Éxodo 1:13 - Biblia Mixe de Quetzaltepec

¹³ Paaty ni'ikyë mëk tuunkmooytyë ets tyaj'ëyoowtë.

Biblia Dc en Mixe de Quetzaltepec

¹³ Paaty ni'ikyë mëk tuunkmooytyë ets tyaj'ëyoowtë.

Éxodo 1:13 ပူးပေါင်းရင်းမြစ်များ

Deuteronomio 4:20

E miitsëty, Tios ojts kë'ëm mtimjyuutëtë jap Egiptë, ma ënäty myajpaatën mëj jëënjotypyën ets mkajpn niwanëtë.

Génesis 15:13

Tääts ja Wintsën y'ënëmaayë: Mnijawëp ko yë m'u'unk m'ok jëkäm jyuuky'ata'antë wiink naax wiink kajpn. Jam yajtëytyuna'antë ets ëxëëk jyata'antë. Majktaxk mëko'px jëmëjt yajtëytyuna'antë.

Éxodo 1:14

Mëk tyajtëëy tyajyaxtë mëët ja tuunk ëyo'on mëkëtypë, yajxon ja naax mo'onts tuunk'ajtë mëti'ipë ja muutsy tyukyajkojtëpën, näjyëtu'un ja mëti'ipë ojts jam tyuntën kamwinm tu'uwinm, mëk ojts y'ëyowtë mëët ja tuunk ëyo'on ëxëëkpë tsaatsypë oy myaa'ajnë jap Egiptë.

Levitico 25:43

Këtii ëxëëk xytyunëty xy'ënëëmëty. Tsë'ëkë Tios ets oy yë mëku'uk mëët'at.

1 Reyes 12:14

jä'ä ojts tkäjpxy ja aaw ayuk mëti'ipë ënäty ja ëna'ktëjk të tnikajpxtën, ko ënäty të y'ënë'ëmxëty: Pën ja tyeety mëk ojts ja tuunk myo'ojëtë, yë'ë jaakwäänë mëk tyaka'any ja tuunk, ëkë pën ojts ja tyeety tyukwopëtë ja tejpxy yë'ë nëjkxëp tyukwopëtë ja po'oxu'tsn mëti'ipë pujxn jyëjp'ajtypyën.

2 Crónicas 10:11

pën je'emty ojts winë mtuknitsëmëtë, ëjts wäänë je'emtyës yam miits ja tsëmy nmo'oja'antë; pën ojts mtukwopëtë yë tejpxy, ëjts yë'ëjës yam miitsëty ntukwoptëp yë po'otejpxy mëti'ipë jam jëjp'am pujxn myëët'ajtypyën.

Salmos 105:25

E yë'ë ojts näjyëtu'un kë'ëm tyajkutuky ets ja Egiptë ja'ayëty tmëtsiptsoontëty ja Tios ja nyaax kyajpn ets twin'ëëntëty ja tyuunpëtëjk.

Proverbios 28:15

Jëtu'un tä tu'uk yë kaajën myu'uy nyiitsyën, jëtu'un tä tu'uk yë osë yä'äxy jyokyën, jëtu'un yë ëxëëk ja'ay mëti'ipë y'ëne'empyën yë naax kajpn ma ëyoopëja'aytyëjk tsyëënëtën.