpjotmëpë, ëkmëtyow pën y'ëkjëkyejpy xymyëtyoowëty. Timjëtu'un myäy'ata'any yë m'u'unk m'ok jëtu'un ijxtëm yë mëtsa'a myäyëtyën.

Hechos 13:17

Ja Tios, mëti'ipë ja Israel ja'ay Tyios'ajtëpën, jä'ä ojts twin'ixy ja nteety'ajt n'ap'ajtëmë ets ojts tyajnimayë ko tsyënaaytyë jap Egiptë. Ok ojts tyajpëtsëmy mëët ja myëk'ajtën mëkpë.

Génesis 26:22

Isaac ojts jam tsyoony ma jampë ja it naaxwiinyëtën ets ojts jëkäm nyijkxy tsënääpyë. Tä jam wiinkpë ja nëëjut tyaj'ëwatstë. E ka'ap ojts t'ëkyajtsiptaknëtë ja tuunpëtëjkëty, paaty ja Isaac txëëwmooy Jotkujkajtën, tä y'ënäny: Tyam tëë ënät ja Wintsën t'a'ixë ets jotkujk njuukyajtmëty ma ya'atë it naaxwiinyëtën.

Éxodo 1:12

E mëk jyayajtuunëtë yë'ëjëty je'eyëm ojts nyimayëtë'ëtstë. Paatykyëjxm ojts ja Egiptë ja'ayëty ja tsë'ëkë tyuktëkëtë.

Éxodo 5:5

Jëtu'un ojts yë yajkutujkpë näjyëtu'un y'ënë'ëmxëtë: Ma tyam yajxon të nyimayëtën yë Israel ja'ayëty, tii mijts ënät m'ëtukantëp ets ka'ap tyuntëtyë.

Salmos 107:38

Yë'ë kyënu'kxyp ets yë'ë kë'ëm tyuknipëjktakëp ets myëjwiin kyëjääjëty yë jyëyujk tsyajpkaajëty.

Ezequiel 16:7

Ets nyajye'ky tä aay ujts yonyën kamjoty, ojts myeeky mpety, koonëm m'awinpijty tu'uk to'oxytyëjk, ojts ja mtsi'tsk yeeky ets myujxtaay ja mwaay. Je'eyëp ko mniwa'ats m'ëxwa'ats.